100 جنيه فى جراج عند الشغل + 20 جنيه تنضيف السيارة( مش غسيل ) من برة فقط كل يوم.
و فى البيت بركن فى جراج العمارة ببلاش و بدفع للبواب 15 جنيه فى الشهر برضه للتنضيف مش الغسيل .
عرض للطباعة
100 جنيه فى جراج عند الشغل + 20 جنيه تنضيف السيارة( مش غسيل ) من برة فقط كل يوم.
و فى البيت بركن فى جراج العمارة ببلاش و بدفع للبواب 15 جنيه فى الشهر برضه للتنضيف مش الغسيل .
ولا مليم بدون غسيل او ترك المفتاح
بركن فى الشارع زع الجدع بعد بحث يصل الى نص ساعه كل مره
ومهما يحصل مش هاسيب عربيتي لصبيان الجراج يلعبوا فيها فى الكاسيت والتكسسف زى ما بشوفهوم طول النهار وكمان بياخدوا 200 جنيه فوق كل ده
ايه يا جماعة الاسعار اللي بسمعها دي :I_angr1[1]:
والله انا بدفع 60 جنيه شامل نظافة عند كل خروج داخل العربية وخارجها
ومرة غسيل كل اسبوع:biggrin:
فروق الاسعار دي بتختلف من جراج للتاني و منطقة لاخري 000 سواء الجراج كبير او في شارع واسع و طبعا اختلاف المهبط00000 لان في الجراجات العادية اللي بمنزل جامد و في اللي من غير مهبط اللي هيا علي حتة ارض000و ده اعتقد اغلي
انا ميجيليش قلب اسيب مفتاح العربية لحد وكدة كدة مفيش جراج كويس بركنها تحت الشباك وفوق الرصيف وببلاش هههههههههههههههه
بادفع 125 جنيه لصاحب الجراج
و 25 جنيه للسايس عشان يمسحها كل يوم
و 10 جنيه لحساب فاتورة الكهرباء
يعني الإجمالي 160 جنيه شهريا , و المفتاح معايا
بس يكفي إني مطمن عليها و برجع في أي وقت ضامن إني حالاقي مكان مش حاقعد ألف و أدور في الشوارع
60 جنيه لسايس في الشارع بدون غسيل
وبنضفها في البنزينة كل ما أفضي
بس موضوع الركنة ده فعلا مشكلة خاصة في منطقة الدقي ( كارثة بالفعل )
فى البيت بركن فى جراج العمارة ببلاش و بدفع للبواب 20 جنيه فى الشهر للتنضيف و مره واحدة غسيل فى الأسبوع
بمناسبة جراج العمارة بيركن جنبى دكتور رخم كل مايفتح باب عربيته لازم يحك العربية و ده علشان الجراج ضيق شوية وكل ماكلمه يقولى اسف غصب عنى, بفكر اجييب مرتبة سفنج قديمة و احطها جنب العربية بعد مركن العربية بس خايف من رخامتة يرميها و اتخانق معاه
ب 130 جنيه في الشهر غير شامل الغسيل
واكراميات السايس حسب ظروفها كل مرة
والمفتاح في الجراج
وصدقونى مش مرتاح
الحمد لله بركن فى جراج خاص مغيهوش غير عربيتى وعربيت والدى
بس الحمد لله نعمه الواحد بيشوف بلاوى