احمد باشا حسن واحشنا كثير و الف سلامة للوالد
بالنسبة للبوش هو مفيش قلق منه طالما بسيط بس المشكلة انك لما بتيجى تعدى من وسط عربيتين و انت على سرعة عالية شوية و المسافة محكومة بتبقى صعبة شوية
و ربنا يستر علينا جميعا ان شاء الله
عرض للطباعة
حصلت مفاجئه ماكنتش اتوقعها
بعد ماغيرت البليه وقولت كده خلاص مشيت وتانى يوم وانا رايح الشغل لقيت صوت الزنه رجع تانى وواضح جدا مع السرعه العاليه بعد ماخلصت شغلى روحت راجع على الحاج محمد على وقولتله صوت الزنه رجع تانى شوف البليه اللى ركبت بايظه ولا ايه
كشف على العجله سليمه ومافيهاش حاجه
وبعد فحص دقيق فى العربيه تفتكرو بقى الزنه دى كانت منين
والله انا ماكنت مصدق ولا متوقع هههههههههه
من عداد السرعه اه والله وطبعا علشان هو خلف الدريكسيون على طول
كان اقرب احتمال بالنسبه ليا
طبعا هو فك العداد وزيته وزيت الخرطوم بتاع السرعه ومشيت ولقيت الحمد لله الصوت راح بس طبعا قولت اصحح العيب هنا علشان الكل يكون عنده خلفيه للموضوع ده
شكراً يا هاشم على التوضيح
بس هو زيت إيه بالظبط فى العداد؟ و زيته بزيت عادى ولا نوع معين؟
هاهاهاه طول عمرك دمك خفيف يا احمد وحشتنى والله ايه اخبارك مع جمال
اخى العزيز ahit انا لقيت سعرها استيراد المانى ب 400 ج عند عاطف الصيرفى فى احمد سعيد
هو زيت الخرطوم اللى فيه سلك السرعه اللى جاى من العجله وركبه وزيته بزيت عادى
وعلى فكره يااحمد باشا فى حاجه مهمه
الحاج محمد على موصينى اعتزرلك بالنيابه عنه فى الموقف اللى حصل معاك وبصراحه الراجل حلفلى انه وقتها كان عنده عربيتين شغال فيهم هو وعمرو واصحاب العربيات كانو قاعدين ومستنيينهم وخلصو شغل الساعه 12 بالليل وماكنش ينفع انه يسيبهم ويجيلك
طبعا اا مش بقولك رأيى انا بوصلك رساله وعليك تقدير الموقف
ممكن سوال
بلي العجل اللى قدام تمنه كام وايى اضراره
لانى بشك فى اللى عندى
استاذ وائل
اهلا بيك معانا فى نادى الفولكس
بالنسبه للعجله الاماميه بيكون فيها بليتين داخليه وخارجيه وسعرهم 45 جنيه
اضرارهم انه هما اللى ماسكين العجله ولما بيكونو متاكلين بتحس بصوت ونه
فى العربيه وانت ماشى بسرعه وعند الملفات تسمع صوت طقطقهجاى من العجل
والسكوت عليهم غلط وخطر ياريت تروح تكشف عليهم
ونتمنى نشوفك فى مقابلتنا يوم الجمعه