الحقونى ياناس عندى عرسه فى صالون العربيه ومش عاوزه تخرج
الموضوع ده اكتشفته من ايام اول ماابتديت اشم ريحه كريهه داخل السياره
وبعد كده لقيت اثار دلتنى على ان فى عرسه بتدخل الصالون
روحت للميكانيكى وسالته بتدخل منين دى قاللى من ماسورة التكييف سدها لانه مش راكب اساسا المهم سديت الماسوره دى بالفعل
وتانى يوم لقيت اثار العرسه دى بتزيد فى الصالون
نظفت العربيه وغسلتها وجيت وانا ماشى بالعربيه افاجأ بان العرسه دى موجوده معايا فى الصالون ورايحه جايه وقفت بسرعه ونزلت فتحت الباب واستنيت انها تخرج
وهى مااعرفش استخبت فين ومش راضيه تخرج ابدا
النهارده الصبح نزلت فكيت كراسى الصالون كلها وطلعتها بره العربيه وشلت الفرش
كلهوماخلتش حاجه فى الصالون خالص علشان اتاكد انها مش موجوده وجبت
زجاجة ديتول مطهر ورشيتها داخل الصالون وعلى الفرش علشان الريحه
وعلشان اعقم العربيه من اى جراثيم وبعد مابقت العربيه تمام والريحه راحت
وجيت بقى دورت ورايح على شغلى
وفى الطريق دورت الكاسيت عالى شويه واذا بى اسمع صوت العرسه بتسرخ ورايا
يادى المصيبه انتى لسه هنا
ونزلت من العربيه بسرعه علشان اخرجها وادور عليهالقيتا بتجرى تحت الكراسى واستخبت تانى
ارجوكم اللى يعرف اى حل يخلينى اعرف اطردها من العربيه يقولى
احسن انا قربت اتجنن خلاص