تنك البنزين مليان رمل - مازدا 323

**yasser_mrk** · 17-04-2009 10:25 AM

السلام عليكم ورحمة الله وبركاته انا عندي عربيه مازدا موديل 82 من يوم الاحد اللي فات انا شبه كل يوم عند الميكانيكيه المشكله انا دحت بيها مشوار طويل شويه وبعدين لما رجعت ركنتها عادي جدا ومكنش فيها اي مشاكل الصبح لما جيت ادورها حلفت ماتدور تعمل صوت دوارة المارش منغير ما المحرك يدور او حتي يلقط المهم جبت الميكانيكي نظف الكاربيريتير ودورها مشيت كويس جدا ورحت بيها مشوار ورجعت ركنتها تاني يوم نفس المشكله لما جبت الميكانيكي تاني اختبر طرمبة البنزين لقاها تمام فك الفلتر لقاه مليان رمل فقال انه لادم يفك التنك لان البنزين كده مليان رمل علي العلم انه غير الفلتر وبعد كده المشكله زى ماهي انا محتار ومش عارف المشكله من التنك ولامن حاجه تانيه والميكانيكي مش عارفها

**dr_timo** · 17-04-2009 10:46 AM

امشي خطوة خطوة وفعلا الطبيعي ان مايبقاش في رمل فشيل الرمل ونضف التنك عشان حتي لو مش دة السبب فمش صح انك تمشي بالرمل دة كدة

**samirayad** · 17-04-2009 11:20 AM

فك الفلتر لقاه مليان رمل فقال انه لادم يفك التنك لان البنزين كده مليان رمل علي العلم انه غير الفلتر وبعد كده المشكله زى ماهي انا محتار ومش عارف المشكله من التنك

الصراحه المفروض علشان الأمور تتظبط معاك ......تنظف دورة البنزين من أول التنك حتى الكربوراتير ( وأنا لو مكانك حنضف الكربوراتير تانى ) بعد ما أنضف التنك وأغير الفلتر تانى ( يعنى أنت محتاج تطهير شامل )_ وسبحان الله ....هو بيحطوا فى البنزين رمل كمان ومتحاولش تروح البنزينه اللى بتمون منها دى تانى...........وعجبى

**mrghost** · 17-04-2009 03:33 PM

المشاركة الأصلية كتبت بواسطة samirayad

الصراحه المفروض علشان الأمور تتظبط معاك ......تنظف دورة البنزين من أول التنك حتى الكربوراتير ( وأنا لو مكانك حنضف الكربوراتير تانى ) بعد ما أنضف التنك وأغير الفلتر تانى ( يعنى أنت محتاج تطهير شامل )_ وسبحان الله ....هو بيحطوا فى البنزين رمل كمان ومتحاولش تروح البنزينه اللى بتمون منها دى تانى...........وعجبى

+111111111111111111111

**agwaa** · 17-04-2009 05:13 PM

السلام عليكم يا عم ياسر
أنا عندي نفس عربيتك
وكنت مريت بالتجربة دي قبل كدة ( العربية حالفة ما تدور بالرغم من إني سامع صوت المرتفعمارش )
المهم غير البوبينة وهت لك نوع ممتاز أسمه دايموند ( وهي مربعة الشكل وليست إسطوانية كالمعتاد ) وهي ثمنها 60 جنيه أن شاء الله هتركبها وتريح دماغك فهي أكثر من ممتازة ..
عاوز تتأكد !؟
إختبر حرارة البوبينة القديمة بحذر ( جس الجسم الخارجي لها ) هتلاقيها حرارتها مرتفعة جداً

**yasser_mrk** · 17-04-2009 06:12 PM

انا متشكر لكم جميعا انا فعلا غسلت التنك وغيرت الفلتر وركبت فلتر تاني عند الخرطوم اللي خارج من التنك و هشوف في نتيجه ولا الحال كما هو

**yasser_mrk** · 18-04-2009 08:23 AM

ياجماعه انا نظفت التنك والنهارده الصبح لقيت نفس المشكله بس لاحظت حاجه ان العربيه دارت لما حضرتلها بنزين باستخدام السوسته اللي تحت العمه ومعلش علشان انامش عارف اسمها ايه لكن بالضغط علي دواسة البنزين صوت المارش موجود لكن مبتدورش وشكرا لكم علي سرعة ردودكم

الموضوع: تنك البنزين مليان رمل - مازدا 323

LinkBack

أدوات الموضوع

عرض

المواضيع المتشابهه

هوة طريق الكريمات بقي مليان قطاع طرق فعلا

اللي عنده الديسكتوب مليان ومتلخبط يخش

الشكمان مليان ميه

شنطة العربية مليان عندك

الكلمات الدلالية لهذا الموضوع

المفضلات

المفضلات

ضوابط المشاركة