خايفة العربية تتسرق

**xahhr** · 17-04-2009 11:06 AM

أنا ياجماعة جبت الماروتي بس أنا ماعنديش جراج أعمل ايه علشان أأمن وقوفها قدام البيت أنا صحيح في منطقة أمان بس الأمر مايسلمش هل اركب جهاز انذار ولا هايأثر على الضمان ومتهيألي إني شفت حاجه بتركب في الجنوط ياترى ده ايه وعاوزه اركب كاسيت وسماعات ايه اخبارهم مع الضمان وبعدين هو الضمان ده مهم قوي ولا هناك برضه الواحد بيدفع فلوس كتير إذا كان كده الواحده تكبر دماغها واركب كاسيت وانذار وايه حكاية الضمان بعد 1000 كيلو متر دي طيب الكاسيت والانذار هايكلفوني كام ؟؟؟؟؟؟؟؟؟؟؟؟؟؟؟؟؟؟؟

**wessampo** · 17-04-2009 12:04 PM

لازم تروحى التوكيل فى مواعيد الصيانة علشان لا قدر الله (وجود عيوب للصناعة)بيكونو مكلفين بيها والحمد لله انك بتركنى قدام البيت انا حاطها بعيد عنى والظروف بتحكم بكدة

**A.Saad** · 17-04-2009 12:27 PM

ممكن تركبى الانذار فى التوكيل
وممكن تركيبه عند حد نضيف قوى زى وولف
بس اعرفى سياسة التوكيل ايه فى الضمان لان فيه توكيلات ممكن تقلك ان العربية كلها برة الضمان

انتى ممكن تحمى العربية بالاتى
انذار
عصاية بتقفل الدركسيون بالمفتاح او الارقام السرية ودى بتخلى الدركسيون ما يتحركش وفيه نوع على الدركسيون بس او نوع بيتربط مع الدبرياج حوالى 40 او 30 جنيه
عصاية تقفل عصاية الفتيس بس دى مش منتشرة
مفتاح مشفر : معرفش ينفع عندك ولا لا
مفتاح كهربا فى مكان مستخبى : اما تنزلى تفصلى بيه الكهربا عن الموبينة وبالتالى العربية مش تدور
خدى وش الكاسيت معاكى اما تنزلى
اللى بيركب فى الجنوط ده طقم مسامير ومفتاح وظيفته ان الجنط ما يتفكش مسماره يعنى صامولته وبسرق لو راكب فيه المسامر المخصوص ده
يعنى لازم المسمار ده يتفك بالمفتاح ده علشان تفكى الجنط
الكلام ده لو حاطة جنط اسبور لكن لو جنط حديد شوفى الجنط بكام والطقم بيعمل حوالى 80 جنيه
الكاسيت
ادخلى على قسم الصوتيات
وممكن تسالى فى التوكيل لو ينفع تجيبى انذار من برة وهما يركبوة

او لو عندهم اماكن معتمدة للتركيب
والف مبروك العربية

**m7nsh** · 17-04-2009 04:22 PM

فى التوكيل تركيب سنتر و انذار مش هيكون اقل من 500 600

بره الموضوع لن يتعدى 350

اعتقد ان العربيه مش مستاهله توكيل و هى سهله للميكانيكيه و كربراتير كمان ,, خصوصا مع انطباعات مش ولا بد عن التوكيل مع اعضاء هنا

القرار قرارك

**A.Saad** · 17-04-2009 05:36 PM

المشاركة الأصلية كتبت بواسطة wessampo

الله يبارك فيك يا باشا بجد بجد شكرا بس عايز اعرف هو تركيب زرار فصل الكهرباء دة شغلانة وبيتكلف كام ولك كل الشكر

ما اعتقدش انه شغلانة
بس تركيبه كام مش عارف
اسالى على كهربائى كويس واساليه
انتى بتروحى انهى فرع للتوكيل الاول

**sheeko00** · 18-04-2009 05:54 PM

الانذار بيبتدى من 120 وانتى طالعة بس لازم يكون فية سنتر وثمن السنتر بيبتدى من 80 وموجودين فى التوفيقية وممكن يركبوهم كمان بس اسالى عن شروط الضمان

**خالد** · 20-04-2009 11:25 PM

أنا ركبت الأنذار فى التوكيل من 6 شهور تقريباً بحوالى 570 جنيه وطبعاً غالى جداً جداً لأنه بره بــ 300 ج بس
كنت خايف على الضمان ورفضوا أنى أشتريه من بره وأركبه عندهم (فرع الدقى) والأنذار بيعلق ويفضل شغال لازم تفتح الباب الأمامى يمين علشان السرينة تبطل!!!!!
ودلوقتى كبرت دماغى عن التوكيل خالص لأنه........... فلوس على الفاضى غير الأستهبال وضياع الوقت وشغل أى كلام وماتحسش أن فيه حاجة أتغيرت فى العربية غير الزيت والفلتر....
نصيحة أبعدى عن التوكيل ، مفيش منه نتيجة خالص - ولو لاقدر الله حصل حاجة فى العربية أبسط كلمة عندهم أن ده سوء أستخدام مالهوش علاقة بعيوب الصناعة
مش بقولكم توكيل .........

**xahhr** · 21-04-2009 06:19 AM

شكرا على النصيحة بس انا ليا سؤال هو الضمان كام سنه

الموضوع: خايفة العربية تتسرق

LinkBack

أدوات الموضوع

عرض

-

-

-

المواضيع المتشابهه

خايف العربية تتسرق ومش عارف اعمل ايه

يعنى اية عربية تتسرق من شارع جامعة الدول العربية ؟!

خايفة اسوق في مصر !!

خايف العربية تتسرق الحقوني

أنا خايفة من العربية دي !!!!!

الكلمات الدلالية لهذا الموضوع

المفضلات

المفضلات

ضوابط المشاركة