الحقونى يا لاداويه

**miso8489** · 17-04-2009 11:09 AM

السلام عليكم الجقونى يا قوم يا معشر اللادا
انا جبت عربيه لادا 2107 من 4 شهور وهتجننى من استهلاك البنزين
هى لادا 85 1300 سى سى بتمشى من 5 الى 6 كيلو فى اللتر حاجه تجنن مش كده هى المكنه خفيفه شويه بس معتقدش انها ممكن تعمل كده و سألت فى كده قالولى لأ فأنا مش عارف دلوقى سبب زياده استهلاك البنزين دى ايه خلاص جالى احباط و قال ايه 1300 سىسى بالله عليكم قولوى اعمل ايه انا من بورسعيد

**mohmdy** · 17-04-2009 10:58 PM

السلام عليكم
اولا الف مبروك وربنا يكفيك شرها
احب انصحك بان تكشف علي الكربراتير لانه المسئول الاول عن تنظيم البنزين .
وتروح لمتخصص كربراتير . وان شاء الله خير

**aymnali25** · 20-04-2009 12:48 PM

اعتقد انك محتاج تراجع الكهربا والكربراتير
انا كمان بورسعيدي

**abdallah23** · 20-04-2009 08:43 PM

سلام الله عليكم انا عندي لادا 2107 موديل 2008 كان الاستهلاك من 7 ألي 8 ك لكل لتر المهم روحت للميكانيكي غير طقم الكهرباء ( ابلتين - كوندينسر - 4 بوجيهات ) المهم جربت لاقيت الاستهلاك هوه هوه روحت له قالي لازم نغير البيكات لقيتها 112 / 150 جيبت 110 / 120 وبحسب لها دلوقت وربنا يسهل فجرب يمكن السبب ده .

**miso8489** · 24-04-2009 09:03 PM

المشاركة الأصلية كتبت بواسطة abdallah23

سلام الله عليكم انا عندي لادا 2107 موديل 2008 كان الاستهلاك من 7 ألي 8 ك لكل لتر المهم روحت للميكانيكي غير طقم الكهرباء ( ابلتين - كوندينسر - 4 بوجيهات ) المهم جربت لاقيت الاستهلاك هوه هوه روحت له قالي لازم نغير البيكات لقيتها 112 / 150 جيبت 110 / 120 وبحسب لها دلوقت وربنا يسهل فجرب يمكن السبب ده .

ربنا يوفقك ويرزقك خيرها ويكفيك شرها ويجعل اللى بتعمله فيها ده وفر وراحه ليك.
بس ابقى عرفنى ايه اللى وصلت له علشان نستفيد من تجربتك ربنا يجعلها تجربه ناجحه

**MEMES** · 25-04-2009 09:13 AM

ان شاء الله خير وهتتطلع حاجه بسيطه
وطمنا عليك

**miso8489** · 25-04-2009 10:10 AM

[quote=MEMES;808939]ان شاء الله خير وهتتطلع حاجه بسيطه
وطمنا عليك[/quote

متحرمش منك ابدأ شكر الله لك يا ميمس

**zicooo2008** · 02-10-2009 10:05 PM

غير الابلاتين و حط بنزين من بنزينة كويسه و ابعد عن بنزينات التعاون بتحط اى حاجة غير بنزين عن تجرية

**M.ABDEEN** · 05-10-2009 05:14 PM

غير طقم كهرباء واكشف على الكاربيريتر وممكن تغير البيك واتاكد من ان الميكانيكي ظبط مشوار فتح بوابات الكاربيريتر واملى بنزين من محطة نظيفة (امارات مصر - وطنية -موبيل ) وشوف ايه ..........

**well12m** · 30-10-2009 01:16 AM

اقولك المفيد يا سيدى عشان تريح نفسك الكربراتير لو الاكس والباب بايز اوعى تصلحو لانه بيبوظ تانى لازم يتغير كلو وشوف البيكات لانها لازم تتغير كل فترة لانها بتوسع مع الاستهلاك واحسن مقاسات للبيكات 105 125 بجانب طقم الكهربا يكون جديد كدة تنسى استهلاك البنزين
وفى حاجه كمان لازم تغير فلاتر كل من الكربراتير والبنزين