أنا مرحتش المطار من زمان و مش فاكر السكة كويس
أنا دايما باخد طريق سندوب وان شاء الله مفيش مشكلة إني أوصل لغاية بعد كبري بنها انما مش فاكر فين المخرج بتاع المطار و بعدين مش عارف ازاي أوصل في القاهرة نفسها
يا ريت اللي يقدر يقوللي
عرض للطباعة
أنا مرحتش المطار من زمان و مش فاكر السكة كويس
أنا دايما باخد طريق سندوب وان شاء الله مفيش مشكلة إني أوصل لغاية بعد كبري بنها انما مش فاكر فين المخرج بتاع المطار و بعدين مش عارف ازاي أوصل في القاهرة نفسها
يا ريت اللي يقدر يقوللي
قبل كوبري بنها هتلاقي دخله يمين ادخلها هتمسك طريق مصر اسكندريه الزراعي هتفضل ماشي لحد قليوب عند قليوب هتمشي شويه هتلاقي يافطه بتقول لك دخلة محور 26 يوليو سيبها بعد ماتعدي دخلة المحور هتلاقي كوبري بعد الكوبري هتلاقي دخله يمين بتقول لك مدينة نصر ومصر الجديده والمطار هتدخل وهتمسك الطريق الدايري تقريبا 20 كيلو لحد ماتلاقي مخرج مصر الجديده والمطار تاخده وهتفضل ماشي يمين هتلاقي كوبري اطلعه وافضل ماشي علطول لحد ماتلاقي السندباد على يمينك وتلاقي شريط ترماي تاخد شمال من على شريط الترماي وتفضل ماشي هتلاقي كوبري انزل من تحته واول u Turn بعد الكوبري خدها وارجع بص فوق قدامك هتلاقي يافطه طويله عريضه بتشاور على طريق بتقول مطار القاهره الدولي امسك الطريق هتبقى دخلت المطار ها في اي استفسار؟
لا مفيش أي استفسار تاني ألف ألف شكر
أنا فعلا الحتة اللي عند الترماي كنت ناسيها خالص
شكرا ياباشا
و الله دا شكله أريح و هيبعدني عن الحتة بتاعت السندباد دي اللي كنت ناسيها بس أنا دايما بروح من مخرج مصر الجديدة و متعود عليه و بعد الوصف افتكرته و سهل بس برضه برا برا من عالديري هيبقى أريح أوي برضه...
مش عارف و الله بس عموما كدا ألف شكر أنا كدا افتكرت و كله بقى تمام ألف شكر يا جماعة...
جديدة الدخلة المباشرة من الدائرى دى
وأكيد هتبقى احسن علشان الزحمة على الأقل
فعلا أنا إن شاء الله هروح من المخرج بتاع المطار دا على طول النهاردة
Thanks for All.