إيقاف عصام الحضري 4 أشهر من أول أغسطس وتغريمه 900 ألف يورو ومعاقبة نادي سيون

http://img529.imageshack.us/img529/8...ebeltkhen2.jpg

قررت لجنة فض المنازعات بالإتحاد الدولى لكرة القدم "الفيفا" إيقاف عصام الحضرى حارس مرمى نادى سيون السويسرى والمنتخب المصرى أربعة أشهر بداية من شهر أغسطس وتغريمه مبلغ 900 ألف يورو وحرمان نادى سيون من تسجيل وبيع وشراء أى لاعب خلال فترتين إنتقال مقبلتين .

وذكر بيان صادر عن النادى الأهلى الجمعة أن قرار إيقاف الحضرى جاء خلال إجتماع لجنة فض المنازعات يوم الخميس ، ومن المقرر أن تبدأ عقوبة الإيقاف ابتداء من الموسم المقبل أى من شهر أغسطس وحتى ديسمبر المقبلين .

وكان اللاعب عصام الحضرى قد ترك ناديه الأصلى "النادى الأهلى" عقب فوزه مع المنتخب المصرى ببطولة كأس الأمم الإفريقية فى غانا 2008 ، وإنضم إلى نادى سيون السويسرى دون إذن من الأهلى معتمدا على المادة 17 من لائحة شئون اللاعبين بالفيفا .

وبهذا القرار يستطيع عصام الحضرى المشاركة مع المنتخب المصرى فى مباراة الجزائر المقبلة فى التصفيات الإفريقية المؤهلة لكأس العالم فى شهر يونيو وكذلك بطولة كأس القارات لكرة القدم فى جنوب إفريقيا خلال نفس الشهر ، بينما لن يشارك الحضرى فى مباريات المنتخب فى التصفيات المؤهلة لكأس العالم 2010 اعتبارا من أول أغسطس ولمدة أربعة شهور .

المصدر: وكالة أنباء الشرق الأوسط

فيديو كليب للهارب عصام الحضري وتعدية على عدلي القيعي أحد مسئولي النادي الأهلي :

http://www.youtube.com/watch?v=exyH2Brpqq8

يستاااااااااااااااااااااا هل

بس ربنا يسترها علينا في التصفيات

وجاء جانب الفريق السويسري في العقاب، حيث أنه تم تغريمه بعدم السماح له في التعاقد مع لاعبين جدد لمدة عام من بداية الدوري السويسري، أي أنهم ممنوعون من التعاقد مع أي لاعب خلال فترة الإنتقالات الصيفية القادمة وتليها الشتوية، حيث أن الفريق يتميز بسمة خطف اللاعبين من الأندية الأخرى مثل اللاعب الإيفواري جيوفري سيري دي لاعب فريق وفاق سطيف الجزائري لمدة أربعة مواسم مفسدا تعاقد فريق الزمالك معه .

أنا كنت شفت الفيديو بتاع الحضري و مداخلته مع شوبير و القيعي ..و ياريت الكل يشوفه بالذات و هو بيقول انه هايلعب في المنتخب غصب عن عين التخين..
يفتحلو مصنع نابوليا في دمياط بقى

أنا زعلان عشانه
ميستاهلش كل إلي إتعمل فيه ده
الأهلي بيتعامل معاه كأنه عبد إشتراه
متهمهموش غير مصلحته وبس واللاعب يتحرق بجاز مش مشكلة
بيفكروني بالقطاع الخاص في بلدنا ومبقاش كمان القطاع الخاص بس بقى القطاع العام كمان
بتشتغل بالأجرة بتاخد مرتبك وبياخدوا شغل
تيجي تمشي
العقد تطلع وتسمع كلام محدش يصدقه ويبيعوا ويشتروا فيك ويقطعوا عيشك لو قدروا وحاجة زفت
زي الأهلي كده
الراجل جاتله فرصة أفضل وعايز يمشي وعارف إنهم هيقلعوه ملط ويحطوله العقدة في المنشار
جه يهرب العقد نقحت عليهم وكأنه هيطلع من الجنة
ربنا ينتقم منهم ويشحتوا قريب إن شاء الله

مع إحترامي مافيش حاجة إسمها عايز يمشي يقوم الأهلي سايبه ! في أي قانون ده و في أي إحتراف..
كريستيانو رونالدو كان عاوز يمشي للريال الصيف الماضي و لكن مانشستر ماكانش عاوز يبيع و انتهى الموضوع..

و فيليب مكسيس لاعب روما كان انتقل بطريقة مشابهة للحضري و تم توقيع عقوبة عليه مشابهة لعقوبة الحضري

ماينفعش كل لاعب عاوز يروح أي حتة يروح و الا الموضوع يتحول لفوضى..

اقتباس:

---

المشاركة الأصلية كتبت بواسطة Jato.33

أنا زعلان عشانه
ميستاهلش كل إلي إتعمل فيه ده
الأهلي بيتعامل معاه كأنه عبد إشتراه
متهمهموش غير مصلحته وبس واللاعب يتحرق بجاز مش مشكلة
بيفكروني بالقطاع الخاص في بلدنا ومبقاش كمان القطاع الخاص بس بقى القطاع العام كمان
بتشتغل بالأجرة بتاخد مرتبك وبياخدوا شغل
تيجي تمشي
العقد تطلع وتسمع كلام محدش يصدقه ويبيعوا ويشتروا فيك ويقطعوا عيشك لو قدروا وحاجة زفت
زي الأهلي كده
الراجل جاتله فرصة أفضل وعايز يمشي وعارف إنهم هيقلعوه ملط ويحطوله العقدة في المنشار
جه يهرب العقد نقحت عليهم وكأنه هيطلع من الجنة
ربنا ينتقم منهم ويشحتوا قريب إن شاء الله

---

الإسلوب إللى هرب بيه إسلوب غير حضارى بالمرة و يدل هو أخلاقه إيه

صح كلامك .. اومال الاندية بتشتريهم وتصرف عليهم .. عشان يتشهرو ويسبوها ..
انا عاجبني اوي ال 900 الف يورو.. هيدفع دم قلبه .. دا زمانوا بيموت

هو اتصرف بطريقه غلط و خللى شكله وحش وهو فى اعز امجاده 2 كاس امم ورا بعد وبعديهم تصفيات مؤهله لكاس عالم

أنا زعلان عشان المنتخب بس........كده أحنا معندناش جول كويس زى عصام

الواحد كان بيبقى مطمن و هو واقف برضه.

لما شفت الفيديو بصراحة حسيت قد أيه هو يستاهل اللى حصل فيه.......أنت مرتبط بعقد و العقد شريعة المتعاقدين.....و الفيفا لما حط قانون بتاع السن فوق ال 28 ده مكنش حاطه عشان اللعيبة تهرب.......كان حاطة بشروط معينة و عصام معملش شرط واحد من الشروط دى.

و الله زعلان عليه عشان كان حارس جامد جداً.......بس خلاص مستواه فى النازل.