الموضوع: فلسفة الحادثة

حضرتك كلامك مظبوط ومشكور علي موضوعك الجميل ..
ولي تعليق
موضوع ان الحادثة دي قدر من عند ربنا . فعلا .. وممكن تتخبط وانت واقف واو ماشي براحة .. لكن مش معنا كدا ان نمشي برعونة وبسرعة عشان الحادثة كدا كدا قدر.. الرسول (ص) قال لنا نأخذ بالاسباب.. بدليل ان كام حدثة بتحصل والانشان واقف او ماشي براحة وكام حدثة بتحصل لما بنجري؟؟؟
غير كدا معتقدش ان كل الحوتدث ذنوب ومعاصي .. هو معظمها اه .. بس بردوا هناك ابتلائات من المولي عز وجل . لأختبار نفوس العباد..
موضوع الناصايح بتاعت حضرتك.. فدي جزاك الله خيرا عليها .. بجد شكرا جدا وياريت كلنا نعمل بيها
ونزود كمان دعاء السفر لو امكن ..

و الله يا دكتور حتي الحاجات المسلم بيها زي إن الواحد اما يعدي علي حادثة فيها ناس متقطعين حتت، يقوم يلم نفسه بقي باقي الطريق .

دلوقت و الله بشوف الناس تطلع من جنب الحادثة و تجري و غرز و تعدي عالحادثة و هي بتضحك كمان! متفهمش الناس جتتها نحست من كتر ما بقوا يشوفوا حوادث .. ولا المصريين دول سارقين عربياتهم و ضامنين عمرهم فا مش خايفين ولا حاجة .. ولا دول مش بني أدمين ولا إيه !!

الأخ صاحب الموضوع...

حمد لله علي سلامتك مرة أخري....
لي تعليق بسيط ألا و هو .. أننا يجب أن نهتم بسلامتنا من خلال المحافظة علي سياراتنا و عدم الاهمال في صيانتها أو أصلاحها من باب " الوقاية خير من العلاج" و أيضا تطبيقا لمبدأ الاخذ بالاسباب

فليس من المعقول أن يكون هناك عيب بالفرامل و تهمل في أصلاحها و كمان تمشي بسرعة و بعد كده نقول "قضاء و قدر" أو أن نهمل في ضغط الهواء بالاطارات أو عدم تغييرها ثم نسير بسرعة و ينفجر احدها مما يؤدي الي ما لا يحمد عقباه

خلاصة الكلام.. الأهمال و اللامبالاة التي أراها علي الطرق من زاوية الصيانة و الاصلاح غير مقبولة و يجب أن يزداد الوعي بهذه النقطة

الأهمال و اللامبالاة التي أراها علي الطرق من زاوية الصيانة و الاصلاح غير مقبولة و يجب أن يزداد الوعي بهذه النقطة

اوفقكم الراي

اخي الحبيب استاذ محمد الزلباني

باشكرك علي الموضوع ،
فلسفة الحادثة من وجهة نظري هي في تقدير الله ولطفة بينا
و عظة زيها زي اي شئ بيحصل في الحياة
مش بس ذنوب زي ما انت بتقول

عايز اقولك انه ياما صالحين اتقياء ماتوا في حوادث سيارات مريعة،
وعندهم اطفال وبيوت مفتوحة

و ياما شباب اللي بالي بالك بيبقي ماشي بالعربية و جنبه اللي جنبه ولا عاملين تعميرة تمام و طالعين بيها في حتة و بيغرزوا ويمشوا 200 كمان علي الكورنيش و مش بعيد يمشوا علي عجلتين بس
و يطلعوا سلام

العبرة مش بكده
دي رسالة من ربنا علشان اللي عايز يتقيه، ياخد بالرسالة و يتقيه، واللي بعيد، ربنا يزيده في الضلال
شأنها شأن اي شئ في الحياة

هاحكيلكم علي موقف صغير خالص حصلي من اسبوعين وانا راجع من اسكندرية
قبل البوابات
دخلت البنزينة، غسلت ازاز العربية كله، ومولت
طلعت علي الطريق
بعد البوابات بكام كيلو ، عصفورة ظريفة استلمت ازاز العربية كمرحاض عمومي
المهم انا اتعصبت، ولا المساحات جايبة نتيجة ولا رشاشات المية... اتخنقت ، وقلت في عقل بالي يا ربي يعني هي العصفورة سابت الصحرا كلها و جت يعني محابسها سابت عند ازازي

بعد اتنين كيلو لاقيت بنزينة معفنة كده علي اليمين
قلت ادخل اغسل الازاز تاني علشان ما بقاش نافع فيه غير التصبين
دخلت لاقيت البنزينة كلها فيها ولد واحد واضح عليه التدين جاي يجري بيقولي سولار بس
قلتله لا من فضلك اغسلي الازاز
و ساعتها خد اللي فيه النصيب اللي هو برضو ماكنش فيه فكة

خرجت من البنزينة و عينيا مدمعة
فكرت قد ايه ربنا قدر للبني آدم ده رزقه ، قد ايه احنا غافلين ، و قد ايه ربنا كبير و مسير للأكوان

شوف لو حد تاني مكاني كان هايفكر ازاي ؟؟؟؟!!!!!!!
الخلاصة علشان انا طلوت جدا

فلسفة الحادثة او اي موقف البني آدم بيمر بيه، بتتوقف علي رؤيته هو للاحداث من منظوره، وإيمانه او عدمه

طبعا ده ما يمنعش ان الواحد يتوكل علي الله وهو علي الطريق و ياخد بالاسباب طبعا و هو سايق ويحترم نفسه علي الطريق "علي رأي سواقين التاكسي بيقولو احنا ماشيين علي 4 فرد هوا"

وربنا يستر طريقكم جميعا
اسف للأطاله
والشرود عن اصل الموضوع
تقبلوا تحياتي

حسام الزلباني
اخو أستاذ محمد الزلباني كاتب الموضوع الاصلي "للتوضيح فقط علشان الادارة ما تفهمش انه نفس الشخص وتقفل الحساب تاني"