فلسفة الحادثة
سبحان الله البني آدم ده غريب جدا بيبقى عايش حياته بالطول والعرض بيعمل كل اللي هو عايز يعمله سواء كان صح او مش صح وما بيحسش بانه ضعيف اوي وممكن يروح في ثانيه الا لما تحصله مواقف مؤثرة في حياته موت شخص مقرب مرضه او مرض شخص مقرب حادثه حصلتله او لحد مقرب ليه برده وبعد فتره لما الموقف بيخلص وينتهي بيرجع تاني لحياته ويعمل نفس اللي كان بيعمله سبحان الله
خلينا بأه في الحادثه
في منطقين الناس بيفكرو بيهم ناس تقلك امشي على مهلك وما تعافرش مع حد على الطريق وماتجريش (ودي الناس اللي ماشيه بمبدأ من خاف سلم)
وناس تانيه تقلك ياعم فكك (قل لن يصيبنا إلا ما كتب الله لنا ما الناس بتبقى واقفه على يمين الطريق ياريتها ماشيه دي واقفه وتطلع عليهم مقطورة تفرمهم وتموت كل اللي في العربيه) والله برده مبدأ يحترم بس ده مش معناه اني يبقى كل مشينا جري ولا اننا نسافر على سرعات جنونيه عشان كده طبعا بتزود إحتمالات حدوث الحادثة
طيب لما بنبقى ماشيين على طريق سفر وفجأ الطريق يقف ونلاقي حادثه ولا قدر الله حد متصاب او ميت بتبص تلاقي الواحد فينا بيبدأ يلم نفسه على الطريق ولو كان بيجري يخفف من سرعته مع انك بتلاقي ناس تانيه ولا فارق معاهم كانهم ما شافوش حادثه اصلا ويطلعوا يجروا زي ما هما طيب فين العقل اللي بيتعظ بأه
الواحد لما بيبقى معاه عربيه قديمه شويه بيمشي في الشارع وهو مش خايف عليها اوي زي ما يكون معاه عربيه جديده او عربيه فابريكه على الأقل ساعتها بيبقى خوفك اكتر وبيبقى حرصك اكتر في السواقه عشان انت خايف على عربيتك طيب ليه بنفكر كده مع العلم ان في ناس حريصه وبتحافظ على عربيتها في الحالتين
الخلاصه ان الحادثه دي قدر زي أي قدر يعني لو ربنا مقدرلك تتخبط وانت واقف وانت ماشي براحه وانت بتجري هاتتخبط لأن ده نصيبك وأنا في اعتقادي ان اغلب اللي بيحصل للسيارة ده طبعا قدر ربنا بس دي ذنوبنا بتبان في العربيه اللي هي كانت زمان الدابه قال أحد السلف : أرى شؤم معصيتي في تعثر دابتي وخلق زوجتي يبقى في علاقه بين معاصينا وذنوبنا واغلب ما يحدث لنا في حياتنا
طيب ازاي نأمن نفسنا من الحوادث مع ان برده لو ربنا مقدر هايحصل بس ان الحادثه ما تبقاش عقاب على معاصي مع ان ده برده نعمه من عند ربنا انه بيقدم لنا العذاب على المعصيه في الدنيا
يبقى لازم لما نركب العربيه يكون لينا تقاليد وحاجات لازم نعملها
- التسميه (بسم الله)قال رسول الله * كل عمل لم يبدأ باسم الله فهو أبتر
- دعاء الركوب سبحان الذى سخر لنا هذا و ما كنا له مقرنين و إنا إلى ربنا لمنقلبون
- نحاول بقدر الإمكان ما نرتكبش أي معصيه يعني نغض البصر في الطريق- ما نسمعش أغاني - ما نأذيش حد أو نكسر عليه أو أي شئ من هذا القبيل وطبعا- بلاش نتهور في القيادة ( ولا تلقوا بأيديكم إلى التهلكة)
- عامة بأه في حياة أغلبنا حاولوا تركزوا مع الموضوع ده ونربط معاصينا وذنوبنا باعطال السيارة والحوادث والله فعلا الكلام ده حقيقي
معلش الكلام بتاعي ممكن ما يكونش منظم بس هي شوية افكار جت في دماغي
ربنا يستر طريقنا يا شباب
إتقوا الله في أنفسكم قبل أي شئ آخر
المفضلات