الموضوع: لو معاك كام ......تجيب عربية بكام .....!!!؟؟

صدقنى س كلها ده اذا كان س يكمل ثمن العربية و ما استلفش علشان يكمل ثمنها :D :D :D

لو عربيه احلامي فعلا مش هزود عن ربع س اما لوعايز عربيه كويسه وخلاص هشوف احتياجاتي في العربيه واجيبها ولو بالتقسيط
طبعا في ناس تقولك مركبش اقل من كذا فتستحمل وتقرص علي نفسها لحد متكون س وتجيب بيها كلها ودي اكيد بتختلف من واحد للتاني
وعلي فكره انا اعرف ناس كده وفعلا قرصت علي نفسها وقضيتها تكوسه (جمع تاكسي :D )لحد ما ربنا كرمها وركبت الي هي عايزاه
في الاول وفي الاخر ده فكر خاص جدا وانا مش شايف له قاعده بصراحه :roll:

على أد لحافك مد رجليك :lol:
انا شخصيا مقتنع بالمثل ده تماما (يعنى هات عربيه تمنها فى جيبك وكمان تعرف تصرف عليها ).
يا جماعه دا إحنا على طريق (مش دى عاجبانى يبقه أجيبها وخلاص)
أنا ليا واحد صاحبى أقترض من البنك علشان يدفع المقدم وبيقسط الباقى حاليا وكللللللللللللللله بالفوايد يا جميل.
تخيلوا بقه ده لو حصله حاجه لا قدر الله هيعمل إيه؟؟؟؟؟؟؟؟

انا عارف انة مالوش قاعدة .....
بس هل من المنطق اني اجيب بكل الفلوس ايلي معايا عربية ....وبعدين لاقدر الله لو اتخبطت او عملت حادثة ماعرفش حتي اصلحها ...دة غير اني ممكن اجيبها وبمنتهي البساطة ماعرفش اصرف عليها صيانات وخلافة...

انا قاصدي ...ان اعرف اغلب الناس بتفكر ازاي .....

هــو لما يبقى فيه مدخرات الأول :) نبقى نقول كام من ال س هههههه

بترجع لظروف و ترتيب أولويات كل واحد يعنى فيه واحد أهم حاجة فى ترتيب الأولويات بتاعته هى إنه يتجوز و بالتالى يبقى الشقة أولى من العربية و طبعا محتاج يحوش عشان البلاوى إللى بداخل الشقة يعنى بيحط إللى معاه مقدم شقة و بيتهرى أقساط شقة و يحوش على قدر المستطاع لتشطيب الشقة - و فرش الشقة و قرف الشقة فده ممكن ميجيبش عربية أساسا أو يأخر الجواز كام سنه زيادة و يجيب 128 مثلا

واحد تانى العربية عنده أهم لأنه مش مستعجل على الجواز زى حالاتى كده أنا مثلا كان معايا تقريبا 17 ألف تحويشة إستلفت عليهم 10 أصبحوا 27 ألف حطيتهم مقدم عربيتى الويرا (الكلام ده من سنة فاتت) و بقسط الباقى
أنا عملت ده لأنى مش مرتبط ومش ناوى أرتبط قريب و معنديش أى مسئوليات أخرى و لأنى محتاج العربية لأن شغلى فى المهندسين و بيتى فى مدينة نصر و عايز عربية مكيفه لأن شغلى يحتم عليا إنى ألبس بدل كل يوم + مشوار كوبرى أكتوبر يخلنى أفكر ألف مرة فى إن المستعمل ممكن يعملها معايا على الكوبرى و يقل بأصله و أنا مش بحب لف على الصنايعية ولا ليا بال عليهم ولا عندى وقت

واحد تالت متجوز و ده كان الله فى عونه لما يعانى من نقل الأسرة من مكان لآخر و شحطته فى مواصلات المحروسة إللى تبهدل أى حد و إللى مش سهل إنه يلاقى مواصلات لمكان سكنه إللى عادة بيكون فى أحد الأماكن الجديدة و بالتالى بيكون محتاج عربية بأى شكل ده ممكن يضحى بحاجات تانية فى سبيل إنه يوفر وسيلة مواصلات كريمة لزوجته و أطفاله

الخلاصة الناس منقسمة لقسميين قسم يحب يكيش و قسم مضطر يقسط و دوول غالبية فعادة إللى بيكيش ممكن يحط رقم فى عربيته يصل فى مصر إلى 75% من مدخراته و متوسط 50% و إللى بيقسط أعتقد مفيش مدخرات :)

انا باول 20% هى النسبة الكويسه بالنسة لمصر علشان لية العربية دى بتصرف

20% يعني اي واحد ها يركب اللانسر الجديده او الكورولا الجديده لازم يبقى مليونير ........ انا اسمع ان مليونيرات زمان كانو محترمين وبيركبو زلموكه وتمساحه دلوفتي المليونيرات على قفا من يشيل.....