بوابات القاهرة اسكندرية الصحراو

**r0xer** · 17-04-2009 10:57 PM

السلام عليكم.

عندي يوم الاحد مشوار تبع الشركة واول مرة سفر تبعهم اخيرا

المهم انا عايز اعرف مكان البوابات بتاعت القاهرة اللي هياخدو عليها الرسوم بتاعت الطريق فين بالظبط؟

انا دخت في جوجل لكن ملقتش البوابات خالص...

وعندي طريق هروح منه وعايز أتأكد منكم لو دا أقصر طريق فعلا

انا هبدأ طلوع من ميدان التحرير :
ومن ثم هاخد كوبري 26 يولو

ومن ثم هطلع طلعة الدائري ناحية الهرم

ومن ثم هنزل عند ميدان الرماية

ومن ثم اول يوتيرن و طوالي طوالي لحد اسكندرية

دا الوصف اللي انا فاكره كدا لما كنا بنسافر لاني دايما كنت باخد الزراعي ولكن مضطر اخد الصحراوي في المشوار دا..

فهل دي اقرب وصفة بالنسبالي ولا ايه؟ ولا اخد المحور كله لحد اخره لحد ماطلع على اسكندرية الصحراوي؟

والف شكر مقدماً.

17-04-2009 11:13 PM

المحور من ميدان لبنان
ثم منزل يمين إلى أسكندرية الصحراوي
البوابات بعد كارفور (داندي مول)
توصل بالسلامة إن شاء الله

**MoToRiZeR** · 17-04-2009 11:38 PM

لا يا باشا إنت كدة هتلف لفة كبيرة أوي!

بص إنت هتتحرك من ميدان التحرير
تطلع عالكورنيش ناحية التليفزيون .. و تطلع كوبري 15 مايو بعد التلفزيون .. و تفضل ماشي طواااالي لحد ما الكوبري يخلص متنزلش أي نزلة غير اما الكوبري نفسه يخلص .. هتلاقي نفسك عند نادي الزمالك كدة طوااالي برضه و هتلاقي نفسك في المحور .. علي طول لحد نزلة الصحراوي .

أول ما تنزل نزلة الصحراوي ممكن تفول من إمارات مصر (بعد النزلة بحوالي 2 و نص كيلو ) و بعد البنزينة بكيلو و شوية هتلاقي البوابات .. هتقوله إسكندرية و تديله 4 جنيه و تاخد طريقك يا باشا

و تروح و ترجع بالسلامة .

**r0xer** · 17-04-2009 11:58 PM

ألف شكر يارجالة...

موتورايز انت تقصد كوبري 26 يولو صح؟

يعني على الخريطة هنا...صح؟

لو هو دا قصدك ففعلا دا الطريق اللي انا ناوي اخده . لو حاجة تانية يبقى معلش هتعبك معايا وضحلي اكتر....

**MoToRiZeR** · 18-04-2009 02:50 AM

صح يا باشا
بس الكوبري إسمه 15 مايو مش 26 يوليو .. مفيش كوبري إسمه كدة
المحور نفسه هو اللي إسمه محور 26 يوليو .. أعتقد اللي حطه عالخريطة بس إتلخبطت

إنت هتبقي ماشي في شارع الكورنيش و تطلع بعد التليفزيون الكوبري و طوالي لحد إسكندرية :)

**r0xer** · 18-04-2009 03:20 AM

ثااااانكس يازعيم...على فكرة انا طول عمري عارف ان اسمه 15 مايو و لما دخلت اكتر من مرة جوجل ولاقيت أسمه كدا اعتقدت ان العيب من عندي واني معرفش حاجة :) شكرا لتصحيح المعلومة كمان. كترت الجمايل كدا! :) :)

**Ahmed.Ali** · 18-04-2009 12:11 PM

المشاركة الأصلية كتبت بواسطة MoToRiZeR

لا يا باشا إنت كدة هتلف لفة كبيرة أوي!

بص إنت هتتحرك من ميدان التحرير
تطلع عالكورنيش ناحية التليفزيون .. و تطلع كوبري 15 مايو بعد التلفزيون .. و تفضل ماشي طواااالي لحد ما الكوبري يخلص متنزلش أي نزلة غير اما الكوبري نفسه يخلص .. هتلاقي نفسك عند نادي الزمالك كدة طوااالي برضه و هتلاقي نفسك في المحور .. علي طول لحد نزلة الصحراوي .

أول ما تنزل نزلة الصحراوي ممكن تفول من إمارات مصر (بعد النزلة بحوالي 2 و نص كيلو ) و بعد البنزينة بكيلو و شوية هتلاقي البوابات .. هتقوله إسكندرية و تديله 4 جنيه و تاخد طريقك يا باشا

و تروح و ترجع بالسلامة .

الوصفه دي تمااااااااااااااااااااااا اام

الي انا مش فاهمه ازاي كنت عاوز تطلع دائري الهرم من المحور !!!!!!!
مفيش اي علاقه