الرجاااء المساعده (ضروووري جدا)

**starbsme7tar** · 17-04-2009 11:10 PM

السلام عليكم
انا عندي عربيه نيسان صني الخليجي
من شهرين تقريبا لاحظت صوت العربيه عالي ولما فتحت الكبووت لقيت المروحتيين شغاليين باقصى سرعه
مع العلم ان العربيه مبتسخنش خالص
العربيه موديل 2008
المهم تاني يوم بدور العربيه الصبح لقيت المروحتين شغالين برده
بعدين وديت العربيه مركز صيانه وحطها عالجهاز بعدين قاللي العيب في حساس الفريون
علشان اول مبشيل الفيشه اللي داخله فيه المراوح وقفت
بعدين لما المراوح وقفت فضلنا نسخن في العربيه لغايه درجه حراره معينه المراوح اشتغلت لغايه منزلت درجه الحراره بعدين فصلت (معنى كده ان المراوح مفيهاش مشكله)
المهم كل منحط الفيشه في الحساس المراوح تشتغل
رحت غيرت الحساس وركبت كذا حساس بس نفس المشكله موجوده
بتع التكييف قاللي كده حساسك سليم روح شوف التوكيل يقلك العيب فين

رحت توكيل نيسان في العبور (ابو غالي)
وبرده معرفوش العيب فين

يا ريت يا جماعه لو حد عنده اي معلومه او رأي يفيدني عشان انا هتجنن خلاص
وجزاكم الله كل خير

**mony10** · 18-04-2009 03:01 PM

ممكن يكون الحساس فعلا سليم بس فيه حاجه هي الي عامله مشكله وبتشغل المراوح من ما تشقل المكيف على سبيل المثال ممكن المفتاح الخاص بالفريون يكون معلق من جوه او ملمس عموما بص على دايرة الكهربه بتاعت الفريون الي بتدي الأمر للمروحه انها تشتغل لما تشغل المكيف وممكن يكون فيه كتاوت مسؤول عن الموضوع دا محتاج تنظيف او اي صيانه وعلى فكره انا متاكد ان هو عيب عبيط جدا وا السبب ان ماحدش عارف يصلحه علشان مش متداول وحله كهربائي فاهم يكون باله طويل ويمشي ورا دايرة الكهرباء زي ماقولتلك وربنا يعينك