اجيب خليجى ٢٠٠٨ ولا وكيل ٢٠٠٩ بنفس السعر?
يا جماعه انا محتار اوى. كنت خلاص استقريت اشترى فكترا 2008 بس اسعار قطع الغيار خلتنى اشيل الفكره من دماغى فمثلا الفانوس الامامى ب1798 حاجه اخر جنان.
المهم قلت اجيب اوكتافيا ... انا معايا 170 فمش هقدر ازود فعايز اجيب العربيه ب 165 وامن بالباقى.
الفنتازيا غاليه عليا سواء وكيل او خليجى وبالتالى مش هقدر اجبها.
نيجى لل A5 العاديه قدامى الوكيل بتعمل 165 بجنوط سبور و CD/MP3 ودى موديل 2009.
النهارده رحت اتفرجت على الخليجى فى الجيتا والاوكتافيا الاوكتافيا كانت 2008 وممكن توصل ل 165 او اقل على خفيف بس فيها الاوبشنز دى:
1- جنوط 16
2-تكييف تتش
3-مثبت سرعه
4-تار ه جلد متعدده الاستخدامات.
5- حساسات ركن
6-زجاج فيميه خلفى
٧-فرش جلد مع قماش
8- راديو CD/MP3 جربته صوته ممتاز ما شاء الله.
انا سالت على التصفيح تحت الموتور قالوى موجود. العربيه عليها ضمان سنه او 20.000 كم.
المهم هيا عجبتنى عن الجيتا انها اعلى و صاجها اجمد و حاسس تمنها فيها اكتر.
بس الموديل والشكل طبعا اقدم..
يا ريت تساعدونى اختار يا جماعه . الخيارات اهى:
1- اوكتافياA5 وكيل 2009 ب 165 تنقصها كماليات الخليجى
2- اوكتافيا A5 خليجى 2008 ب165 بس الكماليات اكتر
3- جيتا ب ١٦٠ من غير جنوط خليجى واجيبلها جنوط
4- استنا لشهر ٨ لحد ما الجمارك تنزل او افنتازيا سعرها ينزل و اقضيها تاكسيات :biggrin: