الموضوع: معلومات مبسطه عن موقف بعض مصانع السيارات في مصر وموقفها من الازمة

المشاركة الأصلية كتبت بواسطة AshTurbo

العفو وشكراً لحضرتك .. بس حبيت أضيف معلومة مهمة كنت أعتقد أنها موجودة في ذاكرة الأعضاء ولكن مازال عدد لا يستهان بيه من المشترين متخوفين من أرتفاع الأسعار سواء في الصيف أو في أي فصل آخر ومش عارف بصراحة أيه السبب في التخوف دة يعني أحنا ليه عاوزين نكوش على كل حاجة وليه عاوزين نجيب النهاردة قبل بكرة يا أخواننا كلنا مؤمنين بالله ومفيش حد ضامن عمره يبقى ليه التسابق والتكالب على الشراء مادام معظمنا معاه سيارات مكفياه وزيادة ..بصراحة دة يدخل تحت بند الطمع وبالتالي النصابين هيأكلوكم أحياء وبمزاجكم للأسف .

عموماً هيا ثقافة شراء وأستهلاك كان لازم تبقى موجودة عندنا من زمان قبل الأزمة ولكن دلوقتي ثقافة الشراء هتتغير بس مش بمزاجنا ولا عشان أحنا متحضرين ودماغنا متفتحة وواعيين لدهاء وخبث التجار ولكن بسبب الأزمة العالمية اللي غيرت بالفعل ثقافة الأستهلاك في العالم كله وبقى اللي بيشتري عربية ليه ولمراته ولكل ولد من أولاده عاوز يوفر ويجيب عربية واحدة كبيرة ليه ولكل عائلته .

تعليقاً على ما كتبته في المشاركه السابقة حبيت أوضح بعض نقاط القوة للمستهلكين منبثقة من نقاط قوة التجار والوكلاء علشان محدش يخاف أو يصاب بفوبيا الشراء والخوف من أرتفاع الأسعار :



- مدة الستة أشهر قاربت على الأنتهاء وموديلات السيارات المكدسة في الموانئ موديلات 2008 و2009 وبالتالي ال 2008 لما هتدخل هتتدخل بأسعار رخيصة بعد دفع الجمارك عليها ودي كميات ضخمة وهتكفي ..بالنسبة لموديلات 2009 بعد أنتهاء مدة الستة أشهر هتواجه موديلات 2009 تهديد نزول موديلات 2010 وبالتالي لازم يرخصوا فيها (**) .




- أعتقد لعبة الحرب النفسية بكل تأكيد مش هتأثر نفس التأثير السابق قبل حدوث الأزمة بسبب الوضع الأقتصادي السيئ نتيجة الأزمة اللي حصلت والسبب الثاني أن الناس ثقافتها بدأت في التغير ولو بمعدل بطئ نسبياً .



- التجار والوكلاء والمنتجين اللي هما المجمعين بالفعل وصلوا لخط الدفاع الثالث ومن فترة كبيرة تتعدى الشهرين وبدأوا بالفعل في تسريح العمالة وبالتالي نفسهم قرب يخلص وجاء دور المستهلكين ليفرضوا كلمتهم .


(**) ملحوظة هامة :

تخفيضات الجمارك المنتظر حدوثها وهي بنسبة 4% يبدأ تفعيلها من أول شهر أكتوبر بتاريخ 1\10\2009 وليس عند بداية سنة 2010 يعني اللي منتظر يشتري موديلات 2010 بالتخفيض ال 4% هيشتريها من شهر أكتوبر بإذن الله يعني هانت وكلها ستة أشهر ويعدوا زي الهوا .

بصرحه تحليل ممتاز