اللى حصل لى فى مركز الصفا للكرباريتر فى النزهة

**lada2010** · 18-04-2009 12:50 PM

انا روحت لهم وبسال اللى هناك بقول لة اسعاركم اية قال لى لو هنفك الكرباريتر يباق 75 ج ولو ضبط باخد 25 ج المهم دخلت العربية على الجهاز اللى بيستخدموا فى الفحص البييئ وشاف القراءة كانت عالية قال لى بيك السلانية هيتغير وغيرتوا ورح ضبط الكرباريتر وقياس البوبينة كمان وكان البلاتين مقفول عاملوا وطلع بوجية وكان علية كربون جامد لان الكرباريتر كان حريقوا وحش وقال لى الكربون اللى على اليوجية هيروح واتضبطت العربية بقول لة عايز كم يقول لى 37 ج ولة ومش لى قال لى 7 ج تغير بيك و30 ج مصنعية بقول لة ياعم 30 اية قال الشغل اللى انا عملتة مف يش حد يعرف يعملوا المهم من هنا الى هنا دفعت 37 بس بينى وبينكم رخمت عليهم وقالتوا لو فى حاجة حصلت انت المسؤل واستغل كدا وكل اسبوعين اروح اعمل مراجعة عندهم ببلاش زى ما مكتوب فى كارت الصيانة بتاعهم

**zafer_m_asker** · 18-04-2009 01:44 PM

انا كان عندى مشكله فى الكاربيرتير(بيخر بنزين جامدمن تحت) ورحت فرع النزهه أول ماشاف العربيه من بعيد مارضيش يجى يبص عليها وقالى ماليش فيه!
قلتله ليه ده كاربيرتير زى أى كربيرتير مافيهوش افتكاسه
رد على-بمنتى زوق- ما معناه احنا شغالين ومش بنلاحق ايه اللى يخلينى أشتغل فى عربيه ما أعرفهاش
رحت لواحد فى الاميريه ورا المرور صلحه وتمام التمام
حسيت انهم سمعه وبس
ملحوظه عربيتى مينى موريس

**lada2010** · 18-04-2009 02:22 PM

اوصفوا لى الرجل الا روحت لة الا فى الاميرية

**ahmedfd** · 15-06-2009 12:53 PM

يا ترى ممكن توصفلنا فين مركز الصفا اللي في النزهة؟

**ahmed2y** · 15-06-2009 01:20 PM

حد يقولنا مركز الصفا دة فين يا شباب الله يباركلكو واية موضوع الفى فى قباء والى فى النزهة ارجو التوضيح لو سمحتو

**Ashraf_Ashraf** · 15-06-2009 01:25 PM

يظهر ياجماعه ان كل ورشه تتشهر يركبهم الغرور ويبقى شغلهم زفت وكمان ان كان عاجبنا

يا مصري ياللي الغلا عاصرك
و النهب في عصرك حاصدك

**El Prince** · 15-06-2009 01:26 PM

هى دى أسعارهم فعلاً , أنا جربتهم زمان أخدوا منى 110 جنيه غيرولى البكين و جوان , بس فعلاً فاهمين شغلهم و بيدوك ضمان ..

**essamr** · 15-06-2009 08:27 PM

انا لا انصح بهم لانهم من حوالى سنتين مريت بتجربة تصليح كربراتير ماذدا عندهم وكان اول مرة يتفك وكان فشل زريع بعد ما كلفونى حوالى200 جنية على فكرة انا جربت الورشة الى فى النزهه الجديدة وحرمت
وخرج لا يصلح لشء ورميتة واشتريت واحد استعمال واشتريت نفسى