الموضوع: عايز اركب ريموت و مش عايز انذار

اعرض عليهم انك تشترى الريموت والانذار من برة وهما يركبوهم وحاول فى اكتر من مركز خدمة

على فكرة انا لسه مركب انذار من حوالى شهر فى التوكيل و كان سعره حوالى 399 جنيه و made in china و نوعه HUNTER و شغال معايا زى الفل بصراحة و الريموت عليه الوجو بتاع دايهاتسو و شكلو شيك جداُ و عليه ضمان 3 سنين من التوكيل نفسه

انا متشكرجدا علي الردود و الاهتمام
اولا انا سالت المهندس مصطفي علي قبل كدة في مركز العبور اني اشتريهم من برة قاللي مش هينفع يركبوا حاجة من برة التوكيل و علي فكرة الموضوع دة برضة في السماعات كمان لان السماعات اللي عندهم تعبانه جدا و انا كنت عايز اجيب حاجة احسن قاللي برضة مش هينفع يركبوا حاجة من برة التوكيل و انا خايف اتعامل مع اي مركز خدمه غير العبور فلو حد يعرف مركز خدمه معتمد كويس اتمني يفيدني


و ياريت يا استاذ بيجو لو مركبه في العبور تقولي لان دة هيوفر كتير و مش فارقه صيني و لا اي حاجة بس فعلا المفتاح منرفزني جدا

زي ماقلت رحت امبارح اعمل صيانه العشرة و سالت علي الريموت و قالولي ان سعرة 880 بالتركيب و الضريبه و معندهومش اي نوع تاني في التوكيل و مينفعشي اجيب حاجة من برة و اركبها عندهم طبعا اتخنقت بس هعمل ايه قلت ابقي اركبه في صيانه ال 15 إن شاء الله

و علي فكرة انا ركبت عندهم السماعات الخلفيه امبارح لان الموديل بتاعي هي 1.3 GL سعرها 181 جنيه و اسمعوا دي بقي تركيبها ب 70 جنيه:K_crying[1]: و بعد الضريبه و كدة اتكلفت 281 جنيه بس هي بصراحه صوتها كويس مش مدمر يعني بس كويس احسن بكتير من سماعتين الووكمان اللي قدام قلت اركبهم و امري لله لحد الضمان مايخلص

و اللي عايز يجيب فرش للكراسي عندهم فرش كويس جلد سعرة 300 جنيه لونه اسود او رمادي مكتوب عليه سيريون بس كالعاده مكنش موجود امبارح قالولي هيجي يوم الثلاثاء بس خلوا بالكم ركبوة برة لان سمعت انه بتركيبه بيوصل 600 جنيه :k26:

بس علشا ندي التوكيل حقه بصراحه معاملتهم كويسة جدا و كان عندي حاجات عايز اطمن عليها في العرييه اتاكدوا منها كلها و الاسعار مجملا اعتقد انها احسن من التوكيلات التانيه او يعني ارخص حاجة في الياياني

I wanted to know if any one have the picture of the place where the speakers are installed

I mean a picture with the inner door opened.