الموضوع: الحزام بين التعسف والضرورة

لما طلع قانون المرور الجديد وحطوا على الحزام مخالفه محترمه الناس كلها ادايقت وقالت ازاي الحزام ده على الطرق السريعه بس ده مش مهم في وسط البلد والإشارات لام العربيات ما بتمشيش بسرعه اصلا يبقى ليه نربط الحزام
ولو بصينا بره مصر هانلاقي كل الدول المتقدمه الحزام ده عندهم أ ب سواقه وكذلك دول الخليج دلوقتي والناس دي ما بتعملش كده من فراغ انا لحد وقت قريب ما كنتش مقتنع بلبس الحزام في وسط البلد لكن بعد ما حصلتلي الحادثه وكنت ماشي براحه والطريق واقف وجه الباشا من ورا بسرعه وراح لابس فيا ولولا ستر رينا اني كنت رابط الحزام كان الدركسيون دخل فس صدري او كنت لبست في البرابريز بس ربنا ستر ومع ذلك رقبتي بتوجعني من ساعة الحادثه ما بالكم لو ما كنتش رابط الحزام كان ممكن يحصل ايه بس ربنا سترها
خلو ربطنا للحزام ده نابع مننا ومن خوفنا على حياتنا مش خوفنا من المخالفه
الحزام ضروري جدا جدا جدا حتى لو كنت في وسط البلد والطريق واقف

كلمة و نص:

الحزام مهم جدا لو حتى داخل المدينة و لو على سرعة 10 كم ... لأن الفكرة مش في سرعتك انت بس .. بل سرعة الأخرين اللي ممكن لا قدر الله يخبطوك بسرعتهم ...