تجربتى

**m_s_h_a** · 18-04-2009 04:17 PM

تجربتى مع بنزين 95 انا يا جماعه كنت بمون بنزين 92 هو طبعا كويس بس ساعات كان بيقى مغشوش وكنت ساعات امون من بنزينات على البحر كانت بتبقى سيئه لان التانكات مملحه فكنت تسمع فرح المهم جربت انا وواحد صاحبى هو معاه اوبترا 2008 وانا فورد فوكاس 2003 المهم جربنا وحطينا كل واحد 20 لتر 95 وكان العربيه اتغيرت نعومه وسحب نفاسه واللهى بجد يا جماعه واقعد اكتر عمل معايا 100 كم 6 لتر ومتسمعش تسقيف والكلام ده بس المشكله السعر 20 لتر ب55 جنيه ياااااااااااا بلاش تفتكروا هيرخص اعود العربيه ولا احاول انسى وانسيها

**amr mokhtar** · 18-04-2009 05:10 PM

بصراحة لو مكانك أنسى و نسيها

قبل زيادة الأسعار الأخيرة كنت عايز أجرب ال95 بس كنت شايفه غالى

إنما دلوقتى أعتقد صعببببببب جدآ

بس انا قريت موضوع هنا كان بيتكلم عن نسبة إنضغاط المحرك و نوع البنزين المستخدم و كان بيقول إنك ممكن تحط 95 و مش هتحس بفرق حقيقى فى العربية ...يمكن يكون فرق نفسى ... و ده لإن نسبة إنضغاط المحرك مش عالية
و بالتالى مش هتفرق معاه 92 من 95

**Sameh** · 18-04-2009 06:13 PM

موتور الأوبترا E-Tech نسبة إنضغاطه 9.5 يعنى بنزين 92 مثالى له ومش محتاج 95 وإلا تبقا بترمى فلوسك فى الهوا فعلاً
أما الفوكاس ماعرفش موتورها إيه

**m_s_h_a** · 18-04-2009 10:10 PM

عندى جوا غطاء التنك اللزق بتاع الفابريقه كاتب +95

**amr mokhtar** · 19-04-2009 12:54 AM

المشاركة الأصلية كتبت بواسطة m_s_h_a

عندى جوا غطاء التنك اللزق بتاع الفابريقه كاتب +95

معقووووول
طيب حضرتك لما بتحط 92 بتحس ان العربية تقلت او بتكركر او اى حاجة من الأصوات الغريبة؟

المشكلة عندنا فى مصر إن بنزين 95 نادر خارج القاهرة و الإسكندرية و بالتالى لو العربية مش بتمشى غير ب95 يبقى الواحد مش هيقدر يروح بيها على الأقل مطروح

**m_s_h_a** · 19-04-2009 08:47 AM

بص هى فى التوكيل قالولى ان العربيه اول لما جت عملولها سوفت وير انها تشتغل بنزين 90 كل العربيات مش عربيتى بس المهم 90 مبينفعش معايا خالص ال92 كويس بس ساعات بيكركر او بيسقف والسحب بتبقى العربيه مخنوقه شويه بس ال95 واللهى بجد حاجه تانيه احنا عندنا فى جانبى فى المعمورة عند البوابه وفى فى شارع ابو قير رشدى وموبيل الشاطبى عندهم 95
ايه اخبارك يا استاذ عمرو اشتريت فورد ولا لسه؟

**khpopo** · 19-04-2009 12:38 PM

فعلا 95 بيفرق جامد مع اى عربية جديدة عن تجارب لكن ما باليد حيلة ربنا يهدى بلدنا وترجعة لسعرة القديم كان كويس وبستعملة عادى خصوصا وانا مسافر
ربنا يوفق

**memobeeh** · 19-04-2009 11:47 PM

الكلام الخاص بالبنزين 95 يقينا صحيح وهو البنزين الخاص بالموتورات الزيتك على وجه التحديد وفقا لكتالوج السيارة..وأنا عن نفسي كنت أستخدمه دائما قبل ارتفاع سعره الى 55 جنيها للصفيحة أما الآن فحقيقة أنا أستخدم 92 وأتحمل رزالته على أن أنظف مكانه كل شهر مثلا برشة جريئة (40 لتر 95) تعيد شباب السيارة وتنظف الانجكشن.. وادعو لي أن أستطيع مواصلة ذلك.