مقالب

**SHNORY** · 19-04-2009 12:22 AM

المشاركة الأصلية كتبت بواسطة samoevil911

ومحبش ان حضرتك تفهمني غلط او تاخد عني فكرة وحشة

اولا يا باشا انا عمري ما ازعل منك ولا من شخصك مهما حصل
انا الموقف نفسه ضايقني ومتحكمتش في اعصابي
حقك عليا يا سيدي ومش حعملها تاني
بس لو مجيتش المقابله الجايه حعملها علطول
بكرر اعتزاري لحضرتك واسف اني احتديت
وتقبل اعتزاري

**Samah AbdAllah** · 19-04-2009 12:28 AM

المشاركة الأصلية كتبت بواسطة shnory

اولا يا باشا انا عمري ما ازعل منك ولا من شخصك مهما حصل
انا الموقف نفسه ضايقني ومتحكمتش في اعصابي
حقك عليا يا سيدي ومش حعملها تاني
بس لو مجيتش المقابله الجايه حعملها علطول
بكرر اعتزاري لحضرتك واسف اني احتديت
وتقبل اعتزاري

خلاص يا شباب صافية لبن
لو الموضوع هيزعل الاعضاء من بعض نقفله
ده موضوع ترفيهى يلا مقالب بقا

**ehabbasha30** · 19-04-2009 03:07 PM

اية يا جماعة كمية الشر دى
دنا جنبكم ابقى ملاك

**samoevil911** · 19-04-2009 03:48 PM

ههههه.. ليه طب مانا فعلا ملاك.. وكل اللي يشفني مش بيقول غير كدا..

**wesam_salom** · 19-04-2009 04:19 PM

احسن مقالب افتكرها كانت ايام الكليه

كنا بنقعد فى بيت عند واحد صاحبنا اخر شهر اللى هو شهر الامتحانات علشان نذاكر يعنى نسهر طول الليل لحد الفجر وبعدين ننام ونصحى نروح بيوتنا او الكليه

كان معانا واحد صاحبنا نومه تقيل جدا وبيشخر وهو نايم

فى يوم سجلنا صوت الشخير على شريط كاسيت وقعدنا نعلق عليه (كنا بنقلد مسلسل عملوا فيه نفس الحركه)

وقعدنا نهدده اننا هندى نسخه من الشريط لخطيبته لانها كانت دايما تسأله انت بتعمل اصوات وانت نايم يقولها لاء ابدا دا انا ملاك

وكنا بنهدده نشغل الشريط ده فى الكليه وقعد فتره خايف لحد ما قال لخطيبته وضيع علينا الموضوع

**A.Saad** · 19-04-2009 08:42 PM

مرة فى الكلية
وكانت تجارة عين شمس وكان نظامها زمان ( اواخر التسعينات يعنى مش زمان قوى علشان مش متكبرنيش ) انا الكتب بتنزل فى منفذ بيع ، مكتبة
المهم كنا فى رمضان وكان فيه كتاب متاخر ولقيته نزل
فاشتريته
اصحابة سالونى ده من مكتبة ايه ( هوا كان فى مكتبة اسمها عين شمس )
قلت لهم الزعفران
هبوا ويقفوا وسط الزحمة بتاع ربع ساعة وييجوا عند البياع ، يقولهم لا ده فى المكتبة اللى جنبى

**Samah AbdAllah** · 19-04-2009 09:06 PM

فكرتنى بمقلب اتعمل فيا بس ياريته جه على قد الكتاب
كنا بنمتحن 3 ايام فى الاسبوع سبت واتنين واربعاء وطبعا امتحان السبت ده الافضل عشان قبله يومين ونذاكر براحتنا المهم انا كان عندى تاريخ دبلوماسى وكنت بحب المادة دى جدا وكل شوية اصحابى يكلمونى بتعملى ايه وكده بذاكر بقا
رحت يوم السبت صباح الياسمين واخباركوا ايه وهو دكتور احمد مش هييجى يشوفنا قبل الامتحان وكلام من ده لقيتهم بيقولولى وهو دكتور احمد هييجى ليه انهردة ايه يا جماعة ماهو متفق معانا على كده قالوا ايوة ماهو هييجى يوم الاتنين قبل الامتحان قولتلهم اتنين ايه هو مش انهاردة تاريخ دبلوماسى قالولى لا طبعا انهاردة ادارة عامة
قولتلهم نعم محدش فيكوا قالى ليه مانتم مكلمنى 50 مرة وقولتلكوا بذاكر تاريخ قالولى ما احنا استغربنا برده بتذاكرى ليه بس قولنا يمكن مخلصة الادارة قولتلهم طيب هروح انا بقا واجى يوم الاتنين دى الادارة دى اول مادة ذاكرتها من شهر ومش فاكرة حاجة بس اقنعونى ادخل الامتحان والحمدلله عديت على خير
ماتقلقوش نجحت طبعا جيبت 78 فى الادارة بس كلهم عدوا 85
وطبعا فى التاريخ الدبلوماسى جبت 98 اسبوع بذاكره

**Nader** · 20-04-2009 02:56 AM

الموضوع دة خطر على فكرة،، هتعلموا الاولاد الصغيرين في المدارس والكليات يقلدوكم ويعملوا كوارث!:k40:

-

الموضوع: مقالب

LinkBack

أدوات الموضوع

عرض

-

-

-

-

-

-

-

-

المواضيع المتشابهه

ما الدنيا إلا سلسلة مقالب كتير

فيديوهات مقالب

مقالب كتيرة --- تغيير المود

أحداث مقالب الجين تو :)

احدث مقالب البيجو

الكلمات الدلالية لهذا الموضوع

المفضلات

المفضلات

ضوابط المشاركة