عندى كودين ظهروا لما أتوصلت العربية بالجهاز ياريت تقولولى بتوع ايه
Controller info :
Vag Number 032 906 030 J
Component : MARELLI 1AV 2079
faults 2 found
00525Oxygen (Lambda) Sensor (G39) 07-10-signal too low-intermittent
00638Engine/Transmission Electrical Connection 2
31-00 Operor Short to Ground
أرجو الأفادة من الخبراء وخصوصا المهندس umoussa وشكرا...
الكود الأولاني بيقول إن فيشة حساس الشكمان اتهزت أو حد شالها والعربية شغالة وركبها تاني بس دس مشكلة وقتية
يعني مفروض لما تمسح الكدو ده ميرجعش تاني وإن رجع تاني لازم تبص على سلك الحساس والفيشة بتاعته لو طلعوا سلام يبقى الحساس بيدخل مرحلة النهاية
العيب التاني ده بتاع عربية فيها فتيس أوتوماتيك
أنت عربيتك فيها فتيس أوتوماتيك أصلاً؟
لو لأ يبقى الكنترول بتاع عربية سعادتك كنترول عربية أوتوماتيك وكل ما حتمسح الكود ده حيرجع تاني
ألف شكر ياباشا على ردك وأهتمامكاقتباس:
المشاركة الأصلية كتبت بواسطة umoussa
فعلا الميكانيكى بتاعى قالى كدة بس كنت عايز أتأكد
هوه قالى الفولت بتاع حساس الشكمان هيروح لما أفول مره بنزين 95 وأنا مسافر
وقالى هيفرق معايا فى السحب جامد جدااا.
تانى عيب الموتور كان راكب معاه فتيس أوتوماتيك وأنا شيلتوة وركبتوة على المانيوال بتاعى...علشان كدة مدى الفولت وقالى مش هيروح ومفيهوش مشكلة
بس ممكن أعرف ايه لزمة حساس الشكمان دة أصلا وظيفتة ايه ولو بايز هيأثر ولا لأ؟
وألف شكر مرة تانية لتعاونك يا باشمهندس.
حساس الشكمان ده بيقيس نسبة الأكسجين الموجودة في العادم
لو النسبة عالية يبقى الحرق ني وده معناه العربية بتستهلك بنزين كتير
لو النسبة داخل النطاق الي هو شغال عليه يبقى حرق العربية جاف والعربية شغالة صح ومفيش تآكل للبنزين
حساس الشكمان لما بيبوظ العربية بتاكل بنزين
والسخيف بقى في الموضوع انه غالي جداً والي حتجيبه استيراد بنسبة 70% حيطلع بايظ
ألف شكر ياباشا للمعلومات الجامدة ديةاقتباس:
المشاركة الأصلية كتبت بواسطة umoussa
أنا الأستهلاك عندى 200 كيلو لكل 20 لتر الموتور 1600 بدون تكييف
ايه رأيك فى الأستهلاك دة معقول ولا كتير؟؟؟؟
يا إكسلنس موضوع 95 ده مش الحل
العربية بتاعة حضرتك 1600 مش كده وواضح انه موتور موديل 98 لأن مفيش عربيات بولو 96 كانت بفتيس أوتوماتيك..
معدل الانضغاط بتاع المواتير الـ 1600 موديل 98 يتراوح من 9.8 إلى 10 وده مش محتاج بنزين 95
هو للحق دليل فولكس بيقول 95 بس 92 كويس جداً برضو بالنسبة ليها
والبوجيهات لسة مغيرها انهاردة ركبت 3 شمعة ومش عارف هتفرق فى الأستهلاك ولا ايه؟؟
البوجيهات اللى كانت فيها 2 شمعة هيه اللى جاية مع الموتور مغيرتهاش من ساعتها
فعلا الموتور موديل 98 وكان راكب عليه اوتوماتيك بس انا مرديتش اركبوه علشان بسمع ان مشاكل الأوتوماتيك كتيرة.اقتباس:
المشاركة الأصلية كتبت بواسطة umoussa
على العموم هجرب زى ماقالى مش هخسر حاجة فى أقرب فرصة أسافر فيها ان شاء الله
بص فيما يلي معلومات صيانة عربية حضرتك:
Engine oil capacities - With filter change 3.2 L
Spark plugs 101 000 036 AA
Test and adjustment figures for repairs
Engine oil temperature min. 80 °C
Idling speed
830 . . . 930 rpm
أسامه موسى
البوجيهات دي 3 شمعة
ومفروض تعمل معاك فرق جامد في العربية
وخصوصاً مع تنظيف البوابة وتغيير فلتر البنزين والهواء ويسلام لو طقم الدبرياج حالة جيدة
والأسلاك بتاعة البوجيات حالتها برضو جيدة
أنا لسة مغير فلتر البنزين....وطقم الدبرياج مغيرة قريب حالتوة جيدةاقتباس:
المشاركة الأصلية كتبت بواسطة umoussa
فلتر الهواء مغيرتوش خالص هوه اللى جاى مع الموتور الأستيراد...هيفرق كتير لو غيرتوه ؟
والبوابة مرديش ينضفهالى قالى هيه مظبوطة على الجهاز وورانى القراءة قالى لو زادت
عن 7 يبقى عايزة تتنضف غير كدة مفيش داعى...صح الكلام دة ولا ايه رأيك؟؟؟
أنا الموتور بجيب عليه 180 بسهولة تفتكر بعد تغيير البوجيهات والفلتر وأحط 95 ممكن يجيب 200 ؟
والحمد لله قبل تغيير الحاجات دية طلعت من 2 فيرنا مرتاح مع انى بسمع ان موتورها جامد جدا
وطلعت من أوكتافيا A5
موقع wiki.ross-tech لأكواد الأعطال والأسباب لكل عطل..
http://wiki.ross-tech.com/index.php/...ry:Fault_Codes
ألف شكر ياباشا....بس مفيهوش جميع الأعطال
يعنى مثلا العطل 00638 مش موجود.
سلام عليكم اولا
خطاء حساس الشكمان المسجل بالجهاز لا يعنى انه بايظ
اولا يجب التاكد من الضفيرة و التوصيلات اذا المحرك متسقط
ثانيا يتم الكشف على سينسور الماب الوجود على المانيفولد و المسئول عن نسبة هواء المحرك
ثالثا يجب الكشف على البريشر بتاع طلمبة البنزين و يجب ان لا يقل عن 3 بار
و دا علشان حساس الشكمان وظيفته الرئيسية هى قياس نسبة الحريق على حد علمى( هواء + بنزين = حريق ) من العمل بالسيارات الالمانية على مدار 11 عام و شكرا
السلام عليكم اولا :
على مدار عمل 11 عام بمجال السيارات الالمانية لم اقوم بتغيير سوى 5 حساسات شكمان و كان 4 منهم مخبوطين ( حادث اصاب الحساس بكسر )
اولا :
حساس الشكمان مش بيحس بالاوكسجين فى الحريق حساس الشكمان بيحس بالخليط اى ( هواء + بنزين = حريق )
و عله يجب التاكسد اولا من سلامة الماب سينسور و ده اللى على المانيفولد و المسئول عن نسبة الهواء
ثانيا :
التاكد من البريشر بتاع طلمبة البنزين و يجب الا يقل عن 3 بار
و اذا تبين سلامة تلك القطعتين بالفحص يبقى بقا الحساس بايظ
ملحوظة :
اذا كان الموتور متسقط يجب الاول التكد من سلامة ضفيرة الحساس و قياسها و التاكد من التوصيلات طبقا لخرائط فولكس و المسجلة ببرنامج ايلسا وين
و شكرا
نسيت لو حد حابيب مناقشة الميل ده بتاعى
mastervw78@yahoo.com
mob:0100615561
eng : mohamed hafez
ألف شكر ياباشا على المعلومات ديةاقتباس:
المشاركة الأصلية كتبت بواسطة mohamed78
وأنا فعلا عندى الطلمبة بتاعت الموتور ال 1300 القديم ودية 1.2 بار
وسألت رشاد الكهربائى اللى فى الحرفيين قالى لازم أغير الطلمبة لواحدة بتاعت ال 1600 وبتبقى فوق ال 3 بار بس لازم أغير التنك يعنى أركب الطلمبة والتنك بتوع الأبيزا 99 علشان انجكشن زى الموتور ال 1600 بتاعى
وتامر أخوه قالى بعدها أنى ممكن أركب الطلمبة بتاعت الجولف 3 على نفس التنك بتاعى....أيه رأيك فى الكلام دة؟
وهل الرشاشات عندى لازم تتنضف ولا مش لازم أنا منضفتهاش ولا مرة من ساعت ماركبت الموتور
وعلى فكرة أنا عندى الأر بى أم واطى على 7.5 وحاسس ان العربية كهربتها واطية شوية وبيبان مع التكييف أكتر وساعات بتبطل هل لما أغير الطلمبة هيتظبط ويطلع ل 9 ؟
انت واضح ان اللعب كتير فى عربيتك ولما سقطت موتور مسقطوش صح
و دا علشان حساس الشكمان وظيفته الرئيسية هى قياس نسبة الحريق على حد علمى( هواء + بنزين = حريق ) من العمل بالسيارات الالمانية على مدار 11 عام و شكرا[/quote]
طيب ممكن حضرتك تقولنا خبره فى أى نوع من الألمانى بالظبط
وهل قضيت ال11 سنه داخل مراكز رخدمه
ولا توكيلات مع جزيل الشكر وعلى فكره تحليلك للموضوع منطقى
ليه ياباشا لعب فى ايه على فكرة أنا مش بخلى حد يلعب خالص فى عربيتى وأنا مسقط الموتور بالضفيرة و بالكنترول...ليه بتقول اللى مسقطة مش صح؟؟؟اقتباس:
المشاركة الأصلية كتبت بواسطة momomero
ياريت تفيدنى بخبرتك..وشكرا
أولا طلمبه البنزين كانت لازم تتاغير مع تسقيط الموتور
ثانيا الشكمان كمان بالكامل كان لازم يتغير مع الموتور
ثالثا كان لازم تغير جنبين عفشه أمامى
ودنجل خلفى وتغير معاهم الفرامل من 1000 الى الى 1600
لأن الطنابير مقاسها بيختلف
بالنسبه لورا فى نوعين
فى طبل وفى سكاكين وطبعا السكاكين أفضل
ألف شكر ياباشا للمعلومات المفيدة ديةاقتباس:
المشاركة الأصلية كتبت بواسطة momomero
هيه الفرامل معايا كويسة بس طبعا مش بالقدرة المطلوبة وبالنسبة ليا مش محتاج حاليا فرامل أقوى من كدة..
وأنا معاك فى كل الكلام اللى انت قولتوه دة بس انا قولت أعمل الحاجة واحدة واحدة
يعنى بدأت بالموتور بعده الطرمبة والتنك و بعده الشكمان وكدة
بس ياريت تقولى الشكمان بيكون كامل ولا بغير العلبة بس...وبيتغير من فين لفين و سعره فى حدود كام؟...وهل هيفرق فى السحب أو أستهلاك البنزين؟؟؟يعنى ايه الفرق؟
معلش دوشتك معايا بس انت عارف احنا كلنا بنحاول نساعد بعض...وشكرا لأهتمامك :w6266d
هو الشكمان هيتغير بالكامل من عند الفرن لحد أخر حته فيه من ورا بعد العلبه الخلفيه بس يارب تلاقيه لما تنوى تجيبه لأنو نادر شويه عامل زى الهرويين كدا عند الشمامين لمؤخذه التشبيه غبى بس دا أقل وصف لأن لحد النهارده مع ترددى على الحرفيين مئات المرات مشفتش شكمان كامل ل 1600وخلى بالك قطر المواسير مختلف فى الأثنين وطبعا هيفرق معاك فى السحب وأستهلاك البنزين لأن الشكمان دا عامل زى الرئه عندنا كده هى المسئوله عن تنظيم التنفس نفس وظيفه الشكمان أما السعر فنظرا لأنو ما قبلنيش قبل كده فمش عارف سعره
ألف شكر يامان وان شاء الله هغير لطلمبة والتنك يوم الجمعة القادم وهقولك عملت ايه
ربنا يوفقك
سلام عليكم :
لو عدد لفات المحرك Rbm سبعة وشوية زى مابتقول يبقا بعد تغيير الطلمبة ان شاء الله عدد اللفات هيعلى و هتبقى العربية زى الفل
و تعليقا على موضوع الشكمان لو مش بتاع 1600 فعلا يبقى مش هتحس باداء المحرك ده قوى الا لما تركب الشكمان لكن خطاء التسجيل الخاص بحساس الشكمان هيتمسح بعد الطلمبة و هتحس بفرق بالاداء و موضوع الشكمان ده هيفرق معاك قوى و لازم تتصرف فيه هام جدا جدا
[quote=mohamed78;838557]سلام عليكم :
لو عدد لفات المحرك Rbm سبعة وشوية زى مابتقول يبقا بعد تغيير الطلمبة ان شاء الله عدد اللفات هيعلى و هتبقى العربية زى الفل
و تعليقا على موضوع الشكمان لو مش بتاع 1600 فعلا يبقى مش هتحس باداء المحرك ده قوى الا لما تركب الشكمان لكن خطاء التسجيل الخاص بحساس الشكمان هيتمسح بعد الطلمبة و هتحس بفرق بالاداء و موضوع الشكمان ده هيفرق معاك قوى و لازم تتصرف فيه هام جدا جدا
مردتش على سؤالى ياباشا