انا عاوز اجيب عربيه بي ام دبليو ومعايا 18000 اجيبها موديل ايه ورقمها ايه
نقل لطلبات الشراء بمعرفتى
مشرف القسم العام
عرض للطباعة
انا عاوز اجيب عربيه بي ام دبليو ومعايا 18000 اجيبها موديل ايه ورقمها ايه
نقل لطلبات الشراء بمعرفتى
مشرف القسم العام
هو فى حد قالك ان المشرفيين هنا و اقفين فى سوق الجمعه
ياريت تنتقى الالفاظ شويه
ياباشا العضو مشترك فى المنتدى من 1 مارس 2008 يعنى بقاله سنه
والنبي يا اخونا بالراحه شويه عالناس مش كده واظن اني مصدرش مني اي عباره مهينه علشان كل التريقه والاسلوب الغير لائق من مشرفين ورواد المنتدي
ثانيا انا راجل صحفي واعرف انقي الفاظي كويس
المشرفين مالهمش دعوة
احنا اللى لينا دعوة :3mla:
وبعدين بى ام ب 18000
انت بتدور على اللى يتعبك ويطلع عينك
ياجماعة براحة على الراجل
دا عايز معلومات عن العربية مش اكتر
ياريت لو حد يقدر يفيده
شوف بصراحه انا بدور ما بين العربيات دي
بي ام 80 - 81
جولف 79- 80 -81
نيسان مارش 84
هوندا سيفيك الهاتش باك 80 - 82- 83
128
كل دول في حدود من 14 الي 18
محتار فيهم
كل واحد يقلي لا دي حلوه لا دي وحشه مش عارف
كلهم هيطلعو عينك فى قطع الغيار مش هتلاقيها ولو لاقيتها هتلاقيها غالية، ولو حبيت تبيع مش هتعرف
فى الرينج دة خليك فى الحاجات اللى متداولة علشان قطع الغيار والصيانة زى ال128 و البيجو 305 والريتمو والحاجات دى
الناس دى بتقول كلام زى الفل
خاليك فى 128 وابعد عن الى الماركات الى بتقول عاليها دى هتقرفك ودوخك ومفيش منها عربيات نظيفة اصلا لكن 18000 ممكن يركبوك 128 بحالة كويسة وموديل عالى كمان ودور كويس ومتتسرعش اتفرج كتير وافحص كويس العربية قبل ما تشترى
السلام عليكم :
الاخ العزيز الى بيسال على البى ام طبعا دا اختيار جيد ويا ريت الاعضاء الى بيتكلموا على ال28 حرام عليكم فى حد يقارن دى بدى على فكرة لو انتا عاوز بى ام فى حدود السعر دة فى اتنين فى منتدى البى ام ممكن تخلص معاهم فى الحدود دى اما بالنسبة لموضوع قطع الغيار انتا هتجيب عربيه تركبها بجد مش 28 تشتريها عشان تتفسح بيعها عند الصنايعية قطع غيار البى ام ممكن تكون غالية بس بتعيش معاك العمر ولو الشباب مخلصوش فى العربيعات دى عليك وعلى الموقع دة هتلاقى البى ام بارخص الاسعار
http://www.contactcars.com/UsedCars_All.asp
على فكرة دى صفحة البى ام المستعمل فى الموقع على طول من غير ماتدور
تقبل تحياتى
معلش أنا شايف أن كل العربيات دى هتتعبك معاها شوية.......
لازم تقولنا أنت عاوز أيه فى العربية بالظبط......يعنى أيه اللى يهمك أكتر
يعنى مثلاً قطع غيار رخيصة , عربية سيدان ولا هاتش.....و هكذا.
المشرفين لو علقو على كلامك هتلاقيهم كاتبين باللون الأحمر......متظلمهمش معاك :)
انا باضم صوتي لصوت الاخوة اللي قالوا انك تجيب حاجة زي الـ28 احسن . عربية معروف اولها من اخرها و بالتالي مش ح تفاجئك بأي حاجة .