يا جماعة الميكانيكى لو فاهم و شغلة نظيف ياخد كام في العملية دية؟؟؟؟؟؟؟؟؟

**eltorky** · 18-04-2009 07:18 PM

عايز اغير كذا حاجة في العربية زاى السيور كلها كاتينة و تكيف و باور و دينمو و الفلاتر كلها برضو فلتر زيت و بنزين وهوأ طبعا مع تغير زيت للفتيس و الموتور وبزات سير الكاتينة داة الي قليقني في تغيروة هو فيه حاجة ناقصة كدة يا جماعة ماذكرتهاش في الفلاتر و السيور؟؟ و ابوص بصة كدة علا العفشة و ابوص علي التيل الخلفي لو محتاج تنظيف و اغير الامامي لعربية لانسر 2007 ممكن تقدرولي كدة الميكانيكى ياخد مني كام في العملية و جزاكم الله خيررر توضيح أنا ذكررت شغل ميكانيكا و عفشة مع بعض علي اساس ان فية ورش بتشتغل في ال2 مع بعض و لو ممكن حد من الخبرأ في المتسوبيشي يقولي انهي أحسن مكان ممكن أجيب منو قطع غيار نضيفة و مضمونة غيرر التوكيل و جزاكم الله خيرر

**HAWARY** · 18-04-2009 07:51 PM

بص يا سيدي
انا ادلك علي واحد يعملك الكلام ده كله بمنتهي الامانه والاطمئنان مكانه خلف سوق السيارات في مدينة نصر اسمه شريف العقاد تليفونه 0106748841 \ 0183870737
بالنسبه للقيمه الماديه انا ما اعرفش تحديدا ولكن الناس دي بتشتغل بضمير ومعقولين جدا في المصنعيه .
المهم انك لو هتتعامل معاهم عرفهم انك من طرف عمر الهواري .

**eltorky** · 18-04-2009 07:56 PM

1000 شكررررر ليك يا كبييرر علي النصيحة بس هل الناس دية فاهمة بنسبت 100% فى ميكانيكة السيارة لانسر 2007 أتوماتيك عن تجربة يا باشا لان الموضوع فية كاتينة و حضرتك عارف الموضوع داة لو حد مش فاهم أوى أشتغل فية مشاكلة بتبقى كبيرة أنا اصلا كنت هاوديها التوكيل بس حضرتك طبعا عارف غلو المصناعية؟؟؟؟ و لك جزيررر الشكرر

**sam07** · 18-04-2009 08:12 PM

170 جنيه

**tmedhat** · 18-04-2009 09:44 PM

من رايى سير الكاتينة لازم ا لتوكيل
عشان يغيرولك 2 اويل سيل كامة بالمرة
لكن الباقى كلة ممكن برة بدون مشاكل
على فكرة سير الكاتينة فى اللانسر بيتغير كل 80 الف كيلو

**eltorky** · 19-04-2009 12:00 PM

1000 شكررر ليك يا أستاذ مدحت بس أنا و الله أحتارت ناس تقولي الموضوع سهل وممكن أي ميكانيكى فاهم في العربية يعملو وحضرتك دلوقتي بترشحلي التوكيل عشان أغير 2أويل سيل كامة و أنا أول مرة أسمع عن موضوع الاويل سيل كامة داة ممكن بعد أذنك توضحلي أية الاويل سيل كامة داة و جززاك الله خيررر

**ihab** · 19-04-2009 12:19 PM

عن تجربة غيرهم فى التوكيل احسن و زى ما الاخوة قالوا لك غير معاهم اويل سيل الكرنك و اويل سيل الكامة

**eltorky** · 19-04-2009 12:29 PM

جززاك الله خيرر يا أستاذ ايهاب طيب ممكن تحكيلي عن تجربتك يا باشا للافادة

**ihab** · 19-04-2009 12:48 PM

بص يا سيدى انا عملت زيك كده و قلت ان الحاجات دى سهلة و بالتالى رحت اشتريتهم اصلى من مركز قطع الغيار اللى فى الكيت كات و روحت لميكانيكى فى الحرفين كان بيقول انه كان شغال فى التوكيل و طبعا كنت معايا الحاجة بما فيهم الاويل سيلات و ركب الحاجة ماعدا الاويل سيلات قالى مش محتاحة 0
و الاقى صور الموتور مش طبيعى و رجعت له تانى قالى الصوت ده من الدينامو و بعتنى لكهربائى
و قالى برضه الصوت من الدينامو و سمعنى الصوت قلت له ماشى فك سير الدينامو و ندور العربية من غيره و عملنا كده لقينا نفس الصوت موجود
قلت يبقى العيب مش من الدينامو و صوت البلية ده موضوع تانى
و طبعا طلعت على محطة بنزين موبيل ( مركز خدمة تبع مصرية ) اول ما سمع الصوت قالى سير الكاتينة مشدود و علشان يفكه لاوم يفك كل السيور اللى ركبناها كلها و طبعا فكينا و لاقينا الاويل سيلات حواليها مباذئ نشع زيت و بالتالى غيرناهم و دفعت مصنعية تغيير سير الكاتينة مرة تانية
اى نعم او مرة دفعت 60 او 70 جنيه بس رجعت دفعت تانى مصنعية التوكيل
يعنى انا لو كنت من الاول روحت التوكيل كنت وفرت ال 60 او ال 70 جنيه
+ حاجة تانية كمان ان قطع الغيار الاصلية اللى انا جبتها ماخذتش عليها ضمان لانها راكبة فى غير مراكز الخدمة المعتمدة على عكس لو روحت التوكيل لو حصل فيها اى مشكلة بترجع لهم و تضبطها تانى
و اخيرا ربنا يهديك للراى الاصوب ان شاء الله

**eltorky** · 19-04-2009 01:03 PM

طيب هية فين يا باشا محطة بنزين موبيل دية و هل ممكن أعمل عندهم الكلام داة وعندهم قطع الغيار ولا لا و المصنعية بتعتهم أية بظبط زي التوكيل ولا أرخص معليش صدعتك و تولط عليك جزززاك الله خيرررر