مصدر مسؤول ينفى شائعة خلط البنزين بالكحول....(وائل عطية)

القاهرة - نفى الكيمائى أحمد عبدالله نائب الرئيس التنفيذى لهيئة البترول للعمليات الشائعات التى أثيرت مؤخرا حول خلط البنزين بالكحول أو بمواد كيمائية "الميثانول" وذلك بسبب وجود رائحة نفاذة بالبنزين خلال الفترة الاخيرة.

وقال الكيميائى أحمد عبدالله فى تصريحات له يوم "الإثنين" إنه تم استيراد شحنة بنزين من دولة الإمارات العربية بهدف استمرار تأمين استهلاك منطقة القاهرة من البنزين الذى شهد مؤخرا ارتفاعا ملحوظا .. وقد تم استيراد تلك الشحنة مقابل تصدير شحنة من معمل تكرير ميدور بالإسكندرية.

وأضاف أن تلك الشحنة تميزت بارتفاع طفيف فى نسبة (الأوليفينات) قياسا بالإنتاج المحلى ..ولكنها النسبة المعتادة فى كثير من الدول العربية وهى إحدى مكونات خليط البنزين غير أن رائحتها نفاذة وتختلف عن الرائحة التى اعتاد عليها المستهلك المصرى.

وأشار الكيميائى أحمد عبدالله الى أن تلك النسبة من (الأولفينات) تقل عن النسبة المسموح بها فى المواصفات الأوروبية مما يؤكد إنعدام وجود أى خطر على الصحة العامة أو البيئة.

كما نفى الكيمائى أحمد عبدالله نائب الرئيس التنفيذى لهيئة البترول للعمليات صحة الإشاعات حول غش البنزين بإضافة (الميثانول) .. مشيرا الى أن (الميثانول) يعد أعلى سعرا من البنزين.

وأكد الكيمائى أحمد عبدالله أن البنزين المصرى بانواعه المختلفة لا يحتوى بأى صورة على مادة كيمائية تضاف لتحسين خواصه .. مشيرا الى أنه لا يتم تسويق البنزين إلا بعد التأكد من مطابقته للمواصفات القياسية المصرية والتى يتم وضعها من قبل الهيئة المصرية العامة للمواصفات والجودة ويتم إجراء التحاليل اللازمة دوريا.

وأشار نائب الرئيس التنفيذى لهيئة البترول للعمليات الى أن محطات التموين تخضع لرقابة أجهزة وزارة التضامن الإجتماعى التى تقوم بأخد عينات من البنزين من المحطات وتحليلها فى المعامل المركزية للتأكد من مطابقته للمواصفات القياسية .. بينما تقوم شركات التسويق المصرية والأجنبية العاملة فى السوق المصرى بإجراء التحاليل على عينات من البنزين المستلم للتأكد من مطابقته للمواصفات.
مصراوي

كلام متضارب من المسئولين = ضحك على الدقوون + كذب (اللهم ما إنى صائم)

ما بالك إن صـــاحب التصريحين هو هو نفس الشخص ؟؟؟؟؟؟؟؟؟؟

الراجل ده قال فى الأهرام :

الأهرام 30 من شعبان 1428هـ 12/9/ 2007 م
ضبط مركبات البنزين للقضاء على شكوى إنبعاث رائحة الكحول:
أوضح الكيميائي أحمد عبدالله نائب رئيس هيئة البترول للعمليات أن الزيادة في نسبة الأولفينات التي تتسرب في الهواء ولها رائحة مشابهة لمادة الميثانول‏(‏ الكحول‏)‏ قد حدثت خلال يومي الخميس والجمعة الماضيين في معمل تكرير القاهرة بمسطرد الذي يغذي محطات التموين بالقاهرة الكبري‏.‏
وقال‏:‏ إنه قد تم بالفعل ضبط نسبة الإضافة في مادة الأوليفنات للقضاء علي شكاوي تسرب الرائحة النفاذة‏.‏

----------------------------------------------

منين دى غلطة فى معمل التكرير و منين دى شحنة مستوردة من الإمارات ؟؟؟؟؟؟؟ :arrow:

أكيد الراجل ده يا فاكر إن إحنا هبل يا فاكل إن هو بس إللى بيعرف يقرأ

شكرا جزيلا لك يا أخ وائل على نقل الخبر الينا , كلامك مظبوط يا أخ ميمو و فى النهاية نقول حسبى الله و نعم الوكيل فيهم! يا ترى فى ضرر على الموتور أو أى من أجزائه نتيجة للموضوع اللى حصل ده ولا محتاج للتكرار علشان يضر الموتور ؟؟؟ وشكرا.

اقتباس:

---

المشاركة الأصلية كتبت بواسطة memo_hefnawy

أكيد الراجل ده يا فاكر إن إحنا هبل يا فاكل إن هو بس إللى بيعرف يقرأ

---

يا إما يا ميمو هوه نسي قال ايه قبل كده.... اكيد التصريح ده هوه ادلى بيه قبل الفطار :lol:

ممكن بردو :)

الله يرحم الشيخ الشعرواى كان يقول : " إن كنت كذوباً فكن ذكــوراً "
يعنى لو بتكذب كثير لازم تكون ذاكرتك حلوة عشان تقدر تفتكر إللى إنت قولته

اقتباس:

---

المشاركة الأصلية كتبت بواسطة اسلام المصرى

شكرا جزيلا لك يا أخ وائل على نقل الخبر الينا , كلامك مظبوط يا أخ ميمو و فى النهاية نقول حسبى الله و نعم الوكيل فيهم! يا ترى فى ضرر على الموتور أو أى من أجزائه نتيجة للموضوع اللى حصل ده ولا محتاج للتكرار علشان يضر الموتور ؟؟؟ وشكرا.

---

هوه احنا عارفين ايه اللي حصل اصلا يا اسلام علشان نعرف اضراره او حتى فوايده؟؟ :?: :!: :!:

ادي التصريح اللي ادلى به قبل كده

http://www4.0zz0.com/2007/09/18/10/33913078.jpg

حسبنا الله ونعم الوكيل

اقتباس:

---

المشاركة الأصلية كتبت بواسطة Ahmed Hassan

اقتباس:

---

المشاركة الأصلية كتبت بواسطة اسلام المصرى

شكرا جزيلا لك يا أخ وائل على نقل الخبر الينا , كلامك مظبوط يا أخ ميمو و فى النهاية نقول حسبى الله و نعم الوكيل فيهم! يا ترى فى ضرر على الموتور أو أى من أجزائه نتيجة للموضوع اللى حصل ده ولا محتاج للتكرار علشان يضر الموتور ؟؟؟ وشكرا.

---

هوه احنا عارفين ايه اللي حصل اصلا يا اسلام علشان نعرف اضراره او حتى فوايده؟؟ :?: :!: :!:

---

عارف يا أخ أحمد أن أحنا لسه مش عارفين ايه اللى حصل بالتحديد :) أنا كنت بأقصد: خلط البنزين بالكحول هل فيه ضرر على الموتور؟ و شكرا لك

يا جماعه أنا خلصت التفويلة أم ريــحة منيله دى و روحت فولت تانى النهارده من شيل كالعادة نفس المحطة إللى بفول منها كل مره

النتائـــج:
===
1- إستهــــــلاك البنزين نفســــه لم يتغــــبر شئ
2- التفويلة الجديدة مازلت بريحة (رغم إن شيل إللى بمون منها دى تانكتها ممكن تفضى فى يوم و نص و أنا التفويلة السابقة كانت يوم 9-9 تقريبا يعنى واضح إن أبو ريحة ده مطول معانا مش هايخلص دلوقت)
3- السحب و الأداء عندى مفيش فيه أى تغيير
4- الريحة تقرف الكلب بس مع الوقت مش هاتشمها أنا فى المحطة قولت للعامل مش هانخلص من الريحة دى قالى إحنا نفسنا نخلص منها قبلك و الله صعب عليا

اعلان هام:
للبيع عدد20 لتر بنزين من غير ابو ريحة92 مركون في عربيتي الأخرى المركونة لأعلى سعر :mrgreen: :mrgreen:

اقتباس:

---

المشاركة الأصلية كتبت بواسطة الصاوي

اعلان هام:
للبيع عدد20 لتر بنزين من غير ابو ريحة92 مركون في عربيتي الأخرى المركونة لأعلى سعر :mrgreen: :mrgreen:

---

ياترى فابريقة بره وجوه ولا "مرشوش"؟؟ :lol:

اقتباس:

---

للبيع عدد20 لتر بنزين من غير ابو ريحة92 مركون في عربيتي الأخرى المركونة لأعلى سعر

---

مالقيش عندك كام لتر 95 بالمرة :mrgreen: :mrgreen: :mrgreen:

اذا كان نائب رئيس هيئة البترول بيقول تصريحين مختلفين طب فين رئيس الهيئة نفسه , هو ملهوش نفس يقول أي حاجة.

حلوة او تسمية ابو ريحة

اقتباس:

---

اعلان هام:
للبيع عدد20 لتر بنزين من غير ابو ريحة92 مركون في عربيتي الأخرى المركونة لأعلى سعر

---

:mrgreen: :mrgreen: :mrgreen:

اقتباس:

---

المشاركة الأصلية كتبت بواسطة mohamed yousry

اقتباس:

---

اعلان هام:
للبيع عدد20 لتر بنزين من غير ابو ريحة92 مركون في عربيتي الأخرى المركونة لأعلى سعر

---

:mrgreen: :mrgreen: :mrgreen:

---