شـــــــ(شوية اسئلة على الماشي)ــــــارع الاعتراف

**2hmed_7osam** · 19-04-2009 05:38 PM

المشاركة الأصلية كتبت بواسطة نور القمر

موضوعك جميل جدا ممكن اشترك معاكم

اكيد طبعا نور القمر الاعلامية النايل موتوروزية
لازم تشارك دنتي رئيسة القناة

وشكرا على اعترفااتك

ومستنيين باقي الاعضاء

**evoo90** · 19-04-2009 05:49 PM

ايه عربيتك ولونه ايها..؟؟
شفيروليه افيو لونها فيرانى +دايو ليجانزا سوداء بتغير نص:k30:
نوع الكاوتش..؟؟
13 بيرلى
بتحب االتعديل..؟؟
موووووووووووووووووووووت
اذا نعم عدلت فيها..؟؟
لع
العربية اترشت قبل كدا..؟؟
لع
اخر مرة غسلتها..؟؟
حولى اسبوع
!!.....&....( بدايتك في السواقه)....&....!!
اتعلمت على
ميكروباص تويوتا بعدين ربع نقل شيفروليه والحمد لله جت سليمه
مين علمك السواقه..؟؟
ملاحظات وممارسات
اول عربية سوقتها..؟؟
ميكروباص تويوتا
اول عربية جبتها ..؟؟
ميتسوبيشى لانسر كريستاله
ايه هوا المكان اللي اول مره جربت السواقه فيه..؟؟
منطقه عندنا فى حلوان وكانت شوارعها كلها مطبات
اول سفريه ليك بالعربية ..؟؟
السويس
اول حادثة ليك "الله يكفيكم شر الحوادث" ..؟؟
اول حادثه بالانسر اصابات بسيطه
اخر مرة امركت او لعبت بالعربية..؟؟
جت غصب عنى كنت مستعجل وبجرى على ملف وعملت نص خمسه
اول مخالفه..؟؟
رادار
كان ايه شعورك ووالدك و والدتك وصحابك قالولك ايه..؟؟
ماحدش عرف
!!.....&....( ماهو رد فعلك!)....&....!!
طهقان زهقان مضايق
لو شفت حد يحك عربيتك بمفتاح..؟؟
هنزل أأ ولا بلاش خلينا محترمين
قمت الصبح ولقيت الزجاج مكسور والكاسيت مسروق..؟؟
قدر الله وماشاء فعل وهصوت
خبطكك واحد وجري ..؟؟
هجيبه من قفاه لو طلع على المريخ.. اصل صاحبك عنيد شويه ومجنون شويتين
خبطك واحد ونزل عمال يضحك..؟؟
هقعد اضحك معاه (ابتسامتك فى وجه اخيك صدقه)
بس لو بيضحك ضحك هستيرى وعمل مجنون
هعقله
اذا واحد ركب معك العربية وغتت ونزل ورزع باب العربية.. ماشعورك وهتعمل ايه..؟؟
هضايق لانى مش بحب حد يغتت ويرزل عليا
مش هزعل عشان العربيه
ركب معك واحد وانت ليه غاسل العربية ومنضفها وقاعد يأزأز لب..؟؟
هخليه يلمه لبه لبه لبه لبه
ركب معاك واحد عامل فيها مايكل شوماخر يقولك تعالى ع اليمين للأ تعالى عالشمال ..؟؟
هههه (بابا) وبعمل نفسى مش سامع
!!.....&....( أسئله الاحاسيس والمشاعر )....&....!!

بتركن عربيتك فين..؟؟
جراج
لو داخل البيت(جراج عمارة او فيلا) كل داا خوفاً عليهاا ولا مافيش مكان جنب بيتكم..؟؟
الجراج اامن واحد جارى عنده ولد انا مسميه (كارز بيكاسو) رسام درجه اولى اللى عايز يعمل رسمه على عربيته يجى يركن العربيه تحت ويطلع يشرب الشاى معايا واول ماينزل هيلاقيها خلصت
شخص نفسك دايما يركب معاك قدام..؟؟
!!!!!!!!
اشخاص بتحب دايما يركبو معاك..؟؟
اتنين زمايلى لما بيجتمعوا مع بعض بيبقى (شارلى وشابلن)
لو جه حد وطلب عربيتك يروح بيهاا مشور صغير تديهالو و لا لأ..؟؟
على حسب المشوار بس فى الغالب لا
اوحش واحلى خبر سمعته عن العربيات..؟؟
اوحش خبر الازمه الاقتصاديه وتأثيرها على السيارات
واحلى خبر الاعفاءات الجمركيه
وديت عربيتك للصيانه وتاخرت .. هتعمل ايه ونت عايش بدونها..؟؟
لو فى مشوار كبير ولازم عربيه بأجر
ولو مش لازم بقضيها مواصلات وامرى لله
هتروح رحله بعربيتك من تختار من الاعضاء يركبون معك..؟؟
rio amr farrag
اصلى لسه ماتعرفتش على حد كتير ولا رحت اى مقابله
من القارئ الي بتحب تسمع تلاوته ف سيارتك ..؟؟
ابى بكر الشاطرى

من المغني الي دايما بكاسيت السيارة ..؟؟
مش حد معين Evanescence
من رفيقك وونيسك في السفر الطويل ..؟؟
القران الكريم
عربية تتمناها.. وعربيه مابتحبهاش..؟؟
نفسى فى فيرارى f430 spider
اكره الترامكوا ونفسى المهم واولع فيهم كلهم
كلمه توصف فيها عربيتك..؟؟
كوته او سمسمه
عشان صغيره وبتعدى

وبعد ما انتهينا من الجزء النظري ..

__________________________________

نبدأ بالجزء العملي

( على قد متقدر جاوب )
مابداخل عربيتك..؟؟

انا

درج التابلوه والشنطه لو تقدر تصورهم <<من غيرمترتبها عايزين نتفرج عالطبيعه..
التابلوه فى شرايط و ورق فاضى وقلم رصاص
اصل الوحى ممكن ينزل عليا فى اى وقت وفى اى مكان واقعد ابدع

واخيراً

صورة لسيارتك ..
دى كنت فى مدينه السلام

**2hmed_7osam** · 20-04-2009 01:55 PM

نورت يا ايفو الموضوع وشكرا على اعترافاتك

**aif** · 20-04-2009 03:18 PM

المشاركة الأصلية كتبت بواسطة 2hmed_7osam

ايه عربيتك ولونه ايها..؟؟
اوبترا 2008 مانيوال .. لونها بيج ...
نوع الكاوتش..؟؟
هو جاي معاها لسة ماغيرتوش ... هانكوك
بتحب االتعديل..؟؟
لأ
اذا نعم عدلت فيها..؟؟

العربية اترشت قبل كدا..؟؟
لسة والحمد لله
اخر مرة غسلتها..؟؟
من 9 ايام
!!.....&....( بدايتك في السواقه)....&....!!

مين علمك السواقه..؟؟
ماحدش
اول عربية سوقتها..؟؟
عربية والدي مازدا 929 مو 1977 ... ولسة موجودة ربنا يبارك فيها
اول عربية جبتها ..؟؟
مازدا 929 مو 1984 في السعودية
131 1976 في مصر
ايه هوا المكان اللي اول مره جربت السواقه فيه..؟؟
مش فاكر ده كان من عشرتاشر سنة
اول سفريه ليك بالعربية ..؟؟
جدة - مكة 1991
اول حادثة ليك "الله يكفيكم شر الحوادث" ..؟؟
1979 خدت عربية والدي وبهدلت الدنيا ....بلاش فضايح
اخر مرة امركت او لعبت بالعربية..؟؟
ساعات بتحصل غصب عني ان العربية تأمرك في الطلعة لما باكون مستعجل
لكن عادة مش بامرك ولا أخمس ولا الكلام ده لأن العربية بتصعب عليا
اول مخالفه..؟؟
كانت في جدة وعمري ما ح انساها ... وقوف في الممنوع كنت باوصل واحد قريبي للموقف بتاع الاتوبيس
كانت النتيجة ان المخالفة اتسجلت كمبيوتر و بعدها بشهر تسبب ذلك في عدم امكانية سفري اثناء مرض والدتي الله يرحمها .... ولم احضر وفاتها بسبب المخالفة اللعينة دي ....
مرة واحدة اتسحبت رخصتي رادار على الزراعي عند دفرة ...السرعة 102 تقريبا
كان ايه شعورك ووالدك و والدتك وصحابك قالولك ايه..؟؟
؟؟؟؟؟؟؟؟؟؟؟؟؟؟؟؟؟
روحت جبت الرخصة من الدراسة و دفعت المخالفة واكرامية عشان الرخصة جتلي في وقتها
!!.....&....( ماهو رد فعلك!)....&....!!

لو شفت حد يحك عربيتك بمفتاح..؟؟
ح اهزأه وأخليه يحتقر نفسه قدام الناس
قمت الصبح ولقيت الزجاج مكسور والكاسيت مسروق..؟؟
طبعا حرقة دم .... لكن مافيش في اليد حيلة
خبطكك واحد وجري ..؟؟
ح استعوض ربنا ... لو قدرت آخد نمرتة و اوصلله ... أكيد مش ح اسكت
خبطك واحد ونزل عمال يضحك..؟؟
اكيد ح احاول اعرف هو بيضحك ليه .... يمكن يطلع مجنو ....مجنون يعني ... في الحالة دي ح اضحك انا كمان
اذا واحد ركب معك العربية وغتت ونزل ورزع باب العربية.. ماشعورك وهتعمل ايه..؟؟
ح اقول ... لو تحب ممكن اجيبلك شاكوش ... علشان تكسر الباب اسرع ... يعني ح انبهه بالزوق وبهزار ... لكن لازم يتنبه
ركب معك واحد وانت ليه غاسل العربية ومنضفها وقاعد يأزأز لب..؟؟
انا في الحاجات دي مش باتكسف .... ح اقوله بلاش لب لو سمحت
ممنوع التدخين لو سمحت
والكلام ده سواء غاسل العربية او مش غاسلها ... ده مبدأ
ده ولادي ممنوع ياكلو في العربية .... يعني ح افضله عن ولادي
ركب معاك واحد عامل فيها مايكل شوماخر يقولك تعالى ع اليمين للأ تعالى عالشمال ..؟؟
ماحدش بيعمل كدة غير والدي ... خلي بالك فيه تقاطع ... ادي كلاكس ..بالراحة عشان المطب.....خد يمينك شويه ....ادي اشارة
وطبعا باحاول اقوله ما تخافش يا حاج ... ايوة انا واخد بالي ... حااااضر ....كدة كويس يا حاج ؟
هو خايف عليا ... وانا باسمع كلامه عشان ما يتضايقش
!!.....&....( أسئله الاحاسيس والمشاعر )....&....!!

بتركن عربيتك فين..؟؟

جراج تحت البيت اللي جنبنا

لو داخل البيت(جراج عمارة او فيلا) كل داا خوفاً عليهاا ولا مافيش مكان جنب بيتكم..؟؟
حماية للعربية ... وبرغم كدة بتتجرح ساعات
شخص نفسك دايما يركب معاك قدام..؟؟
زوجتي طبعا ... ولما اي ستات غريبة بيركبو معايا ( لظروف شغل مثلا ) باحاول انهم يركبو ورا عشان ماحدش يركب مكانها
اشخاص بتحب دايما يركبو معاك..؟؟
اولادي .... ولازم يركبو ورا ... عشان عوامل الامان
لو جه حد وطلب عربيتك يروح بيهاا مشور صغير تديهالو و لا لأ..؟؟
غالبا لأ ....
لكن مرة واحدة اديتها لصديق علشان ظرف خاص .... وهو صديق عمر بالنسبة لي
اوحش واحلى خبر سمعته عن العربيات..؟؟
غلو البنزين ....
اخبار حلوة .... هو فيه اخبار حلوة عن العربيات في مصر ؟؟؟
وديت عربيتك للصيانه وتاخرت .. هتعمل ايه ونت عايش بدونها..؟؟
لم امر بهذا الموقف والحمد لله
هتروح رحله بعربيتك من تختار من الاعضاء يركبون معك..؟؟
يا ريت كلهم .... لكن ممكن شيكو ... سومو ( مع انه بينام ويسيبني لوحدي )ههههههههههه
من القارئ الي بتحب تسمع تلاوته ف سيارتك ..؟؟
انا بانتهز فرصة السواقة واقرأ اللي حافظه من القرآن .... وبالطريقة دي حفظت آيات كتير أثناء القيادة ... وساعات باقف ... واطلع المصحف عشان اتأكد من آية أو كلمة ... وأكمل تاني ...
وساعات الشرطة بيوقفوني بيفتكروني بأتكلم في الموبايل .... لكن لما بتكتشفو اني بأقرأ قرآن ... بيطلعو في منتهى الذوق
وطبعا كتير باسمع اذاعة القرآن ... بقراءها العمالقة
الحصري
البنا
عبد الباسط
مصطفى اسماعيل
.. والأقرب الى قلبي ....محمد صديق المنشاوي

من المغني الي دايما بكاسيت السيارة ..؟؟
الاولاد بيحبو محمد منير ... وعبد المنعم مدبولي وفيروز
من رفيقك وونيسك في السفر الطويل ..؟؟
قراءة القرآن ... بس دايما لما أقرأ قرآن ... العيال يروحو ف سااابع نومه ..... كأنهم واخدين بنج
عربية تتمناها.. وعربيه مابتحبهاش..؟؟
كتييييير ... مثلا bmw الفئة السابعة مساءا
كلمه توصف فيها عربيتك..؟؟
كتر خيرها
فيها كل اللي انا محتاجة
الحمد لله اني عندي عربية جديدة ومكيفة وقوية .... ده كدة فضل ومنة ونعمة كبيرة اوي اوي ... الحمد لله
وبعد ما انتهينا من الجزء النظري ..

__________________________________

نبدأ بالجزء العملي

( على قد متقدر جاوب )
مابداخل عربيتك..؟؟

مصحف ...زجاجة مياة ..... فرشة شعر .... زجاجة برفان .... مناديل .... برايت شوز

درج التابلوه والشنطه لو تقدر تصورهم <<من غيرمترتبها عايزين نتفرج عالطبيعه..

مصورهم بس وهما فاضيين

الشنطة ما زالت فاضية باستثناء ... زجاجة مياة .... زجاجة سائل تبريد ... المثلث العاكس... مشمع علشان لو حاجة ممكن تؤذي الشنطة افرشه فيها ... بس
واخيراً

صورة لسيارتك ..

شكرا للموضوع المميز ده

**haysam2000** · 19-05-2009 08:04 PM

ايه عربيتك ولونه ايها..؟؟
انا عربيتى سكودا فيليشيا 95 و لونها نبيتى

نوع الكاوتش..؟؟
كومهو 13

بتحب االتعديل..؟؟
ايون

اذا نعم عدلت فيها..؟؟
اه غيرت شويه فى الأكصدامات و الشبكه

العربية اترشت قبل كدا..؟؟
اه مرتين بس خوارج

اخر مرة غسلتها..؟؟
من حوالى اسبوع او 8 ايام بس بمسحها كل يوم

!!.....&....( بدايتك في السواقه)....&....!!

مين علمك السواقه..؟؟
انا علمتنى شويه و واحد صاحبى شويه

اول عربية سوقتها..؟؟
لادا 2107 و بعديها 132

اول عربية جبتها ..؟؟
هى الأسكودا و ربنا يستر و اعرف اغير فى يوم

ايه هوا المكان اللي اول مره جربت السواقه فيه..؟؟
مرسى مطروح من حوالى 9

اول سفريه ليك بالعربية ..؟؟
مرسى مطروح من حوالى 6 سنين مع الشله الفسدانه

اول حادثة ليك "الله يكفيكم شر الحوادث" ..؟؟
لما كنت بتعلم ب 132من حوالى 9 سنين و طالع من ركنه خبطت مرسيدس ايز كانت راكنه قدامى لآنى كنت ببص على الطريق اللى كجنبى و مركز و تخيلو صاحب المرسيدس لما عرف

اخر مرة امركت او لعبت بالعربية..؟؟
كان من حوالى تلات شهور و كنت فى زفه

اول مخالفه..؟؟
من حوالى 7 شهور فى وقفه العيد و تخيلو انى دفعت 50 جنيه علشان الرينجات (لما قولتلو دى مش ممنوع قالى كل سنه و انت طيب )

كان ايه شعورك ووالدك و والدتك وصحابك قالولك ايه..؟؟
اصحابى قعدو يضحكو عليا و بابا و ماما قالولى مقلنالك بلاش تهبب حاجه فى شكلها

!!.....&....( ماهو رد فعلك!)....&....!!
الأسى على القرف اللى الواحد بيشوفه فى المرور و خصوصا انها كانت اخر 50 فى جيبى :k17:

لو شفت حد يحك عربيتك بمفتاح..؟؟
هحك لوحه ظهرة بنفس المفتاح علشان اعرفه هو عمل ايه فى قلبى

قمت الصبح ولقيت الزجاج مكسور والكاسيت مسروق..؟؟
الحمد لله محصلتش بس لو حصلت هخد مواصله و افضل اكلم نفسى و ابرطم طول السكه و بعدين اجيب دوا للضغط

خبطكك واحد وجري ..؟؟
وراه لحد التانك ما يخلص

خبطك واحد ونزل عمال يضحك..؟؟
لو ضحكه هاديه علشان يهدى الموقف هعديها اما لو ضحكه غلاسه او غيظ (و الخبطه جامده) هبلعه صف سنانه لآنى مباخدش عوض

اذا واحد ركب معك العربية وغتت ونزل ورزع باب العربية.. ماشعورك وهتعمل ايه..؟؟
بواجه الموقف ده كتيير و دايما اقول للى يعمل كده ( مش باب تلاجه بيتكو يا ر ا )

ركب معك واحد وانت ليه غاسل العربية ومنضفها وقاعد يأزأز لب..؟؟
هوجه عنايته ان فى طفايه هتتكسر على دماغه لو مرماش فيها

ركب معاك واحد عامل فيها مايكل شوماخر يقولك تعالى ع اليمين للأ تعالى عالشمال ..؟؟
لو مش من شلتى و بنسوق سوا دايما اكيد هسكته

!!.....&....( أسئله الاحاسيس والمشاعر )....&....!!

بتركن عربيتك فين..؟؟
تحت بيتنا

لو داخل البيت(جراج عمارة او فيلا) كل داا خوفاً عليهاا ولا مافيش مكان جنب بيتكم..؟؟
-------

شخص نفسك دايما يركب معاك قدام..؟؟
حد من شلتى

اشخاص بتحب دايما يركبو معاك..؟؟
جزء من شلتى

لو جه حد وطلب عربيتك يروح بيهاا مشور صغير تديهالو و لا لأ..؟؟
لو من شلتى هديهالو طبعا لآنه العادى بينا اما لو مجرد صاحب يبقى لآ طبعا

اوحش واحلى خبر سمعته عن العربيات..؟؟
اوحش ان تجديد الرخصه غلى
احلى ان العربيات هترخص فى يوم من الأيام

وديت عربيتك للصيانه وتاخرت .. هتعمل ايه ونت عايش بدونها..؟؟
هعيش على سلف عربيات الشله

هتروح رحله بعربيتك من تختار من الاعضاء يركبون معك..؟؟
انا اتشرفت ب شنورى ف اكيد هاخده معايا

من القارئ الي بتحب تسمع تلاوته ف سيارتك ..؟؟
مشارى راشد

من المغني الي دايما بكاسيت السيارة ..؟؟
مفيش حد معين (انا بحب كولكشن معين من اغانى الراب و الهيب هوب)

من رفيقك وونيسك في السفر الطويل ..؟؟
اكيد برضه حد من الشله

عربية تتمناها.. وعربيه مابتحبهاش..؟؟
بى ام دبليو ام5
انا بكره اشكال العربيات الصينى كلها لآنها يا شكلها وحش اوى يا تقليد سئ لموديل حلو

كلمه توصف فيها عربيتك..؟؟
توتا انا بعتبرها مراتى و فعلا فاهمانى و لما اكون مضايق بتبقى مقفله و العكس و برضه لياه طلبتها الممله و مزاجها اللى بيتعكر من غير سبب

وبعد ما انتهينا من الجزء النظري ..

__________________________________

نبدأ بالجزء العملي

( على قد متقدر جاوب )
مابداخل عربيتك..؟؟
سى دى قرأن ل مشارى و مناديل ايزى كير و غطاء وش السى دى و برفان و خرطوشه كنت و وصله AUX للموبيل على السى دى و قلم و مفتاح الين علشان الطارة و علبه مناديل

درج التابلوه والشنطه لو تقدر تصورهم <<من غيرمترتبها عايزين نتفرج عالطبيعه..
بلاش احراج بقى
و كمان كبل الفون بتاعى اللى بحب التصوير بيه اتقطع و لسه مجبتش

واخيراً

صورة لسيارتك ..