الف شكر ليك لردك جزاك الله كل خير
بالفروق دي كلها في الكماليات يبقى الافضل ان الواحد يدفع الفين زيادة لما يفتحوا الحجز ويجيب الفانتزيا
بس هما كده مش هيلاقوا حد يشتري ال A5
ولا ايه رأيك؟
عرض للطباعة
الف شكر ليك لردك جزاك الله كل خير
بالفروق دي كلها في الكماليات يبقى الافضل ان الواحد يدفع الفين زيادة لما يفتحوا الحجز ويجيب الفانتزيا
بس هما كده مش هيلاقوا حد يشتري ال A5
ولا ايه رأيك؟
مش عارف بس فعلا هما عندهم ستوك كتيييير اوي A5
مش عارف بقى الاسعار الفترة الجاية هتبقى ايه ،،،
بس في ناس بتبقى مستعجلة وعايزة فوري
ولمعلوماتك الفانتازيا بتيجي الدفعة 20 - 30 عربية بس كل شهرين كده
يعني هما لحد دلوقتي في 3 شهور سلموا دفعتين بس
وماكانش فيهم اليجانس كمااان
والعربية في الوكيل وبس
يعني حتى مش عند الموزعين المعتمدين
تاني حاجة انا كنت وصلت لسعر المانيوال A5 2008 مصري وكانت عاملة 138 بس
وفي منها كتيييير بره في المعارض والموزعين
بس الفانتازيا احلى كتييييير
وده رأيي الشخصي
ولو مش مستعجل استنى بس لحد اوتوماك كل حاجة هتبان وقتها
حساس مطر
مؤشر قياس وضبط ضغط الاطارات
تسخين وتعتيم للمرايا الجانبية والامامية
سي دي mp3
6 سماعات
مثبت سرعة
ضبط ارتفاع كرسي السائق
الشاشة العريضة في التابلوه اللي كانت بتنزل مع الاليجانس في A5
هل حضرتك متأكد ان الكماليات دي كلها مش موجودة في ال A5 اللي عند الوكيل
اعتقد انها فيها مثبت سرعة ومؤشر قياس وضبط ضغط الاطارات و6 سماعات
انا بصراحة محتار هل الفانتزيا فيها فعلا كماليات اكثر بكثير عن ال A5 تستاهل فرق الفلوس والانتظار حتى فتح الحجز وكمان 14 يوم للاستلام ولو طلع فيها خدش زي ما حصل معاك هتاخدها لأنك استحالة هتنتظر للدفعة اللي بعدها
حضرتك بتقول استنى لحد اوتوماك ؟؟؟؟ قصدك ايه ؟
هل فعلا الاسعار ممكن ترخص في شهر 8
ايه اخبار العربية معاك وسحبتها كويسة ولا تقيلة شوية
معلش انا اسف اني طولت عليك
شكرا
والله سوق السيارات في مصر عجيب العالم كله بيرخص و احنا لأ , توكيلات نصابة بس فالحين لما الأسعار تغلى يقولولك الأسعار العالمية.
كانوا بيقولوا الأسعار حترخص في شهر يونيو و حضرتك بتقول أغسطس ادينا مستنيين لما نشوف اخرتها
بس اعتقد شهر أغسطس حيكون باقي حوالي شهر ع الموديل الجديد
الشكل الجديد المانويل سعرها 145000 وفيها يزيد عن الشكل القديم المانويل (سينسر مطر- مرايات ضم كهرباء وتعتيم وتسخين- تعتيم اتوماتيك للمرايا اللى فى النص-ضبط ارتفاع كرسي السائق_ العدادات بها الشاسة العريضة اللى كانت بتنزل فى الاليجانس فى الشكل القديم-فيها مؤشر لمراقبة ضعط الاطارات- و6 سماعات وبتشغل mp3)
الحاجات دي انا متأكد منها اما عن مثبت السرعة مش متأكد من وجوده في A5
وخللي بالك انا بتكلم عن المانيوال..............
اما عن موضوع انخفاض الاسعار والانتظار ، لو كنت متأكد كنت استنيت
انا بقولك استنى على مايبان هما هيبيعوا الاتنين سوا ولا مستنيييين لما ستوك ال A5 يخلص
عشان انا سألتهم ومعرفتش اخد اجابة مقنعة ،، طبعا بيقولوا هنبيع الاتنين سوا .....
ومحدش يقولي بره الاتنين بينزلوا سوا ،، انا عارف الموضوع ده بس في فرق سعر اكيييد كبييير بين الاتنين
تسويقيا لازم يكون فيه فرق سعر مغري يخليك تفضل A5 عالفانتازيا لأن ال a5 بقالها 5 سنين عالشكل ده
لكن انا مقدرش ااكد عليك بأي حاجة
كل دي توقعات ودردشة بصوت عالي
اما عن الكماليات ففعلا الفانتازيا مانيوال اعلى من A5
واي خدمة انا تحت امرك
والعربية سحبها كويس ولا تقيلة ولا حاجة.......والجير المانيوال بتاعها انا ماكنتش متخيل انه حلو اوي كده ،، سواقته ممتعة بجد،،، يمكن عشان انا اساسا مش بحب الاوتوماتيك ،، مش عارف ؟؟؟؟
اضيف بس
ان المانيوال بتاع A5
فيها تسخين للمرايا الجانبيه
و التحكم في ارتفاع كرسي السائق
و لا يوجد بها مثبت سرعه
الف شكر ليك على تعبك معايا والله يباركلك فيها ويحفظها من كل عين
النهارده اتصلت بالوكيل في المقطم قالي ان ال A5 الشكل القديم بنفس سعر الفانتزيا145 قلتله ازاي تخلوها بنفس السعر مع ان الفانتزيا فيها كماليات اكتر غير انها الاجدد شكلا ... قالي اصل الشكل القديم ده نازل اساسا من 153 تخفيض 8 الاف جنيه وانهم مش هيقدروا ينزلوا ثمنها اكتر من كده غير ان في ناس بتفضل الشكل القديم عن الفانتزيا وعاوزة تستلم فوري من غير ما تنتظر وصول الفانتزيا
وسألته عن الاوتوماتيك قالي الفانتزيا 168 اما الشكل القديم A5 برده عليه تخفيض 8 الاف جنيه يعني سعرها 160
المفروض المانيوال برده يكون في فرق في السعر كده زي الاوتوماتيك بس تقول ايه بقى في بلدنا بلد العجايب
والله عن البقشيش ،، انا سيبتلهم 100 جنيه ،،، وكانوا 2 ،،، الفني اللي سلمني واللي نظف ولمع العربية من جوة ومسحها بس من بره من غير غسيل ،،، وتحت امرك في اي حاجة ،، بس هما ماكلبوش اي حاجة وماكانوش عايزين ياخدوا كمااان ،، بس بصراحة الناس هناك يغلبوك بزوقهم واحترامهم ،، حتى اداني رقم واحد في مرور الجيزة (كان فاكرني هرخص من الجيزة) قاللي ده ممكن يخلصلك كل حاجة وانت قاعد مكانك ،، كله بحسابه طبعا ،، بس كويس انه عرض عليا حاجة زي دي ،، يعني لو الوالد هو اللي هيرخص الموضوع ده كان هيبقى هايل بالنسباله ،، المهم انا رايح ارخص بكرة من مرور المنوفية عندنا ،، ادعووولي اخلص بسرعة واخد نمر كويسة وسليمة ،،،