Fantasia '09 Manual by 145.000 L.E

**momomania22** · 22-04-2009 08:45 PM

المشاركة الأصلية كتبت بواسطة crazylambada

اضيف بس
ان المانيوال بتاع A5
فيها تسخين للمرايا الجانبيه
و التحكم في ارتفاع كرسي السائق
و لا يوجد بها مثبت سرعه

جزاك الله خيرا لتصحيح المعلومة ، بس ده كان كلام المندوب معايا فاسف لو فيه شيء غير صحيح
ودمت بخير عزيزي

**khpopo** · 22-04-2009 10:02 PM

مبرووك الف مبرووك ربنا يديك خيرها ويكفيك شرها
ربنا يوفق

**egypt_dr** · 22-04-2009 10:18 PM

المشاركة الأصلية كتبت بواسطة momomania22

انا تحت امرك في اي حاجة ويمكن انا سمعت سعر ال a5 من المندوب غلط ،، اسف جدا
بس انا رأيي تروح فرع المقطم او مدينة نصر " ش عبدالرازق السنهوري من مكرم عبيد " وتتفرج على العربيتين عشان تقدر تقرر ،،،،، وربنا يوفقك

ان شاء الله انا ناوي اعمل كده بس عندي استفسار ليك
الحجز للفانتزيا ب 5000 ولا كام بالظبط؟
في بعض البنوك بتشتري العربية من المعرض وتقسطها .. يعني مثلا انا روحت ونقيت اي عربية من اي معرض باروح للبنك اقولهم انا عاوز العربية الفلانية وهما بيشتروها كاش من المعرض ويقسطوها لي ... هل عندك فكرة اذا كان الفانتزيا ينفع معاها النظام ده ولا بما انها بالحجز يبقى لازم اخلصها كاش بنفسي ؟؟ .. انا نسيت اسأله انهارده فلو تعرف يا ريت تفيدني
يا ريت تقولي حضرتك دفعت كام في الحجز واستلمتها بعد كام اسبوع ودفعت الباقي امتى؟

يا رب مكنش متقل عليك جزاك الله كل خير
وربنا معاك بكره في الترخيص ..

**momomania22** · 23-04-2009 01:03 AM

المشاركة الأصلية كتبت بواسطة egypt_dr

ان شاء الله انا ناوي اعمل كده بس عندي استفسار ليك
الحجز للفانتزيا ب 5000 ولا كام بالظبط؟
في بعض البنوك بتشتري العربية من المعرض وتقسطها .. يعني مثلا انا روحت ونقيت اي عربية من اي معرض باروح للبنك اقولهم انا عاوز العربية الفلانية وهما بيشتروها كاش من المعرض ويقسطوها لي ... هل عندك فكرة اذا كان الفانتزيا ينفع معاها النظام ده ولا بما انها بالحجز يبقى لازم اخلصها كاش بنفسي ؟؟ .. انا نسيت اسأله انهارده فلو تعرف يا ريت تفيدني
يا ريت تقولي حضرتك دفعت كام في الحجز واستلمتها بعد كام اسبوع ودفعت الباقي امتى؟

يا رب مكنش متقل عليك جزاك الله كل خير
وربنا معاك بكره في الترخيص ..

السلام عليكم
انا تحت امرك في اس استفسار
0114834666
اولا ده موبايل مستر محمد احمد فرع مدينة نصر ممكن تكلمه وتستفسر منه عن اللي انت عايزه !!!
بالنسبة لمقدم الحجز ( 5000 الاف جنيه )
مدة الانتظار ( 14 يوم بالتمام والكمال )
باقي المبلغ عند الاستلام وسعر السيارة بالضبط 144.900
و100 جنيه تظبيط للعمال اللي هناك ودي من عندك
في نقطة اخيرة انك هترح تعمل مشوار صغير لمرور بين السرايات عشان تجيب ورقة الافراج الجمركي ودي بعد ماتستلم العربية...ودي انا واحد خلصهالي وخد 100 جنيه
اما عن موضوع البنوك انا معرفش عنه اي حاجة
وفتح باب الحجز لو سبت رقمك للاستاذ محمد وياسلام لو عملتلوا زيارة تتفرج عالعربية ، اول مايفتح باب الحجز هتلاقيه مكلمك قبل مايعلنوا في الجرايد
على فكرة انا حاولت ادفع باقي قيمة السيارة بشيك رفضوا
حاجة كمان الاستلام من المقطم فقط حتى لو حجزت في مدينة نصر او العجوزة وده اللي حصل معايا
دي كل المعلومات اللي عندي

**wawamoha** · 23-04-2009 02:48 AM

المشاركة الأصلية كتبت بواسطة momomania22

والله عن البقشيش ،، انا سيبتلهم 100 جنيه ،،، وكانوا 2 ،،، الفني اللي سلمني واللي نظف ولمع العربية من جوة ومسحها بس من بره من غير غسيل ،،، وتحت امرك في اي حاجة ،، بس هما ماكلبوش اي حاجة وماكانوش عايزين ياخدوا كمااان ،، بس بصراحة الناس هناك يغلبوك بزوقهم واحترامهم ،، حتى اداني رقم واحد في مرور الجيزة (كان فاكرني هرخص من الجيزة) قاللي ده ممكن يخلصلك كل حاجة وانت قاعد مكانك ،، كله بحسابه طتبعا ،، بس كويس انه عرض عليا حاجة زي دي ،، يعني لو الوالد هو اللي هيرخص الموضوع ده كان هيبقى هايل بالنسباله ،، المهم انا رايح ارخص بكرة من مرور المنوفية عندنا ،، ادعووولي اخلص بسرعة واخد نمر كويسة وسليمة ،،،

ربنا يباركلك يا باشا
ده اولا ثانيا انا منوفي زيك و عايش في شبين الكوم و اكيد ها تنزل بيها في شبين في ش الاستاد يبقى انا لازم اشوفك لاني ساكن هناك.
بالنسبه للراجل بتاع مرور الجيزه ما قالكش هياخد كام و يخلصها ؟ لان محل اقامتي في الجيزه و عاوز اظبط النمر الجديده .
ثالثا من كتر ما شكرت في التوكيل انا رايح احجز منهم .. بس انا ها اجيب ايه 4 اولا لاني بحب شكلها -لان كان معايا كامري 2002 في الكويت نفس الشكل تقريبا- و ثانيا عل قد فلوسي و ربنا يبارك.
و يا ريت نتقابل في شبين و اباركلك عل العربيه
بالنسبه لمرور المنوفيه قبل ما تخش عل سلامه - الظابط\ اللي ها يديلك النمر روح شوفها الاول قبل ماتخلص فيها لقيتهازباله -صاجه مصديه - طنش الرقم و روحله تاني يوم و حاول تشوفله معرفه و هو يديلك رقم جديد .
و ربنا يعينك عل مرور المنوفيه و زحمته - و لو عاوز روح افحص و خد ورقه الفحص و روح لمحامي اسمه استاذ احمد موسى محترم جدا و انا عارفه و برخص عن طريقه ادديله الورق و هو يكملك كل الاجراءات و بياخد مبلغ بسيط 50 في المعامله .
بس انت هاتنزل بيها ازاي جبت ارقام تجاري؟؟
الف مبروك

**ahmed_mabrook** · 23-04-2009 04:46 PM

الف مبروك وربنا يحيمهالك ان شاء الله
وخلى بالك انك تخلى الُ Esp شغال على طول

**momomania22** · 23-04-2009 08:56 PM

شكرا ل wawamoha
وربنا يبارك فيك وعقبال لما تحجز وتستلم وترخص كماااااان
ال A4 عربية هايلة وتليق للشباب اكتر بكتييير من ال A5 والفانتازيا
وان شاء الله نتقابل في عن قريب
اما عن الترخيص في الجيزة والله مش عارف الناس بتخلص هناك بأد ايه ؟؟
هو جابلي ورقة الافراج الجمركي وبس وبصراحة ماسألتوش عشان انت عارف انا كنت هرخص من شبين
ثانيا شكرا جزيلا لك على النصائح الغالية بس انا الحمد لله رحت المرور النهاردة
ولقيت عسكري هناك خلصلي كل حاجة وخد 50 جنيه
اما عن اللوحات فكان في شخص معرفة هناك جابلي 7855 ملاكي المنوفية( الجميلة طبعا )
بس اللوحات متبهدلة عالاخر فوديتها عن خطاط عشان يعدلها ويكتبها تاني ،، طبعا كنت ناوي اعملهم فيبر جديد على قد العربية ، طلعت دي مخالفة ب 3 شهور سحب رخص ،، الظابط اللي قاللي المعلومة دي
بس الحمد لله كلو تمام وانا رحت بدري والموضوع كله خد ساعتين من اول مانزلت من البيت لحد مارجعت بسلامة الله
دعواتكم بقى ياجماعة وربنا يبارك ان شاء الله

**egypt_dr** · 24-04-2009 12:38 AM

الف مبروك على الترخيص
ربنا يباركلك ويرزقك خيرها ويكفيك شرها

**momomania22** · 24-04-2009 06:39 AM

المشاركة الأصلية كتبت بواسطة egypt_dr

الف مبروك على الترخيص
ربنا يباركلك ويرزقك خيرها ويكفيك شرها

اميييييييييييييييييين وجزاك الله خيرا

**sa3dawy** · 24-04-2009 09:13 AM

الف مبرووك ربنا يديك خيرها ويكفيك شرها

الموضوع: Fantasia '09 Manual by 145.000 L.E

LinkBack

أدوات الموضوع

عرض

-

-

-

المواضيع المتشابهه

بادور عال Owners Manual و ال Service manual بتاع الشادو

Fantasia Manual

نسخة من المنيول (Owner´s manual ) الى بيجى مع السكودا Fantasia

Complete Workshop Repair Manual, Electrical, Parts & Body shops manual...

ما هوالفرق بين الجين 2 manual وpersona full option manual

الكلمات الدلالية لهذا الموضوع

المفضلات

المفضلات

ضوابط المشاركة