صور محتاجة تفسير......هل الركود فعلاً أبتدى يأثر على سوق السيارات؟؟

السلام عليكم

أنا من فترة كده صورت صورتين من بعيد شوية لسوق السيارات فى يوم غير الجمعة و السبت وفى حتة من السوق غير مستخدمة خالص حتى يوم الجمعة اللى هو أزحم أيام السوق.

و عن قصد مرفتش الصور قبل كده عشان أتأكد أن العربيات دى مش واقفة يوم و لا أتنين و ماشية.....بس الموضوع بقاله أكتر من شهر و العربيات فى مكانها.

العربيات دى فى منها ملاكى ( والماركات الأكثر فيهم هما دايو\شيفروليه لانوس و دايو نوبيرا و هيونداى فيرنا و بريليانس جالينا ) و أعتقد فى ماركات تانية بس عدد العربيات بتاعها قليل و مش باينة..........و الغريب أن معظم العربيات دى مرخصة و معلقة نمر و حالتها تكاد تكون زيرو.....يعنى لو شالو النمر ممكن فعلاً أفتكرهم زيرو........و حاليا مردومين تراب.

الجزء التانى من العربيات هما تاكسى القاهرة بلون الأصفر المميز......و مش مرخصين أو على الأقل معظم اللى شفتهم مش مرخصين......و برضه حالياً مردومين تراب.

أنا مش عارف كل العربيات دى راكنة كده ليه ؟؟؟

هل مثلاً الملاكى دول أصحابهم كانو شارينهم قسط و تعثروا فى السداد؟؟ طيب واللى مش مرخص منهم ؟؟ طيب والتاكسيات ؟؟

أسيبكم مع الصور
http://www.postimage.org/gx1oeb10.jpg


http://www.postimage.org/Pq2kuNZJ.jpg

فعلا انا شفتهم وبقالهم فتره مركونين

يوم الجمعة العربيات دى بيتفتح الكبوت والشنطة وفى ناس بتكون واقفة جنبهم كأنهم بيعرضوهم، وباقى الأسبوع بيكون مدخل المنطقة اللى هما فيها مقفول وعليه غفير.

ملحوظة لأستاذ أحمد عبد المقصود: لو الصور دى متاخدة من بلكونتك يبقى إحنا كده جيران.

اقتباس:

---

المشاركة الأصلية كتبت بواسطة عزيز محمد

يوم الجمعة العربيات دى بيتفتح الكبوت والشنطة وفى ناس بتكون واقفة جنبهم كأنهم بيعرضوهم، وباقى الأسبوع بيكون مدخل المنطقة اللى هما فيها مقفول وعليه غفير.

ملحوظة لأستاذ أحمد عبد المقصود: لو الصور دى متاخدة من بلكونتك يبقى إحنا كده جيران.

---

فعلاً يا باشا متصورة من البلكونة :biggrin:

تشرفنا يا باشا

بس أنا مبعديش من ناحية السوق يوم الجمعة عشان مش بطيق الزحمة بتاعته و بالتالى مشفتش العربيات دى و هى مفتوحة.

بس برضه أيه حكايتهم ؟؟؟

مش معقولة يكونو بيعلقو نمر ويبيعوهم على انهم كسر زيرو فعلا ؟!
وحتى لو كدة يبقى اية حكاية التاكسيات ؟

انا حاسس ان الموضوع ده وراه بنك والعربات دي محجوز عليها من معرض او شركة تسويق او تاجر كبير وبيشتغل مع شركات التاكسي

الله اعلم

زى ماجيبتولنا الصور عاوزين الخبر اليقين

زى ماجيبتولنا الصور عاوزين الخبر اليقين

شكرا ليك على الصور وعلى مجهودك بس أعتقد أن السوق تعدى مرحلة التشكيك إذا ماكان في ركود من عدمة وبالتالي ماينفعش بعد 4 شهور عجاف وقبليهم آخر شهرين من 2008 مفيش حد باع فيهم غير أعداد بسيطة ونيجي ونقول دلوقتي هل الركود فعلاً أبتدى يأثر على سوق السيارات !!

المهم.. أنت شايف أيه ؟

بس أن الركود يؤدى الى تعثر يبقى هو ده الجديد

انا فعلا شفت العربيات دى النهاردة و انا معدى و هى فعلا معلقين النمر
اكيد فى مشاكل و البنك حاجزهم

اقتباس:

---

المشاركة الأصلية كتبت بواسطة Ahmed A.Maksoud

بس أن الركود يؤدى الى تعثر يبقى هو ده الجديد

---

التعثر هو النتيجة المنطقية والحتمية للركود والأزمة الأقتصادية الحاصلة عندنا وهو شيء متوقع ومن فترة كبيرة والأعداد هتزداد الفترة الحالية والقادمة ودة هو السبب الرئيسي لتعسف الأجراءات التي تتبعها البنوك في القروض البنكية فترة الأزمة الأقتصادية الحالية عشان البنوك درست السوق وعملت شغلها صح وتوقعت أن يحدث تعثر بنسبة 50% من مجموع السيارات التي تم بيعها في 2008 وبلغ حوالي 270 ألف سيارة وبالتالي قفلت حنفية القروض والناس دلوقتي أتسرحت من أشغالها سواء عمالة مؤقتة أو دائمة مفيش فرق الأثنين في مهب الريح ...

1- 270 ألف سيارة مبيعات في 2008 .

2- حدوث الأزمة نهاية 2008 .

4- تحجم البنوك عن الأقراض بعد ما حدث في الولايات المتحدة وأروربا .

4- تستمر الأزمة الي رابع شهر من 2009.

3- إنخفاض معدلات النمو وتوقعات بالوصول الي مستوى ال 4 % .

4- المصانع تتعرض لخسارة نتيجة الأزمة وتستمر الخسارة منذ 6 أشهر وأكثر .

5- تبدأ المصانع في البحث عن طرق لتخفيض النفقات ومنها تسريح العمالة .

6- يبدأ تسريح العمالة وبالتالي يفشل من تم تسريحهم في تسديد الأقساط (التعثر) .

كلامك منطقى جداً و أنا عارفه بس بصراحة كنت مستبعد حدوثه فى مصر لأن أحنا أصلاً عندنا أزمة مصرية أقتصادية من 30 سنة و أقوى من الأزمة العالمية اللى حصلت أواخر 2008 و بالتالى التأثير فى مصر يكاد يكون منعدم مقارنةً باللى بنشوفه فى دول الخليج مثلاً.

ربنا يسترها علينا عشان الموضوع أبتدى يأثر تأثير واضح فى مصر.

نفس المنظر ده شوفته فى مخزن موزع كبير لسيارات كتير و كان نص المخزن جيتا و باسات و سورات و بولو سيدان و النص التانى فيات بونتو كلاسيك .....اكيد طبعا السوق نايم جدا و الحالة مش ولابد و الكل دلوقتى مستنى يشوف المبيعات الفعلية للسيراتو الجديدة علشان يعرفوا راسهم من رجليهم مع ان العربية فيها 4 الاف ملطوش زيادة over price و بشهادة و من على لسان مدير معرض كبير فى اسكندرية

فعلا من الملحوظ اليومين دول في ركود كبير جدا في سوق السيارات
يصاحب هذا الركود استمرارا مع الازمة الاقتصادية جشع الموزعين والوكلاء
العالم كلة فكر ازاي يخرج منها واحنا لسة مسكين في ال 100% مكسب
ومش راضيين يتنازلو وكانت الصور هي النتيجة

لازم احنا كمان نفضل متمسكين بموقفنا لحد ما يرحمونا شوية من حقهم يكسبوا بس مش بالشكل ده كده حرام العربيات فى كل الدول ارخص من عندنا بكتير

انا فعلا شوفت النظر بتاع العربيات دة والفضول اخدنى ونزلت وسالت واحد من القاعدين فى الكشك الى هناك قالى دى عربيات شركة بس شركة اية الله اعلم بس حسيتة بيكدب معرفش لية وفعلا شكلها عربيات اصحبها متعثريين

والله هى فعلا حاجه غريبه وتحير العقل ياترى فى ايه