مشكله احترررررت فيها وكل واحد بيفتى ومش عارف اعمل ايه؟؟ العربيه عندى 127 top العجل اللى ورا مقوس وشكله وحش اوى مش عارف ده من ايه اللى يقولى سوست واللى يقولى العربيات دى كده واللى يقول مقصات مش عارف حلها ايه؟؟؟:I_angr1[1]:
عرض للطباعة
مشكله احترررررت فيها وكل واحد بيفتى ومش عارف اعمل ايه؟؟ العربيه عندى 127 top العجل اللى ورا مقوس وشكله وحش اوى مش عارف ده من ايه اللى يقولى سوست واللى يقولى العربيات دى كده واللى يقول مقصات مش عارف حلها ايه؟؟؟:I_angr1[1]:
انا بشوف عربيات كده فعلا ممكن قبل متعمل حلجة فى العربية تفوت عند حد بتاع زوايا يضبط العجل الى ورا
انا سمعت فعلا ان العيب بيقبى عيب مقصات
القنطرة اللي ورا و دي عبارة عن سوستة ورق بتكون مقوسة شوية زيادة عن اللازم..
عايزة تتفرد شوية.. او تتغير خالص.. حسب حالتها..
روح عند عفشجي كويس يعملهالك..
اسمع ان في مصنع في الترجمان بيعملهم.. و بتاخد عليها ضمان شهر..ولو حصل فيها حاجة بتروح تغيرها علي حسابهم..
انا بشوووف عربياات كتيير جدااا
بالطريقة دة بس
عايز اعرف السبب الصح
اصل في 2 قرايبي معاهم 127.. و حصل الموضوع ده مع واحد منهم..
وكان ده السبب..
هو فى العجلتين ولا عجلة واحده؟؟؟؟؟؟؟؟؟؟
العجلتين
لو بصيت من ورا العربية كده.. هتحس انهم مش واقفين عموديين علي الارض بالظبط..
ال127 و 128 عفشتهم من ورا على سوست زى العربيات النقل مش على يايات زى الملاكى بس السوست دى بعرض العربية والسوست دى اللى بتحدد ارتفاع العربية على حسب ( مفرودة ) العجل من ورا مفتوح زى المرسيدس والعربية واطية , (مقفول) العجل مقفول زى العبيط اللى رجلية داخللة فى بعض والعربية عالية وطبعا بتعوم .
http://www.postimage.org/Pq2tF8jS.jpg
الف شكر يابو فارس..اقتباس:
المشاركة الأصلية كتبت بواسطة esamghanayem
انت سعاتك جيبت الوصف بالظبط..
السبب ان ورقة السوستة الخلفية مقوسة وليست بالميل الصحيح لها وده بيتم عن طريق الطرق و الدق عليها وبيلجا البعض للعملية دى لتعلية العربية اعتقدا منهم انها واطية وطبعا ده غلط علي القنطرة الخلفية والمثبت بها السوستة نظرا لانها بقت ناشفة وطبعا هاتخلي العربية بتدب ونشفة من ورا وبتعمل تقوس في العجلات الخلفية وتخلي العربية مش ثابتة وتاكل كاوتش لان ارتفاعها اصبح مش طبيعي ويا سلام بقا وانت راجع مارشدير
حل الموضوع ده انك تروح عند العفشجي ويفك السوستة اللي ورا ويدق عليها ويخليها علي طبيعتها هتلاقي الدنيا اتظبطت
يا حبيب قلبى يا غالى .......اقتباس:
المشاركة الأصلية كتبت بواسطة disha_2020
انا جاوبتك قبل كدة .....وقولتلك الحل.....
انت هاتروح لبتاع السوست .....مش عفشجى .....تروح لبتاع سوست .....وتقولة عايز احط 3صوابع ما بين الرفرف والكاوتش ......وهو هايفهم الباقى .....
وبعدين تروح تظبط زوايا ورا......وتدعيلى ......واستمتع بالثبات .....
ودة اللينك اللى قولتلك فيه على كل الحلول.....
http://www.nilemotors.net/Nile/showt...167#post777167
على فكرة ....موضوع انك تحط 3 صوابع بس دة انا عاملة فى عربيتى لانى بحب العربية واطية .....
لكن انت ممكن تقولة 4 صوابع.....