اثناء زبط الزوايا كانت امامى اوبترا بتظبط زوايا وكانت مرفوعة فى البنزينة ونظرت على العفشة بتاعتها وجدتها مثل عفشة النوبيرا المقصات شبيه بمقصات النوبيرا
وسالت الفنى هى عفشة الاوبترا نفس عفشة النوبيرا فاجاب بانها هى هى مفيهاش تعديل
عرض للطباعة
اثناء زبط الزوايا كانت امامى اوبترا بتظبط زوايا وكانت مرفوعة فى البنزينة ونظرت على العفشة بتاعتها وجدتها مثل عفشة النوبيرا المقصات شبيه بمقصات النوبيرا
وسالت الفنى هى عفشة الاوبترا نفس عفشة النوبيرا فاجاب بانها هى هى مفيهاش تعديل
انت بتسال لوا بتقول لينا؟؟
لو بتسال يبقى فعلا العفشة و الموتور و الفتيس بتوع النوبيرا هما هما بتوع الاوبترا
MMamdouh
أوبترا =نوبيرا3..........................
انا معايا نوبيرا و كنت مره عند عفشجى و سالته عن عفشة الاوبترا قلى ان فيه تشابه و لاكن ما يركبوش على بعض و انه فى مره جاب مساعدين الاوبترا و كانو شبه بتوع النوبيرا جدا لاكن مكان المسامير كانو مختلفين و مركبوش و كاوتشات المقصات مختلفه عن بتاعتنا و مافيهاش المشكله الى عندنا
سؤالى لماذا يشكروا فى الاوبترا عن النوبيرا طالما العفشة هى هى والموتور هوهو ولا احنا فى مصر بنجرى ورا الاشاعات انا كنت متخيل ان الاوبترا مختلفة تماما عن النوبيرا كما كنت اسمع
ام ان الفرق ممكن يكون فى العزل لان سمعت ان صوت موتورها اهدا شوية من النوبيرا
انا اول مرة اسمع الكلام دة..دى ليها مميزات ودى ليها مميزات يعنى النوبيرا اوسع واكبر مثلا...الاوبترا انعم ..شكمان الاوبترا صوتو واطى..النوبيارا اعلى..الثبات لصالح النوبيرا لانها اوطى...الاوبترا تابلوها اشيك شوية من النوبيرا
محدش بيشكر حاجة على حساب حاجة :w6266d
انا اللى اعرفة ان العربيتين من الناحية الميكانيكية واحد
و بالنسبة للفرق فى المقصات فا دة انا اعرف انة فى مقص الافيو مقارنة بمقص اللانوس و النوبيرا... مقص الافيو خليط بين الاتنين اما مقصات الاوبترا فا معتقدش انه مختلف الا انى مش واثق 100%
عموما انا ليا زميل فى الشغل معاه اوبترا... حبقى ابص عليها زى الناس و اقولكم لو فيه فروق
MMamdouh
وش السلندر مختلف والصبابات مختلفة برده يا استاذ محمد
بس باقى الماتور واحد
انت فكيت الوش او شوفتة مفكوك؟
انا مفكيتش حاجة من الموتور بس اللى ظاهر كدة من برة انها نفس المكنة الAMD اللى بتنزل للعربات الدايو
ياريت لو عندك معلومات اكتر عن الفروق المذكورة تقولها لينالتعميم الفائدة
MMamdouh
كنت عند واحد اسمه ربيع دايو و كانت عنده اوبترا و سالته عليها
قالى العربيه اللى حد كبير جدا جدا شبيه بالنوبيرا لكن الاخامات اللى متصنع منها اللاوبترا افضل بكثير و منها ايضا خامات الموتور
قالى انه عمر موتور اوبترا و كانت خاماته انضف بكتير من النوبيرا بصراحه كلامه مش داخل دماغى بس حبيت اقولكوا عللى اعرفه
انا بصيت على الاوبترا بتاعت صاحبى ووجدت الاتى:
نظام البطاحات فى الاوبترا مختلف تماما عن النوبيرا
المقصات فى الاوبترا اشبة بمقصات الافيو و بالتالى مش حتعانى من مشاكل الجلب بتاعت النوبيرا
السيرفو و م استر الفرامل مختلفين عن النوبيرا
انا معرفتش ابص زى الناس على وش السلندر لكن بالنظر كدة مش باين اى فروق بينة و بين النوبيرا
عفشة ورا مش شايف فيها اى اختلاف
MMamdouh
صاحبى جابت معاه وش سلندر السنة اللى فاتت
والسبب ان لما القربة باظت راح جاب قربة صينى ب 60 جنيه
المهم القربة مكملتش اسبوع وضربت منه وهوا ماشى والعربية سخنت وجابت وش منه
طبعا حلينا الوش على انه نوبيرا
بس كانت المفأجاة لما الخراط قال الاوبترا مختلفة عن النوبيرا
وفعلا تأكدنا لما نزلنا نجيب طقم صباب الاوبترا من عند اطلس بصلاح الدين عندنا
قالنا فعلا مختلفة الصبابات وجوان الوش كمان
اشتريناهم ب 1000 جنيه وقتها gm اصلى
ومن بعدها بقيت متابع سعر الصبابات بتاعة الاوبترا
دلوقتى فى منها صينى عامل 400 جنيه
ده اقل سعر ليها تقريبا
نسيت اقول كمان القربة الاصلى جبناها بعد كده
وكانت عاملة 120 جنيه زى بتاعة الفبريكة
اذا الاوبترا مش نسخة طبق الاصل من النوبيرا زى ما كنت فاكر... و طلع فيه اختلافات فى مكونات كتير
العلم نورون :ma:
MMamdouh
المقصات مختلفة شوية لأن جلبة المقص بتاعة الأوبترا رأسية مش نايمة زى بتاعة النوبيرا و ده بيخليها تستحمل أكتر و ع العموم عفشة الأوبترا مش أحسن من النوبيرا لأن مساعدين الأوبترا ناشفة أوى وبتخليها تدب أوى فى المطبات وع العموم العربيتين زى بعض بس الفرق ان الأوبترا أحدث ف الصناعة
كنت عايز اعرف النوبيرا 3 من موديل سنة كام؟