تركيب انذار للانوس S

**swimmer25** · 19-04-2009 11:10 AM

يوم الخميس روحت التوفيقية عشان اسال علي انذار

* لاقيت نوعين من الانذار(ملفتش كتير)
1- سيمفوني تايواني ب 195 جنيه بريموت مفتاح (بلوجو اي عربية) مع ضمان مش فاكر قد ايه
2- وولف تجميع مصري ب 185 تقريبا بكل اشكال الريموت (ميدالية او مفتاح) مع ضمان بردو تقريبا 3 سنوات (معلش ذاكرتي ضعيفة شوية وكمان كنت بسال علي كذا حاجة) بس خامته وحشة

سالت الراجل ان العربية دايو لانوس بسنتر الفبريكة قالي يبقي مش محتاج سنتر والانذار هيركب علي نفس سنتر العربية بس هيحتاج صباع سنتر زيادة

مش فاهم يعني ايه ؟
وهل كلامه صح ومش هحتاج اغير سنتر الفبريكة ؟
واي نوع من النوعين احسن ولا فيه نوع تاني ؟

* انا سالت كمان علي فرش للسيارة ولاقيت اللي نص جلد ونص قماش ب 170 وفيه نوع ب 250 (وده الزيادة فيه بطانة زيادة في الظهرزي عامودين سفنج كده)

* وسالت علي غطاء للانوس ولاقيت فيه قماش ب 50 - 70 (بس ملقتش قماش مقطن - يعني ناحية قماش والناحية التانية (الداخلية) مقطن ناعم عشان التجريح - كنت شاريه لل 128 من سنتين بس اتسرق )
ولاقيت الووتر بروف ب 120

المعلومات دي للافادة لاني كمان هنزل تاني ان شاء الله اشتري الانذار

اي نصائح ؟

**swimmer25** · 19-04-2009 01:26 PM

المشاركة الأصلية كتبت بواسطة SE_coralsea

هات "السيمفوني" حلو أنا مركبه في العربية عندي , و مافيش منه مشاكل بقاله أكتر من سنة و كمان مميزاته كتير خاصة في موضوع الانذار و الحماية

شكرا يا ا/سمير علي ردك
بس حضرتك غيرت السنتر ولا الصنايعي ركبو علي نفس سنتر الفبريكة

**ahmed_hassieb** · 19-04-2009 08:17 PM

المشاركة الأصلية كتبت بواسطة mohammedfat80

السيمفونى حلو وفعلاً لازم تركب صباع سنتر تانى بس نصيحة لو لسه بتعمل صيانة فى التوكيل ركبه عند كلاريون اللى فى شارع النزهة أو أى فرع من فروعة عشان ماحدش يقللك الضفيرة وإنت عامله بره و جوه والكلام الفاضى ده لأنهم برضه هما أصحاب ضمان الكاسيت الأصلى.
الغطاء الووتر برووف طبعاً أحسن بكتيييير بس برضه هيتسرق أو هيخدله موس و يتشرح أنا عن نفسى بطلت أجييب غطيان و كبرت دماغى من اللى بيحصل لبوية العربية.

فين بالضبط كلاريون اللى فى شارع النزهة ..