أخوانى الكرام
أفيو مانيوال كوري = استهلاك بنزين عالى! أعمل ايه؟
دى بتعمل معايا 160 فى الصفيحة داخل البلد , زيها زي هونداى اكسل 1500 سي سي مو 97
ايه رأيكم لحسن الحكاية دى مضايقانى
و شكرا
عرض للطباعة
أخوانى الكرام
أفيو مانيوال كوري = استهلاك بنزين عالى! أعمل ايه؟
دى بتعمل معايا 160 فى الصفيحة داخل البلد , زيها زي هونداى اكسل 1500 سي سي مو 97
ايه رأيكم لحسن الحكاية دى مضايقانى
و شكرا
والله كان الله في عونك
من أكتر الحاجات اللي بتضايق الواحد حكاية استهلاك البنزين دا
بس المفروض تسأل في التوكيل هل الاستهلاك دا هو الطبيعي، ولا ممكن في حاجة عايزة تتظبط ويعملوها
العربية 1500 يعني المفروض استهلاكها يبقى معقول، إلا إذا كانت ماشية على نفس نهج سابقتها اللانوس فعلاً لأن استهلاكها هي كمان عالي
هي العزم بتاعها قليل:
85 HP
أنا من اكتر من سنة و نص أيام ما كنت بأدور على ايه العربية اللى حاجيبها كنت قريت ريفيوهات كتير عن الأفيو على مواقع كتير و كانت الشكوى العامة منها فعلاً ان استهلاك البنزين عالى
الافيو فيها نفس موتور اللانوس يعنى نفس الManagment و بالتالى اكيد بتستهلك بنزين زيادة
برضة دا بيرجع لستايل سواقتك اذا كانت رجلك تقيلة على البنزين و بتجرى كتير ولا لا
MMamdouh
معلش انا معايا صنى 2007 مانيوال واستهلاكها عالى جدا تقريبا كل العربيات الحديثة كده محدش مبسوط من استهلاك البنزين فى عربيته مع اختلاف الانواع
ما عدا اللانسر؟! سمعت انها بتشم البنزين بس :)اقتباس:
المشاركة الأصلية كتبت بواسطة mohaismail
و بعدين ازاى عربية حديثة ويكون بنزينها كده؟ فين ال تكنولوجى؟ و لا ده خاص فى مصر بس؟ :oops:
أخوانى
كتالوج أفيو بيقول 8.79 لتر / 100 كيلو !!
معايا عاملة 13.3 لتر / 100 كيلو !!
يعنى 34% استهلاك زيادة
والعجيب التوكيل بيقول عادى!!
ايه رايكم
كلام الكتالوج يعبر عن الإستهلاك في أفضل الأحوال المناخية وبأفضل أساليب القيادةاقتباس:
المشاركة الأصلية كتبت بواسطة ARAMIS
ولذلك غالباً بتلاقي الإستهلاك الواقعي أعلى منه
ولابد تلاحظ إن الكتالوج بيعطيك معدلين لإستهلاك البنزين (داخل المدينة & على الطرق السريعة)
لو أعطاك الكتالوج معدل إستهلاك واحد يبقى متوسط بينهم أو يبقى خاص بالطرق السريعة
لكن حضرتك بتقول الكتالوج قال 250 كيلو\الصفيحة (أكيد على طرق السفر الطوالي)
والواقع عندك 160 كيلو \الصفيحة (أكيد داخل المدينة)
جايز الفرق هو نتيجة القيادة داخل المدينة (إحتمال كبير)
وقد يكون أحد السنسور في دورة البنزين بايظ (إحتمال ضعيف بلاش منه)
رأيي لو جاتلك سفرية إحسب إستهلاك البنزين في الطوالي
(فول التانك للآخر وصفر عداد الرحلات وسافر وعند الوصول فول التانك للآخر وإقسم قراءة عداد الرحلات على ليترات التفويلة التانية تعطيك معدل إستهلاكك في الطوالي)
لو كان كويس أو معقول متفكرش فيه تاني وإستمتع بعربيتك ومتضايقش نفسك
لو لا قدر الله كان زايد جامد يبقى فيه حاجة غلط في دورة البنزين أو الكهرباء يبقى تكشف عليهم
لاء طبعا الانسر استهلاكها مش واطي كدة اعتقد انه عالي وعالي قوي في الاتوملتيكاقتباس:
المشاركة الأصلية كتبت بواسطة ARAMIS
الكرولا هيا اللي ما شاء الله
1300 بالتكييف معدية 300 في الصفيحة جوة البلد
+1اقتباس:
رأيي لو جاتلك سفرية إحسب إستهلاك البنزين في الطوالي
(فول التانك للآخر وصفر عداد الرحلات وسافر وعند الوصول فول التانك للآخر وإقسم قراءة عداد الرحلات على ليترات التفويلة التانية تعطيك معدل إستهلاكك في الطوالي)
لو كان كويس أو معقول متفكرش فيه تاني وإستمتع بعربيتك ومتضايقش نفسك
مع واحد صاحبى فيرنا أوتوماتيك 1600 بتعمل معاه 14لتر/100كم جوه البلد و كان متضايق جدا من الموضوع ده
المهم راح التوكيل و قالوله طبيعى و عادى و الكلام ده لكنه أصر إن إستهلاك العربية مش طبيعي كده فطلع معاه مهندس الصيانة و فل العربية من بنزينة المطار عندنا فى إسكندرية و و صفر العداد و مشوا 50 كم على الطريق الدولى الساحلى و رجعوا على البنزينة تانى و طبعا التكييف off ,و السرعة 90 كم و المعاملة آخر رقة و شياكة لدواسة البنزين --------أعتقد إن النتيجة متوقعة -----
فول 6 لتر فقط لل100 كم ( مع إن الكتالوج بيقول 6.9 للطرق السريعة)
من بعدها عمل بنصيحة الـ م/أحمد (متفكرش فيه تاني وإستمتع بعربيتك ومتضايقش نفسك ) :mrgreen: :lol:
ما تزعلش نفسك
ده استهلاك عادي في العربيات دي
انا معايا اوبترا في قطر و استهلاكها زي ما الكتالوج بيقول
بتعمل 100 كيلو بحوالي 9 لتر مع المكيف بس سواقتي بسرعات منتظمه يعني 100 مستمره لمده ربع ساعه مثلا
و الطرق هنا فاضيه و مفيش وقوف في الاشاره اكتر من 40 ثانيه و هكذت
نزلت بيها مصر الصيف اللي فات و حطيت انظف بنزين 95 و ده لتره ب 175 قرش و العربيه عملت معايا لكل 100 كيلو جوه البلد 15 لتر يعني استهبال و هي هي نفس العربيه بس اللي اتغير البنزين و الزحمه
و اتضايقت جدا من الاستهلاك العالي
و لما رجعت قطر عايرتها تاني لقيت استهلاكها زي ما قولتلك في الأول فل الفل
فموضوع الكتالوج ده زي ما الإخوه تفضلوا و قالو بيكون متعاير على سرعات ثابته 90 - 100 لمسافه 100 كيلو طوالي في الظروف المثلى ( بدون توقف - اشارات - ازدحام - تكييف - الخ - الخ - الخ )
ممكن اعرف عربية حضرتك 1600 ولا 1800 سى سى و اذا كان بينزل منها عندكم الموديلين و لا واحد بساقتباس:
ما تزعلش نفسك
ده استهلاك عادي في العربيات دي
انا معايا اوبترا في قطر و استهلاكها زي ما الكتالوج بيقول
بتعمل 100 كيلو بحوالي 9 لتر مع المكيف بس سواقتي بسرعات منتظمه يعني 100 مستمره لمده ربع ساعه مثلا
و الطرق هنا فاضيه و مفيش وقوف في الاشاره اكتر من 40 ثانيه و هكذت
نزلت بيها مصر الصيف اللي فات و حطيت انظف بنزين 95 و ده لتره ب 175 قرش و العربيه عملت معايا لكل 100 كيلو جوه البلد 15 لتر يعني استهبال و هي هي نفس العربيه بس اللي اتغير البنزين و الزحمه
و اتضايقت جدا من الاستهلاك العالي
و لما رجعت قطر عايرتها تاني لقيت استهلاكها زي ما قولتلك في الأول فل الفل
فموضوع الكتالوج ده زي ما الإخوه تفضلوا و قالو بيكون متعاير على سرعات ثابته 90 - 100 لمسافه 100 كيلو طوالي في الظروف المثلى ( بدون توقف - اشارات - ازدحام - تكييف - الخ - الخ - الخ )
نزل منها ال 1600 و ال 1800 بالشكلين الواجن و السيدان سنه 2006 بس موديلات 2007 و 2008 اللي لسه نازله من شهر كلها 1600 و منزلوش الواجن لانها كانت تقيله في البيع أوي
أما بالنسبه لعربيتي فهي 1600 مانيوال
و على فكره انا شفت العربيه عند المسلمي في الأجازه اللي فاتت شهر 7 و لقيت شويه فروفات بين عربيتي و العربيه اللي بينزلها منصور مثل
1. عربيتي فيه 2 وساده هوائية
2. الفرامل الخلفيه زي الأمامية قرصيه
3. لما تفتح الشنطه تلاقي غطا الشنطه متغطي بفرش زي اللي على الأرضيه ( يعني الصاج متغطي )
4. شكل الدركسيون مختلف ( للأفضل ) ( بسبب وجود الوسادات الهوائية )
5. الجنوط 15 و الكاوتش 195 على 55
6. الحليه في التابلوه و الأبواب سوداء مش شبه اليي عند منصور
7. الكاسيت اليكتروني و وشه بيتخلع و يشغل جزء من المساحة في الكنسول و تحته درج فاضي ممكن يتخلع و يتركب فيه حاجه تانيه
فيه جاجات عندي بس مش عارف بقى دي موجوده في العربية عندكو و لا لا و دي بقى لو ممكن تقوللي عليها مثل
1. عندي امبولايزر ( العربيه مش بتدور غير بمفتاحها ) و المفتاح المصطنع ما بيدورهاش
2. سخان للمرايات الجانبية .
3. محول نواتج الاحتراق .
اللى فى مصر كده برده نفس نظام الاسترا الجديده بردهاقتباس:
الفرامل الخلفيه زي الأمامية قرصيه
قولت لناس هنا فى المنتدى انها بتنزل بره بجنوط 15 ما كنوش مصدقنى الحمد الله انك اكدتلى المعلومة ديهاقتباس:
الجنوط 15 و الكاوتش 195 على 55
ما هى اللى فى مصر بحلية سوداء يارييت لو كنت حضرتك فاضى تصورلى اللى عند حضرتكاقتباس:
الحليه في التابلوه و الأبواب سوداء مش شبه اليي عند منصور
اللى عند حضرتك ده مش الاصلى الاصلى اللى بينزل مع العربية بيبقى اخد مساحة الخانتين و مش الكترونىاقتباس:
الكاسيت اليكتروني و وشه بيتخلع و يشغل جزء من المساحة في الكنسول و تحته درج فاضي ممكن يتخلع و يتركب فيه حاجه تانيه
بص يا باشا انا الصراحة مش عارف بس لاحظت حاجة انى لما بقفل العربية بالريموت و اجى افتحها بالمفتاح الاصلى التانى اللى مافيهوش ريموت بتفتح معايا عادى خالص فمش عارف اذا كان ده بيدل ان فيها ايموبلايزر و لا لأاقتباس:
فيه جاجات عندي بس مش عارف بقى دي موجوده في العربية عندكو و لا لا و دي بقى لو ممكن تقوللي عليها مثل
1. عندي امبولايزر ( العربيه مش بتدور غير بمفتاحها ) و المفتاح المصطنع ما بيدورهاش
لا ديه مش موجوده عندنا احنا عندنا السخان للزجاج الخلفى فقطاقتباس:
سخان للمرايات الجانبية .
معرفش الصراحةاقتباس:
محول نواتج الاحتراق
هو حضرتك ما سألتش اذا نزلتها مصر جماركها هتبقى كام كمان هى عندهم سعرها يعادل كام بالجنيه المصرى
احنا عندنا اى عربية بينزلوها مصر بيجردوها من اى كماليات و الحمد لله :( :( :(
اللي عندي سوداء ساده خالص مطفيه مش لميعاقتباس:
ما هى اللى فى مصر بحلية سوداء يارييت لو كنت حضرتك فاضى تصورلى اللى عند حضرتك
بس اللي شفتها عند المسلمي لميع و فيها زي مايكون حاجه فضي ( بص انا مش عارف اوصفها كويس )
انا هصورلك اللي عندي
هنا مفيش حاجه بتتشال من العربيه و هيه جايه كده من بلدهااقتباس:
اللى عند حضرتك ده مش الاصلى الاصلى اللى بينزل مع العربية بيبقى اخد مساحة الخانتين و مش الكترونى
اللي بيعمل الحركات دي التوكيلات في مصل بيقلعوا العربيه ملط و ياخدو الكماليات بتاعتها و يقولوا لو عايز كذا يبقى بكذا
لو تحب تاخدها يكاوتش ده بقى له سعر تاني و هكذا
لكن الكاسيت اللي عندي طبعا أصلي و هو اللي مرسوم في الكتالوج بتاع العربية
و كمان مرسوم عدد آخر من الكاسيتات منهم اللي نازل في العربيع عندكو
و دي تشكيله من الكاسيتات و كل واحد طبعا له سعره
و كلهم موجودين عندي في كتالوج عربيتي مش عارف الكتالوج عندكو فيه كل التشكيله ولا لأ
( طبعا كل موديل كاسيت له سعره ؟؟ )و أكيد اللي نازل عند منصور هو أرخص واحد
( اذا كانوا استخسروا فرش غطاء الشنطه الداخلي )
بالنسبه للجمارك انا طبعا سألت لأني هنزلها السنه اللي جايه
هيه هنا ب 60 الف حنيه مصري و جماركها بعد خصم نسبه 15 % استعمال سنتين هتكون 35 الف جنيه مصري
يعني هتقف ب 95 الف جنيه مصري
لو عايز تتأكد من موضوع الأيمبولايزر روح عند بتاع المفاتيح و خليه يعملك نسخه
و حاول تدور العربيه لو دارت يبقى مفيهاش ايمبولايزر
و لو المارش اشتغل بس الموتور مابييقومش يبقى فيها
عندك حق بس اللى فى الكاتالوك عندنا 3 انواع من الكاسيتات واحد اللى راكب فى العربية عندنا و واحد اللى فيه 6 او 5 سى دى مش فاكر بالضبط و واحد تانى اللى فيه مكان لسى دى واحد بساقتباس:
هنا مفيش حاجه بتتشال من العربيه و هيه جايه كده من بلدها
اللي بيعمل الحركات دي التوكيلات في مصل بيقلعوا العربيه ملط و ياخدو الكماليات بتاعتها و يقولوا لو عايز كذا يبقى بكذا
لو تحب تاخدها يكاوتش ده بقى له سعر تاني و هكذا
لكن الكاسيت اللي عندي طبعا أصلي و هو اللي مرسوم في الكتالوج بتاع العربية
و كمان مرسوم عدد آخر من الكاسيتات منهم اللي نازل في العربيع عندكو
و دي تشكيله من الكاسيتات و كل واحد طبعا له سعره
و كلهم موجودين عندي في كتالوج عربيتي مش عارف الكتالوج عندكو فيه كل التشكيله ولا لأ
( طبعا كل موديل كاسيت له سعره ؟؟ )و أكيد اللي نازل عند منصور هو أرخص واحد
( اذا كانوا استخسروا فرش غطاء الشنطه الداخلي )
على فكرة كده هتبقى واقفة عليك غالية اوى يعنى هتبقى واقفة ب 101 الف و كسور و ده للمانيوال اللى ثمنها فى مصر 86 الف يعنى فرق 15 الف جنيه ده لو فرضنا انها موديل السنة ديه و جديده
على العموم انا هبقى اجرب حكاية الايموبلايزر و ان شاء الله اقول لحضرتك على النتيجة
+10000000000اقتباس:
المشاركة الأصلية كتبت بواسطة MMamdouh