سؤال او نصيحة بخصوص تركيب الغاز في النوبيرا و اللانوس

**aymanaly2003** · 19-04-2009 02:57 PM

قرأت موضوعات عن تركيب الغاز في السيارات
http://www.nilemotors.net/Nile/showthread.php?t=47732
http://www.nilemotors.net/Nile/showt...0933#post70933
و شاهدت عربيات حديثة كتيرة مركبة غاز هل دا صح للموتور و للعربية عموماً والا هو توفير و اللي توفره تغرمه في مشاكل تانية مترتبة على هذا الغاز

او

الكتابة باللون الاحمر مخصص للادارة فقط... يرجى مراجعة قوانين المنتدى

مشرف القسم

**toshipa** · 19-04-2009 03:21 PM

كنت فكرت فى هذا الموضوع وسالت بعض الاصدقاء والجيران عملوا الموضوع ده ولكن فى ماركات غير الدايو مثلا فى بيجو 504
وكانت اجابتهم بانه
اولا سحب العربيه فى الغاز وحش مش زى البنزين
ثانيا الصبح بيدور ببنزين وبعدين يقلب لغاز
الشنطة تعتبر مساحتها اتبهدلت للحيز اللى بتحجزه اسطوانة الغاز
ثالثا زيادة ثقل على العربية
وكمان قالوا انه بيقصر عمر الموتور ناهيك عن طوابير الت نشاهدها للشحن
وبعدين من وجهة نظرى المتواضعة ان هذا ممكن يصلح لسيارات تكون استهلاكها للبنزين عالى زى 504 وبرغم ذلك اشتكى منه
لاكن الدايو استهلاكه معقول فى البنزين ولا يستدعى تكلف نفسك

**want_better** · 20-04-2009 04:12 PM

السلام عليكم ورحمة الله وبركاته
أنا من أنصار التحويل للغاز
وموضوع الموتور ياريت ناخد كلام محدد مش بالوايم أو تناقل الكلام كده وخلاص
عايز رأي خدلك مشوارين تلاتة مع بتوع تاكسي مختلفين واسألهم
أما بخصوص السحب أظن الموضوع ده مايفرقش كتير أو بيفرق مع اللى بيسابق مش مع اللى بيمشي مشاوير ويقضي مصالح
اما بخصوص الشنطة فالاسطوانة مش بالحجم الضخم ده وممكن تشوفها في أي عربية مركبة وبعدين احنا مش كل يوم بنحط حاجات في الشنطة
اخيرا استخير طبعا قبل ماتركب وذلك بعد ماتخد كل الاستشارات وتجمع كل الاراء
وفقنا الله وإياك للخير والرشاد

**Samir Elshahawy** · 20-04-2009 07:32 PM

المشاركة الأصلية كتبت بواسطة want_better

السلام عليكم ورحمة الله وبركاته
أنا من أنصار التحويل للغاز
وموضوع الموتور ياريت ناخد كلام محدد مش بالوايم أو تناقل الكلام كده وخلاص
عايز رأي خدلك مشوارين تلاتة مع بتوع تاكسي مختلفين واسألهم
أما بخصوص السحب أظن الموضوع ده مايفرقش كتير أو بيفرق مع اللى بيسابق مش مع اللى بيمشي مشاوير ويقضي مصالح
اما بخصوص الشنطة فالاسطوانة مش بالحجم الضخم ده وممكن تشوفها في أي عربية مركبة وبعدين احنا مش كل يوم بنحط حاجات في الشنطة
اخيرا استخير طبعا قبل ماتركب وذلك بعد ماتخد كل الاستشارات وتجمع كل الاراء
وفقنا الله وإياك للخير والرشاد

انا هأرد في نقطة واحدة فقط لأن هي التي تعنيني ألا وهي العمر الافتراضي لأجزاء الموتور و الاثار الجانبية للغاز و الكلام ده من كذا تاكسي ركبت معاه و كان محول غاز و عربيات مختلفة (بيجو - دوجان - رينو) , كلهم أجمعوا علي أن الغاز أشد و النتيجة قصر الفترات التي مابين عمرات المواتير بل أن بعضهم أكد لي سرعة تأكل الشنابر مما يؤدي الي عمل عمرات أكثر و بالتالي ماتم توفيره من أستهلاك للبنزين أكلته العمرات المبكرة

نقطة أخري و هي أن بعض صانعي السيارات يصممون محركات تعمل بالجاز فلماذا لم يصمموا محركات تعمل بالغاز لهذه السيارات ؟؟؟

**Abdo_Eldesokey** · 20-04-2009 10:45 PM

أنا ركبت تاكسي فيرنا من كام يوم محول غاز

أنا اتصدمت من سحب العربية ، السيات تطلع منها

إلى جانب إن صوت الموتور صعب عليا بجد ... مع الشد تحس بترزيع جامد

وطبعا ً كل ده والعربية موديل 2008

دي مجرد رؤية شخصية بعيدا ً عن أي كلام علمي

**toshipa** · 21-04-2009 01:10 AM

المشاركة الأصلية كتبت بواسطة want_better

السلام عليكم ورحمة الله وبركاته
أنا من أنصار التحويل للغاز
وموضوع الموتور ياريت ناخد كلام محدد مش بالوايم أو تناقل الكلام كده وخلاص
عايز رأي خدلك مشوارين تلاتة مع بتوع تاكسي مختلفين واسألهم
أما بخصوص السحب أظن الموضوع ده مايفرقش كتير أو بيفرق مع اللى بيسابق مش مع اللى بيمشي مشاوير ويقضي مصالح
اما بخصوص الشنطة فالاسطوانة مش بالحجم الضخم ده وممكن تشوفها في أي عربية مركبة وبعدين احنا مش كل يوم بنحط حاجات في الشنطة
اخيرا استخير طبعا قبل ماتركب وذلك بعد ماتخد كل الاستشارات وتجمع كل الاراء
وفقنا الله وإياك للخير والرشاد

انا قلت انى سألت الاصدقاء والجيران اللى حولوا لغاز وهم نفسهم نصحونى بعدم التحويل لكن انا ماجربتش الغاز
والاخوة قاموا بالواجب بالرد من حيث(1) تقصير عمر المحرك (2) السحب وماقصدش فى السحب ان العربية مش هاتمشى ولكن اللى متعود على سحب عربيته وييجى يحول لغاز هيقرف منها (3) الاخ الفاضل اللى سأل هو عربيته ملاكى مش تاكسى يعنى فى مشيه مش هيعوض الخسائر اللى ذكرها الاخوة
وزى ماذكرت ان جارى كان معه 504 وماكنش مبسوط من الغاز وحاسس بالندم ونصحنى والدايو ماتسهلكش بنزين زى 504
والاخ السائل له مطلق الحريه فى التحويل لعاز من عدمه بس بعد مايجمع الاراء