حاسس ان الموتور قاعد معايا فى العربيه

**angel_man100** · 19-04-2009 03:37 PM

السلام عليكم اولا
انا مشكلتى ان حاسس ان صوت الموتور داخل عندى فى العربيه مش مكتوم كده زى العربيات التانيه ومع العلم انا عندى عمه على الكربراتير والموتور زى الفل وبيدور من اول مره والكربراتير لسه جايب واحد جديد زيرو مش عارف اعمل ايه وفى عندى رعشه بسيطه كده وانا مدور العربيه وواقف بيها وانا مغير طقم الكهرباء بأكمله يعنى طقم الكهرباء سليم قولولى ايه المشكله ربنا يخليكو

**tmedhat** · 19-04-2009 03:44 PM

هههههههههههههههههههههه
عجبنى قوى التعبير دة
بص يا سيدى
لو الموتور قاعد على يمينك غير القواعد و الشدادة
اما بقى لوالموتور قاعد على الكنبة اللى روا
غير لة بردة القواعد و الشدادة
وربنا يقويك علية

**angel_man100** · 19-04-2009 04:46 PM

بجد ياجماعه شفولى حل عشان صوت الموتور عالى

**KIA_SEPHIA_2001_K** · 19-04-2009 05:03 PM

جرب عوازل صوت

**myr999** · 19-04-2009 05:24 PM

سد الشكمان من ورا لو العربية فضلت دايرة يبقى فية تنفيس لو طفت يبقى دورة العادم سليمة اما فى حالة التنفيس روح لحد بتاع شكمان يركبلك جوانات تحياتى

**angel_man100** · 19-04-2009 06:07 PM

عندى الشكمان تمام لسه مغيره من اوله لأخره بواحد جديد وأيه عوازل الصوت دى

**swimmer25** · 19-04-2009 10:07 PM

عوازل الصوت دي عبارة عن طبقة عازل بتكون موجود خلف التابلوه عشان تعزل صوت وحرارة الموتور والشكمان عن كابينة السائق
لو فيه جزء مش متغطي كويس بالعازل ده يبقي هيدخلك حرارة وصوت جوا العربية
ودي بتبقي نوعين:
1- عازل حراري زي الفلين كده بيبقي من ناحية ابيض والناحية التانية فضي عاكس للحرارة
2- اللبات وده بيبقي عبارة عن طبقة زي السفنج المضغوط تقريبا يعني وعليها طبقة بلاك ودي اللي بتنزل بيها العربية وهي اغلي من النوع الاول

شوف كده لو بيدخلك حرارة الموتور جوا العربية يبقي عزل الصالون عن الموتور مش كويس وروح لسروجي عشان يزودلك العزل ويسدلك الاماكن المفتوحة ورا التابلوه

اما بالنسبة لموضوع الرعشة خلي ميكانيكي يكشفلك عليها جاية منين
ممكن فعلا تكون قواعد الموتور اتهرت عشان بتبقي كاوتش او بردو ممكن يكون الشداد وهو عبارة عن ماسورة حديد بتركب في جسم العربية ومفصولة عن العربية بكاوتشة ودي بتبقي تحت مكان الاستبن زي زراع ماسك الموتور في جسم العربية
لو شايف ان الكاوتشة نشفت او الزراع ده بقي متني زيادة عن اللزوم يبقي لازم تتغير (لازم ميكانيكي يشوفهم)

**swimmer25** · 19-04-2009 10:12 PM

خلي بالك اللبات ده مش بيبقي وراالتابلوه بس ده بيبقي في الدواسات كمان
بردو بص عليه

الموضوع: حاسس ان الموتور قاعد معايا فى العربيه

LinkBack

أدوات الموضوع

عرض

حاسس ان الموتور قاعد معايا فى العربيه - انشر الموضوع فى :

-

-

-

-

-

المواضيع المتشابهه

حاسس ان العربيه خشنه

حاسس بسخونيه جوه العربيه

قاعد فى العربيه وكأني بره بالظبط !!

العربيه بترعش و حاسس انها بتنط

حاسس ان العربيه عاليه

الكلمات الدلالية لهذا الموضوع

المفضلات

المفضلات

ضوابط المشاركة