المشاركة الأصلية كتبت بواسطة abou_ruqi
بص يا سيدي الأكل حيكون الآتي :
أولا الشوربات
عندنا شوربة طماطم و شوربة كريمة وشوربة جمبري بالجندوفلي
وبعدين حينزل السي فود
كلماري محشي جمبري نطاط,وبعدين جمبري قزاز بالخلطة, وجمبري جامبو مشوي على الجريل
وشوية استاكوزا تصدير ومحار على كل لون بلح بحر و جندوفلي للإسكندرانية علشان عارفين إيه ده , وأم الخلول للمصاروة اللي مش حتبقى فارقه معاهم
وبعدين الأسماك , حنجيب وقار حر 111 ترانشات فيليه مقليه علشان اللي مابيعرفش يقشر سمك و الشوك بيقف في زوره
وحنجيب قاروص (أصلي مش لوط) حنعمله سنجاري تورته -مش سنجاري مقفول علشان بحب السمك ناشف.-
وحنجيب دنيس (أصلي مش شراغيش) حنشويه بالزيت و اللمون
وبعدين حنجيب باربون حجر ( طبعا اللي ميعرفهوش حيصتغره و حيفتكرنا مسترخصين) حنعمله مقلي طبعا
وقبل ما نرمي الزيت بتاع الوقار و الباربون حنقلي شوية سافوليا (سمك موسى)
اللي بيحب السمك المستورد حنجيب سلمون نرويجي معمول بالمسطردة وعسل النحل لزوم الوجاهة الجامدة
المهم إن الأخوة غير الإسكندرانية يروحوا مفسفرين وما يحتاجوش يولعوا الزينون وهم مروحين كفاية النور اللي حيبقى طالع منهم
ده السمك و بكره أحكيلك عن اللحوم و الطيور وحنجيب جرجير و خس للأخوة النباتيين عفاهم الله
أي خدمة
كفاية كده وألا أعملك حاجة تانية ؟
:rolleyes2::rolleyes2::rolleyes2: