باشا انا فى انتظارك بس نفسي اعرف حاجه انت جيت عيد ميلاد المنتدى ولا لأ يعنى انا شوفتك ولا لأ
قلبي حاسس ان المقابله الجايه هايكون فيها عدد اكبر من اللى فاتت يا شباب
v ربنا يسهل يا مايكل
بس عاوزين بجد مش مجرد تعارف وبس عاوزين منافسات الطاوله كورة دومينو اى حاجة ف اى حاجة هههههههههههه
اجيب شيشتى معايا ولا عندكوا عدد كفايه ؟؟ ههههههه
طب يا جماعة مكنش ينفع المقابلة تبقى فشهر 6 بعد الامتحانات واللى برة مصر يكون نزل ويقدر يجى
يا اخوانا مش هنوصيكم على الشيش والطاولة
تحبوا اجيب معسل معايا اد ايه؟
ياباشا والله انت تنور مقابلاتنا .. بس انا عايز اوضح لحضرتك نقطة .. ان الحمد لله مقابلاتنا مستمرة بشكل دائم
يعني من وقت لاخر بنعمل مقابلة لاعضاء المنتدى سواء مقابلات محلية او مقابلات عامة او مناسبات وهكذا
وربنا يديم المعروف والحب والخير بين اعضاء المنتدى ونظل في مقابلات دائمة مدى الحياة
وان شاء الله بعد الانتهاء من مقابلة شهر مايو باءذن الله هيكون في راحة حوالي شهر وذلك نظرة لفترة الامتحانات وهكذا .. ومن بعدها سيتم اعداد المقابلة التالية باءذن الله
ربنا يوفق الجميع
يا جماعة بجد مش عارف اقولكم اية ولا اية على ذوقكم وروحكم الجميلة والف شكر للاخ العزيز محمد والاخ الغالى مايكل وتيمو وجميع الاعضاء الاعزاء ..الف شكر على ذوقكم وروحكم الحلوة وبجد اد اية كان نفسى اكون فمصر الشهر الجاى عشان اشوفكو واقابلكو واتعرف عليكو لكن معلش ملحوقة ان شاء الله وربنا يجمعنا على خير
محمد بيك عبد الرحمن:-
إن شاء الله نسعد بمعرفتك!
محمد بيك شنورى:-
انت فين؟
طمنا عليك!!!
عندى احساس انك رميت الحمل على محمد بيك عبد الرحمن!!!
بصراحه حقك تريح شويه بعد مجهود تنظيم المقابله اللى فاتت والمقابله دى!
مايكل بيك ساهر:-
وحشتنا خفه دمك!
متنساش الكاميرا الشقيه بتاعتك ويارب تصورنى المره دى مش من ظهرى!
حبيبي اشرف بيك
طبعا انا منكرش ان ظهور محمد بيك عبد الرحمن مريحني نفسيا كتييييييييييييييير
لان هو استاذي في تنظيم المقابلات
وانا موجود والله بس النت عندي كان مفصول امبارح ومحمد عبد الرحمن
كان قاعد معايا منورني
كمان هو حد يعرفكم ويرتاح ههههههههههههههههههههههه
كلامكم الحلو يا اشرف باشا بيريح من اي مجهود او تعب
وانا موجود يا باشا لا تقلق وكله تحت السيطره
اشرف باشا:
والله انا كمان هتشرف بمعرفة حضرتك وان شاء اله تكون معرفة خير
والله يا اشرف محمد الشنوري بالنسبة لي اكتر من اخ لدرجة اني منفعش افوت يوم ولا اتنين من غير ما اشوفه .. وبجد انا وهو واحد وكل جلساتنا بتبقى في تنظيم المقابلة ربنا يقدرنا ونقدر نعمل مقابلة حلوة تليق بيكم
وبجد انا حسيت اني قصرت كتير لما مشاركتكش شنوري في مقابلة عيد الميلاد وانا عارف هو اد ايه تعب واحنا كلنا طبعا مقدرين مجهوداته ..... لكن والله كان غصب عني واكيد شنوري عارف
حد يطمنا على ابوزيد باشا
لانوا وحشنى وقلقان عليه
الله ينُور يا رجالة
ان شاء الله حتبقى مقابلة جامده
شدو حيلكم وفى انتظاركم
الكاميره جاهزه وإن شاء الله هانصور كل واحد مع عربيته ومع عربيات الناس كلها كمان ومش هاننسي حد، ويارب الاقى حد يصورني انا كمان
السلام عليكم انا علي فكرة مبسوط من الروح الحلوة دي ويا رب تستمر والناس حلوه كلها
ازيكم يا شباب اية التجمع السرى دة :)
معلش اصلى مشوفتش الموضوع غير انهاردة ::
بما ان الدعوة عامة ومن جميع انحاء المحروسة
فانا ممكن اكون سفير طنطا فى المقابلة.
بس تكون المقابلة يوم 22/5 مش 8/5 بعد اذنكواعلشان انا بجدد العربية ومش حعرف اجى من غيرها للاسفولا اجى بيها كدة :)..
http://www.postimage.org/gx7AzZ9-4e4...040ec7fe27.jpg
بس مش عارف بقى حتوصلنى ولا اية لو جيت بيها كدة :B4_048:
هو فيه إيه
هو مفيش غير الاسكندرانية يعني
كل شوية يهددونا بمقابلات وعزومات
يا سلام ... ولا يهمنا
احنا بردوا ناس جامدين قوي
ونعرف نتقابل
ونعمل شو أجمل كمان
ولا يهمنا !!!!!!!!
هههههههههههه
شوية هذار كدة على خفيف
دايما متجمعين في ألف خير
بس بردوا اسمحولنا نغير
واللا إيه يا قاهريين ...:B4_033:
ما احنا بردوا عندنا نيـل:biggrin2:
انا بس لي ملاحظة
لو المقابلة دي تمت يوم 22 مايو
على ما تفكرو في المقابلة الي بعدها مش قبل شهر يعني مثلا على يوم 20 يونيو
وعلى ما تنظمو المقابلة هتكون في اول يوليو وطبعا انتو عارفين المصايف ومفيش ناس تيجي كتير
الغرض يعني احنا لازم نتقابل يوم 8 مايو :biggrin2:
يمكن انا متحيز شوية في تحليلي بس ده علشان انا مستعجل على اول مقابلة لي معاكو :10D5C8~1107:
وبعدين تبقى في اول الشهر يكون الواحد معاه اموال يصرف براحته:dontudear:
بص يا باشا
هو يوم 22 كويس لان لسه فيه ناس حتيجي من بلاد تانيه زي القاهره والاسماعيليه وبورسعيد باذن الله
وفرصه علشان اللي يقدر ياخد اجازه اليوم اللي بعدها ويكمل معانا برضه
بالنسبه لمقابله شهر 6 نظرا لظروف الامتحانات فاكيد حتكون اما في اخر الشهر او حتتاجل للشهر اللي بعده
بالنسبه لموضوع الاموال فمتشغلش بالك بحاجه خالص الموضوع ابسط من ما تتخيل
وبنقول قبلها تكاليف الغداء ومكوناته لانه هو اللي بيكون مبني عليه التكاليف الماديه بتاعه المقابله وكل حاجه بتتقسم علينا
لو سيادتك متابع معانا المواضيع التضيريه للمقابلات حتعرف اكتر قصدي من الكلام
ونتشرف بسيادتك معانا باذن الله ونتمني نكون عند حسن ظنك
نشره اخبار الخامسه والعشرون
جائتنا معلومات مؤكده ان المذكور اعلاه مقدم احمد بيك ابو زيد كان واخد 4 ايام استمرار بس في الشغل مش من النيابه
وبعد الافراج عنه من الجهه اللتي يعمل بها انفرد محمد الشنوري بتقرير خاص وحصري معه لنايل موتورز
حيث تم اجراء مكالمه تليفونيه له علي حسابي ومن رصيدي كلفتني حوالي 60 قرش صاغ بالعمله المصريه فقط لا غير
وترتب علي المكالمه ان الكيبورد الخاص بمعاليه حدث له حادث اليم
علي يد الارهابيين اطفاله الصغار
وجاري البحث عن الجناه وتقدم فروض الولاء والطاعه لهم حتي لا يفعلوا مثل هذه الفعله مره اخري
وعند سؤاله عن مشاريعه لتطوير الكيبورد واستبداله
اجاب انه في انتظار قبض احدي الجمعيات قريبا ولسوف يقوم بدفع قسط اول منها لشراء كيبورد جديد
محدثكم من امام شاشه الكمبيوتر
محمد الشنوري
ههههههههههههههههههه
انا حهرب بره مصر علشان ابوزيد لو شاف الكلمتين دول حييجي يقطع رقبتي
يااااااااه ربنا معاه .. اليبورد بحاله.. دا تلاقيه هيتعب قوي عقبال ميجيب واحد تاني..
متيجو نجمع ونسلفوا يا جماعة .. اصل بجد وحشني.. واكيد وحشكم والا ايه
وبعدين هو يوم 22 . مشكبتوا انوا قريب قوي من الامتحنات .. وي ارب الحاج يرضي ينزلني.. قولوا امين
بس مبدأيا كدا شهر 6 مفيش مقبلات قبل يوم 24 .. اظن الكلام واضح
وبعدين مقبلات اسكندرية كتير.. عشان عندنا استاذ شنوري.. انتم عندكم استاذ شنوري..؟؟؟؟
معلش ياجماعة انا اسف على التاخير فى الردود الفترة اللى فاتت بس و الله نظرا لطبيعة شغلى بقالى 4 ايام بايت فى الشغل و من ناحية تانية جيت من الشغل لقيت الاولاد بكيزة و زغلول عاملين احلى شغل فى الجهاز بس الحمد لله لميته و جمعته على قد ما قدرت و انا معاكو و الحمد لله على قد كدة فى الخساير المهم انتو وحشتونى جدا جدا و ان شاء الله احاول اكون معاكو فى المقابلة القادمة و اتشرف طبعا بمعرفة الاصدقاء الجدد اللى حيشرفونا فى الاسكندرية و اتملى و اشبع من حبايبى اللى شرفونى يوم عيد الميلاد اللى فات و اتمنى نكون دائما عند حسن ظنكم جميعا
استاذ ابو زيد انا حبيت اقولك ان انا قلت ان حضرتك واحشني جدا لما مكنتش موجود.. ودا فعلا مش عشان اي خدمات ولا حاجة دي مشاعر صادقة
بس ابقي خلي بقي استاذ شنوري يزودلي سمكتين مع الاكل عشان الكلمتين الحلوين اللي قلتهم .. ماشي.. ولو اتكلم ابقي قولي وانا هفتكرو بكلمتين حلوينن بردوا.. ميقلقش
هههههههههههههه.. والله حضرتك بجد واحشني جدا .. وكنت بسأل عليك كتيير.. بس ياريت تنبهنا قبل المأموريات دي .. عشان منقلقش.. ويارب اشوف حضرتك ان شاء الله في المقابلة
ان شاء الله يا كبير اشوفك فى المقابلة لو ربنا اراد