نادي حاجزي النيو سيراتو New Cerato

**Dr.Mohamed** · 21-04-2009 09:09 PM

بصوا يا رجاله
انا التوكيل لسه مكلمنى حالا
يعنى اذا هحجز ؟
قلتله مش هحجز وان شاء الله انا عايز لو جيت اشتريها استلم
لما لقانى مصر قالى هنشوف فى المعارض الموديل الى هو الهاي لاين كمان و نجيبهالك
قلتله استنى شوى قدامى 10 ايام كده
قالى ماشى اكد لنا الموضوع ده وانا اجيبها المعرض عندنا الاسبوع او الفتره دى وتعالى استلم
يعنى العربيه موجوده
ولازم تبلطجوا عشان تستلموا بجد
ده الى حصل معايا وقلت اقولكم عشان ماحدش يغنى علينا لانه موضوع الحجز ده والانتظار ده قلة ذوق بجد

**dasboot** · 21-04-2009 10:07 PM

هناك محاولة و لعبة كده انا باعملها حاليا, ادعولي بس بضمير انها تمشي و انا هاقول لكم عليها و إن شاء الله نستلم كلنا و نبوظ عليهم التحوير بتاعهم
بس تستوي يا رب :)

**enas75** · 21-04-2009 10:46 PM

انا لسه جايه من عند سونستا وتقريبا قررت اني حجيب المازدا3 لان بصراحه انا مش طايقه الاستهبال في المواعيد ولا ظروفي تسمح بكده
بعد ما خلوني ابيع عربيتي ووعدوني بالتسليم خلال 10 ايام وفات اسبوعين ولا حاجه حصلت
وكلمتهم قبل ماروح اشوف المازدا قالولي مش عارفين امتي احتمال شهر

**ghazy12** · 22-04-2009 01:52 AM

المشاركة الأصلية كتبت بواسطة dasboot

الله يبارك فيك يا باشا و امين يا رب :]

بس تعليقا علي موضوع التسليم ده, هي مش بتبقي موجودة و الموزع رافض يسلمها, هو مجرد ان العدد المتوفر قليل علشان دول كانوا عدد محدود نازل ل"جس نبض" السوق و هو بيستغلهم لتحقيق ربح اكبر.

و بيني و بينك هي حركة مش تمام, لكن هنعمل إيه هو شغل تجارة السيارات كله كده الطارق و غير الطارق مفيش حد حسيته محترم العميل او قاصد يفيده, كل واحد عايز يستغلك و يبيعلك و يدبحك في السعر لتحقيق اعلي ربح

الموزع بيشتغل بنظام مختلف عن التوكيل, عمر التوكيل ما ياخد فلوس زيادة و يسلم بدري, ده نصب علني عشان هو يقدر يسلمك بدري لو عنده... انا واحد من الناس استلمت عربيتي النيوسيراتو قبل المعاد بـ25 يوم..!!! و محدش طلب مليم زيادة بس حاجز من التوكيل فرع المعادي... و نصيحة لكل الناس, اشتري من الوكيل و سيبك من الموزع عشان الأولوية للي حاجز من التوكيل و لو فيه ضغط على التوكيل بيسحبو من حصة الموزع و بيسلمو اللي حاجز من عندهم...

المشاركة الأصلية كتبت بواسطة mekawybeeh

معلش انا يا جماعة مش حاجز و لا حاجة بس موضوع ال 3 شهور مقرف جدا , مش معقولة يعنى بيطفشوا الناس , انا واحد من الناس كنت ناوى على العربية دى خلاص , لاكن مستنى شهرين تكون نزلت و الناس جربتها , بس اول مانوى اجيب ان شاء الله عاوز الاقيها , ولو مكنوش هسيلموها فى خلال يومين تلاتة بالكتير , خليها عندهم يشربوها و اروح اجيب ياريس اهى سعرها نزل.

طيب تقول ايه على مرسيدس اللي بتخليك تحجز و تسلمك بعد 8 شهور..!!!

و الهيونداي I30 أول ما نزلت كان التسليم بعد 4 شهور من الحجز..!!!

العربية بجد عليها ضغط حجز جامد على الوان معينة زي التيتانيوم سيلفر (لون عربيتي) والبرونزي فئة SX.... و اعتقد ان ليهم عذرهم و موضوع اللخبطة او التأخير ده طبيعي على عربية لسة نازلة يا جماعة, مش ده اللي يعيب التوكيل ابدا..

المشاركة الأصلية كتبت بواسطة gemino

بارك الله فيك
انا اختى كانت دافعة 5000 حجز للسوران من عنده و غيرت رايها و حبت تاخد فلوسها تانى ..اولا قعدوا يزنوا عليها علشان تاخد السيراتو اللى ب 96000 و تستلم بعد 3 ايام و من هنا لهنا رجعنا الفلوس بعد اكتر من 10 ايام ...معنى كده ان العربية موجودة و متوفرة عنده و لما حبينا ناخد الفلوس حب يضغط لغاية اخر نفس
يبقى كده العربية سعرها زايد تقريبا من 5000 ل 6000 جنيه (4000 ل 3000 فى سعرها + 2000 للتسليم الفورى) فليحيا التجار الحرامية و لا حول ولا قوة الا بالله

الموزعيين اغلبيتهم (مش كلهم طبعا) بيبيعو كلام وخلاص و بينصبو و مفيش عندهم اي نوع من المصداقية و بيكون حبيبك لحد ما يقفش الحجز و يبقى كدة ربطك و انت مش عارف تعمله حاجة و مضطر تستنى عشان تستلم او تستنى عشان تاخد فلوسك... يعني هتستنى هتستنى..!!!!

**ghazy12** · 22-04-2009 01:58 AM

احجزو من التوكيل و ظبطو معاهم و انا بقولكو كلمة ثقة هتستلمو بدري عن المعاد بس عرفو ان كاشك جاهز و مستعد تستلم بكرة لو ينفع, عشان هو عايز و من مصلحتة انه يسلم عشان ينزل العربية اللي اتسلمت في التارجت بتاع الفرع...

اي حد عايز مساعدة انا موجود يا شباب...

**Ghamrawy** · 22-04-2009 01:59 AM

المشاركة الأصلية كتبت بواسطة ghazy12

الموزعيين اغلبيتهم (مش كلهم طبعا) بيبيعو كلام وخلاص و بينصبو و مفيش عندهم اي نوع من المصداقية و بيكون حبيبك لحد ما يقفش الحجز و يبقى كدة ربطك و انت مش عارف تعمله حاجة و مضطر تستنى عشان تستلم او تستنى عشان تاخد فلوسك... يعني هتستنى هتستنى..!!!![/COLOR]

يبقى هو يستنى بقى
و توبة ادخل عند طارق اسماعيل ده تانى و على فكرة العربية متوفرة عنده بدليل انه كان مستعد يبدل الحجز من السوران للسيراتو و يسلم بعد 3 ايام زى ما قلت هو بس عايز ينصب و يسرق و يهلب و خلاص ...ربنا يبتليه بخسارة هو و امثاله

**dasboot** · 22-04-2009 10:52 AM

المشاركة الأصلية كتبت بواسطة enas75

انا لسه جايه من عند سونستا وتقريبا قررت اني حجيب المازدا3 لان بصراحه انا مش طايقه الاستهبال في المواعيد ولا ظروفي تسمح بكده
بعد ما خلوني ابيع عربيتي ووعدوني بالتسليم خلال 10 ايام وفات اسبوعين ولا حاجه حصلت
وكلمتهم قبل ماروح اشوف المازدا قالولي مش عارفين امتي احتمال شهر

علي فكرة مش لازم سونستا, لو نويتي علي مازدا 3 في ناس كتير عندهم جاهزة و تسليم فوري

**enas75** · 22-04-2009 05:44 PM

انا وصلت لمرحله زهق من كل العربيات سونستا قالولي العربيه 117000 وتسليم فوري
ححاول محاوله اخيره مع توكيل كيا ان منفعتش يبقي ان شاء الله حتكون المازدا

**Dr.Mohamed** · 22-04-2009 06:15 PM

المشاركة الأصلية كتبت بواسطة enas75

انا وصلت لمرحله زهق من كل العربيات سونستا قالولي العربيه 117000 وتسليم فوري
ححاول محاوله اخيره مع توكيل كيا ان منفعتش يبقي ان شاء الله حتكون المازدا

انا زيك يا استاذه ايناس والله
وفكرت زيك فى المازدا 3 بس المشكله انه الشكل الجديد هينزل فى شهر 9
هو الموديل الى ب 117 دى فيها ايه ؟
انا شكلى هستقر على الانترا واريح دماغى