انا بفكر اشترى عربية لادا تكون موديل 2007 او 2008 وطبعا ده علشان الشوارع المهببة والمطبات وخصوصا انى ساكن فى منطقة شوارعها صعبة قوى
وعاوز راى الخبراء هل الادا سيارة كويسة ولا اشوف حاجة تانية:36_7_4[1]:
عرض للطباعة
انا بفكر اشترى عربية لادا تكون موديل 2007 او 2008 وطبعا ده علشان الشوارع المهببة والمطبات وخصوصا انى ساكن فى منطقة شوارعها صعبة قوى
وعاوز راى الخبراء هل الادا سيارة كويسة ولا اشوف حاجة تانية:36_7_4[1]:
طب ايه العربيات الى عفشتها جامده غير الادا ؟
ممكن تقول انت عامل حسابك في حدود كام ,
و عايز عربية هتسافر بيها كتير و لالأ , و عايز شنطة و لا لأ ..
يعني توضح المواصفات اللي عايزها علشان نفكر معاك ,
عموماً لو بتتكلم في الـ 50 و المنطقة عندك صعبة يبقى انا برشحلك عربية من دول ,
1- بيجو 405 موديلات التسعينات
(قطع غيار متوافرة باسعار وسط و سعر إعادة بيع كويس و ناس كتير بتفهم فيها),
2- رينو ميجان مو 99
(قطع غيار موجودة و أسعار أعلى شوية و بطيئة في إعادة البيع و مش ناس كتير بتفهم فيها) و لكن تحملها كويس و إمكانياتها هايلة ,
3- سوزوكي فيتارا مو 2000
(قطع غيار موجودة و أسعار أعلى شويتين و بطيئة في إعادة البيع و مش ناس كتير بتفهم فيها)
4- شاهين 2007
(قطع غيار متوافرة جداً باسعار رخيصة و سعر إعادة بيع كويس و ناس كتير جداً بتفهم فيها)
ربنا يكرمك يا استاز اكرم
يعنى رايك ان الشاهين افضل من الادا؟
اصلى خايف ادخل فى العربيات الى مش معروفة
عاوز عربية الكل بيفهم فيها وتكون جامدة وقطع غيارها متوفرة
انا مش بسافر خالص
وطبعا الشنطة مهمة عندى
أعتقد ان العربية الشاهين ممتازة لأنها مرتفعة عن الأرض وقطع غياراها متوافرة ورخيصة مقارنة بالسيارات الأخرى كما وانها إقتصادية خاصة شاهين 1400 سى سى أو 1300 سى سى (الحالات النظيفة بحدود 33 إلى 40 ألف تقريبا لموديلات من 93 إلى 2003) ،
وهناك إختيار آخر وهو بيجو 504 موديلات السبعينات (1970-1979) ولكن مشكلتها أنها 2000 سى سى (الحالات النظيفة من 25 إلى 30 ألف تقريبا) .
ربنا يوفقك فى اختيار السيارة المناسبة لك ويكفيك شرها ويعطيك خيرها .
dr . ahmed
شكرا يا جاعة