الموضوع: أعزائي المهندسين زملائي وأساتذي

أعزائي المهندسين زملائي وأساتذي
هوا ده اللي خرج من زمتي ليكو
ههههههههههههههههههههههههه ه

قصيدة بائسة بعنوان (((سلم لي على الشلولح)))


سلم لي على الشلولح ***** بس إوعى تروح له تاني
وإياك في يوم تقوله ***** إن إنت معاك وداني
لو قابلك مره إنسى ***** وإوعى تكون شيطاني
إوعى يضحك عليك ***** ويخليك يوم أناني
يا حبيبي يا باشمهندس ***** ما ترسمش الأماني
يا اللي داخل تهندس ***** وتفنن في المباني
هتفضل طول حياتك ***** تعبان منها تعاني
ما بين شيتات بتسطل ***** تصحيح بالأمريكاني
ده عشان حل الشيتات ***** هتعوز لك قرن تاني
مهما تحاول تذاكر ***** مهما تكون أدرجاني
هتشيل كل المواد ***** في الترم الأولاني
هتقول الناس بتخدع ***** والناس مفهماني
إن اللي يكون مهندس ***** ده هيبقى وضع تاني
هندستي الكهربيه ***** هي أساس جناني
وزراعتي الهندسيه ***** هدفنها في الجناني
لأ شفت الميكانيكيه ***** دي خلاص شلت لساني
وقعت خلاص شعوري ***** من كتر الشد ياني
يوم الجمعه ده لازم ***** يكون فيه إمتحاني
ده إمتحاناتنا تعجز ***** المكنه لو ياباني
ده أنا من كتر المذاكره ***** جفت خلاص عيداني
عيني إحولت يا عالم ***** بقى لونها أحمراني
خلاص هسيبها وأمشي ***** وأتفرغ للأغاني
وأتعلم رقص تانجو ***** وأبقى واد معجباني
لكن الحل عندي ***** من غير ما أتعب وأعاني
حجرين وحته بني ***** هنسى بيهم زماني
هبقى في مكان لغيري ***** وهسيب غيري لمكاني
سلم لي على الشلولح ***** لو قابلك مره تاني
بس إوعى في يوم تقوله ***** إن إنت مهندساني

كده كفاية هييييييييييييييييه

المشاركة الأصلية كتبت بواسطة msms90421

معلش انا الابرة لسه في نصها عندي

وبعدين انا مش بأقلب المواجع ولا حاجة

دي الحقيقة

و الحقيقة مرة