انا اول عربية ركبتها كانت سنة 78 ابويا الله يرحمه اشتراها ب 1100 جنيه وكانت 128 موديل 1972 وكانت مستعملة وكان الواحد وهو راكبها كأن مافيش على الارض غيره من السعادة وبعدها سافرت فرنسا ونزلت بعربية 131 CL merifiori الكلام ده سنة 1983 وكان تمنها 10000 فرنك يعنى 1400 جنية وجمركها 1500 جنيه وكانت برضة مستعملة وكانت من العربيات المميزة فى شارعنا ويارض انهدى ما عليكى ادى .. وكان ايامها العربيات فى مصر تنحصر فى 124 / 125 / 132 بسعاتها التلاته 1600 - 1800 - 2000 سى سى / 128 / 1300 / 1100 / والفلاوكس يعنى مصر كلها تقريبا كانت راكبة فيات وكان اللى عنده فيات قردة اللى بابها بيتفتح بالعكس كان ما حدش اده .. النهاردة مصر كلها عربيات على الزيرو وانواع واشكال وموديلات مختلفة وربنا يديم التقدم ومع ذلك بنعيب على عربية لو كانت موجودة ايام الزمن الجميل القديم لكانت عربية صفوة القوم .. الحمد لله الذى سخر لنا هذا وما كنا له مقرنين ;)
المفضلات