سيارة رينو كليو موديل 2008 عاملة 7000 كم و بحالة الفابريكة
ياترى ممكن يطلب فيها كام
عرض للطباعة
سيارة رينو كليو موديل 2008 عاملة 7000 كم و بحالة الفابريكة
ياترى ممكن يطلب فيها كام
ممكن يطلب 55 وتخلص على 52 او 50 كده حلو عليها فى اسعار اليومين دول وايضا لانها اتوقف انتاج الكليو
معقول الكلام ده!!
تنزل 23000 ج فى 7000 كم و سنة
المشكلة يا اخى ان الاسعار نزلت بشكل غريب جدا ولسة بتنزل دى حاجة والحاجة التانية انها رينو وبصراحة اى حد بيشترى رينو لازم يعمل حسابه انه ميبعش قبل عشر سنين لانها بتفقد الكثير جدا من سعرها عند البيع ورأيى انك تحتفظ بيها صدقنى لو بعت هتخسر خسارة بشعة وربنا يوفقك
اصل العربية بتاعت ابنى و هو مسافر فى الخارج حاليا وعايز يبيعها , وانا اللى ببيعا له بتوكيل
وبنتى عايزاها , فانا عايز اثمنها بحق ربنا لها علشان ماظلمش حد منهم
هى دى المشكلة , ساعدونى
الكلام اللى بيقولوه ده حرام جدا .. انزل يا باشا الى اى اجانص عنده كليو او معندهوش و إسألو
و قول له انك عاوز تشترى اكيد العربيه هتنزل بالكتير 10 الاف لانها 7000 كيلو بس و مو 2008
اللى اعرفه ان موديل 2003 او 2004 بـ 45 الف
الراجل عايز يقيمها مش علشان يبيع او يشتري يا جماعة الراجل عايز يقيمها علشان حقوق الناس وبالتالي لازم نقيمها التقييم الصحيح ,,
انا مع ان العربية يقل ثمنها بالكثير 10 آلاف لأنها شبه جديدة وربنا يكتب لبنت حضرتك الخير فيها ..
يا استاذ جمال نزول اللوجان ب 56 الف جنية قلب مواصفات السوق الى جانب حملة خلوها تصدي مبهدلة الاسعار مع الازمة الاقتصادية
السعر اللي العربية مش هاتعدية بجنية واحد 60 الف جنية
لان اللي هايدفع فيها 60 هايقولك مانا ادفعهم في لوجان ومش فارقة كتير واجدد وضمان وموديل واجيبها 56 الف وموتور اكبر كمان
يبقي عشان تتباع هاتسمع فيها ال 55 الف جنية
انا عارف ان موقفك صعب عشان الاتنين ولادك بس ده الحق وعمر الحق ما يزعل
وعشان ترضي ضميرك
خدها لاجنس واتنين وتلاتة وشوف هايوقلك كام كانه هايشتري وزود فوقة من 3 الى 5 الالاف وده يكون سعرها
وابقي قولنا عملت ايه
خمسين ألف
لا أعتقد إنها تجيب أكتر من كده دلوقتي .. حتى مع كونها بحالة الجديدة
يا باشا انا بكلمك بعرف السوق عشان هو في موقف تحكيم مايقدرش يظلم حد فيه
في ناس كتير بتفضل اللوجان
وبعدين مافرقتش ازاز كهرباء وسنتر دي حاجات بسيطة
مش زي التكييف والباور يعني
وماتنساش ان موديلات 2010 نازلة شهر 7
ما هى اللوجان اللى ب 56 دى فاضية بكل ما تحمله الكلمة من معانى يا باشا
أسعار اللوجان
56 فاضية من غير باور وتكيف
63 باور وتكيف وزجاج امامى كهربا
68 كاملة مانيوال :)
يعنى عشان نبدأ نقارن هنقارن باللى ب 63 ألف...... وبرضه فى رأيي الكليو تكسب .
سعر السوق هايقول
1400 موديل 2008 وموديل اتوقف انتاجة
ولا 1600 تكييف وباور ب 63 موديل 2009 وموديل جديد
السوق هايخلي ال 1400 وشكل قديم تنزل ل 50 او 55
خاصة كمان بعد السيمبول وماتقوليش بكام هاقولك اللوجان بكام
طب بكام بأه....هههههههههههههه
و الله يا باشا لولا أختلاف الأذواق......لبارت العربيات.
أنا كنت بتكلم من وجهة نظرى الشخصية و بناء على تجربة واحد صاحبى لسه جايب واحدة من شهر.....كانو ساعتها أعلنو برضه عن اللوجان
جابها مو 2005 ماشية حاجة و 40 على رقم فى حدود ال 50
عموماً أحسن الطرق عشان يعرف الحاج جمال يحدد سعر مظبوط أنه يشوف عربيتين تلاتة كليو 1400 بيتباعو بكام و يقارن.....و ربنا يوفقه للى فيه الخير.
بص بصه كده يا حاج جمال على الموضوع ده
مطلوب تسعير سيارة رينو كليو مو2008
بأختصار : اللى كان بيسأل راح لتجار و فصلو العربية ب 55 ألف جم بس مش عارف عشان يشتروها هما و لا فصلو العربية كده لوجه الله
لو فصلو عشان يشترو يبقى العربية تستاهل أكتر
لو فصلو لوجه الله يبقى ده سعر السوق
العربية كليو 2008 جميع الكماليات ماشية 25 الف كم.
شكرا يا استاذ احمد
انت كنت فعلا شفت الموضوع ده
وانا متابع ردودكم للوصول الى السعر العادل ان شاء الله
العفو يا فندم
السعر المناسب 55 الف لأن لو بعتها لحد غريب هاينزل سعرها الي 50 او 52 الف ولكن اعتقد سعر 55 الف سعر عادل للطرفين وربنا الموفق
ده آخر كلام ؟؟
انا بشرككم فى المسئولية معايا , موافقين على 57
استاذ جمال
انت لو كنت بتفكر تبيع العربية ده كنت لقيت ناس بتقولك كتير و غاليه والكلام اللي انت عارفه ده
اهم حاجة علشان التقييم ده مهم علشان مايكونش ذنب او حاجة عليك
في اقتراح قالوmexmarine انك تنزل معرض او التوكيل علشان تتمنها و تريح نفسك
وربنا يوفقك في تتمينها
انا سألت فعلا فى كذا معرض والاسعار متفاوته جدا
من 47 الى 57 وواحد قال مش هتجيب 55 حتى
يعنى الموضوع متفاوت جدا و حاجة تحير بجد