لمبه ال n بتنور وتطفى مع الd

**GALAL85** · 20-04-2009 02:55 AM

أنا معايا لانسر 98 كريستاله أتوماتيك عامله 180000كم لما أجى أطلع الصبح بلاقى لمبه الn بتنور وتطفى مع لمبه الd وبحس بنتشه فى العربيه وبيكون السحب ضعيف ولما أمشى شويه وبعدين أبطل وأدور تانى كل حاجه بتبقى تمام وبعدين روح التوكيل وعملت الأتى:
1-غيرت زيت الفتيس والفلتر مع أنى كنت مغيره قريب ماكملتش به 1000كم.
2-غيرت الحساسات بتاعت ال input&output الخاصه بالفتيس.
3-نضفت فيشه الكهربا بتاعت الفتيس.
4-غيرت طقم الفيوسات كله.
5-شيلت كابل البطاريه لفترة وركبته تانى.
كل دة أنا عاملته فى التوكيل على فترات يعنى حوالى شهر والعيب مازال موجود م العلم أنه كشفوا على الفتيس بالكمبيوتر وطلع سليم 1005 والحمد لله ومش عارف أعمل أيه تانى ولاهما عارفين لدرجه أن المهندس قالى كبر دماغك بس أنا مش مقتنع ولازم ألاقى حل ياريت حد يساعدنى!!!!!!!!!

**GALAL85** · 20-04-2009 03:54 PM

أيه يارجاله ماحدش عارف يساعدنى ولا أيه

**samirayad** · 20-04-2009 04:07 PM

على الرغم أنى لم أحتك بالأوتوماتيك........بس حاسس أن المشكله فى الأشاره اللى رايحه من السيلكتور (يد أختيار وضع التعشيق ).....الى سولونيدات الفلف بودى.........على أساس ممكن يكون فيه تلامس كهربى بيحصل بين كابلات وضع الd & n وبكده بيحصل تغذيه للوضعين وتحصل معاك النتشه (حاجه عاوزه تمشى العربيه d وحاجه عاوزه تحط العربيه فى وضع المور أو الحياد n)....عند أختيار الوضعd ..........وممكن تأكد من عدم وجود الوضع ده لما تضع السيلكتور على الوضع r مثلا ولو لمبة الn منورتش يبقى الأحتمال ده وارد..........دى مجرد وجهة نظر مش أكتر.....

**samirayad** · 20-04-2009 04:09 PM

المشاركة الأصلية كتبت بواسطة GALAL85

أيه يارجاله ماحدش عارف يساعدنى ولا أيه

أنت بترسل وأنا فى نفس الوقت بأرسل.......يارب يجىء الخير........

**mady2007** · 20-04-2009 07:20 PM

طيب الموضوع دة حصل من غير أى مقدمات خالص دة ليه تفسير عند حضرتك ومتشكر او لأهتمامك

**GALAL85** · 20-04-2009 07:26 PM

المشاركة الأصلية كتبت بواسطة samirayad

على الرغم أنى لم أحتك بالأوتوماتيك........بس حاسس أن المشكله فى الأشاره اللى رايحه من السيلكتور (يد أختيار وضع التعشيق ).....الى سولونيدات الفلف بودى.........على أساس ممكن يكون فيه تلامس كهربى بيحصل بين كابلات وضع الd & n وبكده بيحصل تغذيه للوضعين وتحصل معاك النتشه (حاجه عاوزه تمشى العربيه d وحاجه عاوزه تحط العربيه فى وضع المور أو الحياد n)....عند أختيار الوضعd ..........وممكن تأكد من عدم وجود الوضع ده لما تضع السيلكتور على الوضع r مثلا ولو لمبة الn منورتش يبقى الأحتمال ده وارد..........دى مجرد وجهة نظر مش أكتر.....

أولا انا متشكر على رد حضرتك بس أيه تفسير أنى لما ببطل وأدور العيب دة بيروح وكل حاجه بتبقى طبيعى والموضوع دة مابيحصلش الا لما بتكون العربيه باردة

**samirayad** · 20-04-2009 07:43 PM

لما أجى أطلع الصبح بلاقى لمبه الn بتنور وتطفى مع لمبه الd وبحس بنتشه فى العربيه وبيكون السحب ضعيف

أنا علقت بناء ا على الكلام ده.........يعنى التعليقه بتحصل وأنت طالع........وواضح من تعليقك الأخير أن بعد مابتعمل مشوار والعربيه سخنه بيروح العيب لما تيجىء تطلع تانى.......تمام كده

**samirayad** · 20-04-2009 08:36 PM

المشاركة الأصلية كتبت بواسطة GALAL85

أولا انا متشكر على رد حضرتك بس أيه تفسير أنى لما ببطل وأدور العيب دة بيروح وكل حاجه بتبقى طبيعى والموضوع دة مابيحصلش الا لما بتكون العربيه باردة

أولا يا أخى ....لاشكر على واجب.....وأنا مجرد بأفكر معاك ومع الزملاء ......يمكن نلاقى تفسيرللحاله......

_ وعاوز برضه أأقول لحضرتك يمكن لما بتعمل مشوار والزيت بتاع الفتيس بيسخن ......بيكون معدل سريانه من خلال سولونيد الd

كبير والتعشيق بتاع التروس الشمسيه للd بيتغلب على وضع الحياد وبكده مابتحسش بالنتشه اللى بتحصل لسه والزيت بارد ......وكده التفسير السابق مازال قائم ....

_ وأعتقد مفيش مايمنع أنك تطمن على سلامة الضفيره ......وأن مفيش حاجه ملمسه مع بعضها.....وأنا متابع..................

_ على فكره يجب أن تستمر فى محاولة التخلص من هذا العيب ....لأننى أعتقد أن الموضوع ده ممكن يعمل مشاكل للفتيس على المدى البعيد وبالذات موضوع النتشه ده اللى بتحصل على البارد وقت الطلوع بالعربيه