ممكن اعرف منكم ايه اخبار السبكترا من حيث
1-اسعار قع الغيار ومنتشره ولا موجوده فى اماكن معينه
2-العربيه من حيث الموتور ايه اخبارها والعفشه
3- اتهلاك البنزين عالى ولا ايه
ياريت تقييم شامل عن العربيه
لانى بفاضل بنها وبين الفيات بيترا
عرض للطباعة
ممكن اعرف منكم ايه اخبار السبكترا من حيث
1-اسعار قع الغيار ومنتشره ولا موجوده فى اماكن معينه
2-العربيه من حيث الموتور ايه اخبارها والعفشه
3- اتهلاك البنزين عالى ولا ايه
ياريت تقييم شامل عن العربيه
لانى بفاضل بنها وبين الفيات بيترا
اهلا بيك ثانيا الاسبكترا مع العربيات الجيده بصراحه اوى وقطع الغيار موجوده
عند بتوع الكيا عامتا
بالنسبه لمقارنتها بالفيات بيترا الكيا اسبكترا احسن من حيث الاداء والقوه وقطع الغيار
وانا برضوا معلوماتى عنها مش كبيره وانا ديما بشوفها عربيات بوليس بلون رصاصى
مشكور جدا يا مان
ومستنى ردودكم
بص يا سيدى
هى حجاتها اغلى سنة من السيفيا بس مش اغلى اوى
بس موجود و متوفرة مش نادرة يعنى بس للامانة مش زى السييفيا بحكم انها احدث هى من الاخر عشان اريحك هى كل حاجة فيها سيفيا ماعدا الفوانيس و الرفارف و المتور و الفتيس
لييية
لان المتور بتاع السبيكترا لحد علمى vvt
و اكيد الفتيس مختلف عشان اختلاف النسب و كمان كمبريسور التكيف مختلف
و متوسط الاسعار بتاعت قطع الغيار مثلا
طرمبة باور السيفيا 300 الاسبيكترا 350 و هكذا
مت حيث الاداء
ف روعة تخيل قوة السيفيا و ثبتها الجبارين اكثر تطور
تسارع افضل من السيفيا و كما استهلاك بنزين اقل ..
انا تحت امرك ف اى حاجة
انما ب النسبة للفيات ف اعزرنى انا مش ملم بيها..
مشكور جدا يا ماكس
بس متعرفش اسعار السبكترا ايه اخبارهافى ظل الركود دلوقتى تعملها كام
ممكن اعرف طب استهلاك السيفيا معاك ايه فى البنزين وبعض اسعار قطع غيار السيفيا
- بص يا سيدى, احسن واحد تشترى منه قطع غيار الكيا هو الجندى فى دمشق و كمان فيع فرع فى جسر السويس, أسعار قطع الغيار فعلن أغلى بسيط من السيفيا, المساعدين Kyp يابانى تعمل 600 للجوز الامامى و زيهم خلفى, مجموعة السيور أنا مش فاكر بظبط و لكن احنا بنتكلم فى حدود 250 ج للمجموعة, المشكلة الوحيدة ان اوقات بعض قطع الغيار مابتكونش متوفرة و لازم تستنى عليها شوية, و لو محل مش متخصص فى الكيا زى الجندى ممكن يديك قطع غيار السيفيا.
- الموتور باه فعلن ماشاء الله عليه طلقة (108 حصان), و لكن من حيث العفشة و الثبات فأعتقد أن الالنترا (2004 - 2006) تتميز عن السبكترا و أيضا أعتقد أن السيفيا افضل من حيث الثبات, و قد يكون هذا عائدا الى التقفيل المصرى, عموما السيار تجرى معاك جيد جدا و لكن يجب قيادتها بحرص, الفرامل عادية مش Abs و لكنها متماسكة, التكييف ممتاز, و لايؤثر تقريبا على السحب, سحب البنزين لم أحسبه بدقة, و لكن فى حالة المحافظة على نقل السرعات على Rpm قليل (3000 الى 4000) فلن تحس باستهلاك عالى للبنزين, و أعتقد أن هذا يعود الى ان السيارة تعمل فقط على كامة واحدة عند السرعات المنخفضة, و لكن مع زيادة الضغط على النقلة يتم استخدام الكامة الثانية و بالتالى زيادة سحب البنزين و ظهور قوة الموتور.
فى حالة الاحتياج لميكانيكى فأنا أستطيع أن أنصح بورشة الأصدقاء بالطبع, لانهم حافظين عربيات الكيا.
و أخيرا تحت أمرك فى أى استفسار, مع العلم أنى هعرض السيارة للبيع قريبا, و لكن هاضبط شوية شغل سمكرة الأول.
مشكور جدا وياريت اعرف حضرتك طالب فى عربيتك كام وايه مواصفتها
بص يا سيدى هى بتعمل معايا متوسط من 30 جنية ل 50جنية ف الاسبوع بنزين و بتاخد 3 لنر زيت
و طبعا متور السبيكترا موفر اكتر و اقوى من بتاع السيفيا حكم انة vvt بس ب النسبة للصاج ف صاج السبيكترا انشف من السيفيا
بس ولله ب النسبة للاسعار ف الله اعلم
و شكرا جدا لزوقك .. و تحت امرك ف اى خدمة ..
متور السيفيا لقيتة على مواقع بتقول انة 98 حصان و مواقع بتقول 103
اما ب النسبة لل1800 ف هو 122 و 153 نيوتن جبااااااار ..
السيارة موديل 2003, فابريقة دواخل, و بعض الأجزاء من الخارج (لو عاوز تشوفها قبل مادخلها السمكرة اليومين دول انا تحت أمرك) الموتور حالة ممتازة (ماشى 71000 ك), العربية مانيوال فول أوبشن (4 زجاج كهرباء - مرايات كهرباء - سنتر و انذار - مع جهاز رفع الزجاج الأمامى مع غلق السيارة - باور و تكييف ممتاز) - الكاوتش ماشى 15000 ك تقريبا (بس العجلة الورا شمال عايزة تتغير) - العفشة مجددة بالكامل (4 مساعدين يابانى Kyb - بارات دلكسيون - جلب المقصات - ...) - البطارية اسه بضمانها - كاسيت C.d.
المطلوب 52,000 ج.
و رقم التليفون هابعتهولك على الخاص, و عموما سواء العربية ديه أو غيرها أنا تحت أمرك, لأى معلومات عن قطع الغيار أو أماكن التصليح, و بالتوفيق
مشكور جدا جدا جد اtoola بس انااتفرجت على الاسبكترا نهارده على الحقيقه بس كان ليا شوية ملاحظات
الباب بفتحه وبقفله براحه لقيت الباب قفل لوحده علطول تحس انى الباب خفيف بتاعها عامل زى باب الفرنا فهل العربيه تقيله على الرض ولا خفيفه وهى وزنها كام
انا مش عارف بصراحه هى ولا النوبيرا ياريت مستنى درودك