الموضوع: هوندا سيفيك 92 وبعض المشاكل

السلام عليكم
انا كنت بالكويت وعندى عربية جيب شيروكي ولما نزلت مصر من شهر تقريبا علشان الوالد انتقل الى دار الحق كان عنده سيارة هوندا سيفيك 92 و اليكم بعض المشاكل التى وجهتها فى تلك السيارة واريد الحل منكم و النصيحه

اولا العربية قريبة من الارض جداً ولما يكون معايا حد على الكنبة اللى ورا بتبقا على الارض وطبعا كلنا عارفين المطب الاصتناعى بتاع مصر تحفة فنية فبتحك فى الارض وكذا مرة اظبط الشاكمان فكيف لى ان اقوم بتعلية تلك السيارة دون الخروج عن ثبات العربية على الطريق


ثانيا من الملاحظ فى الدريكسيوان عضة او صوت ولا اعرف منين تلك الصوت

ثالثاً ما هو نوع البنزين المناسب لها السيارة منيوال 1500 سي سي والمتور مكتوب علية ( 1,6في) هل هذا حقن ام كاربراتير

رابعا التكييف شغال بس ضعيف جداً ايه المشكلة

خامساً العربية متورها ممتاز عاملة 44000 كيلو بس
وصوتة كويس

السحب بتاعها ممتاز بس بقا ضعيف بعد كثرة المطبات لازم الشاكمان يتظبط تانى بس لازم تعالى الاول لانى تانى مرة اعملة


سادسا : الفرامل ضعيفة اوى تقريبا عاوزة عافشة او الهواء يكون عاوز يتظبط و ممكن اعرف العفشة تتكلف كام وكمان عاوزة مقصيين وما نوع الفرامل بها هل هو abs ام عادى

سابعاً اخويا الصغير عمل حادثة بسيطه بها غيرت رفرف يمين بس من ساعة لما غيرتة والعربية مع الملف الجامد فيها صوت حاكة بسيط وعاوز اجيب الكارتيرات يمين وشمال علشان انا شلتهم عاوز اعرف ثمنهم كام

اخر حاجه انا من الجيزة اقرب قطع غيار لها فين وتكون كويسة ورخيصة

ولو عاوز ابعها على حالتها دى تعمل كام الوقتى ولو عاوز اوضبها تعمل كام توضيب احتاج اهل الخبرة والمعرفة
والنصيحه فى السيارة اخليها ولا ابعها احسن واشترى لانسر مستعمل بردو

ملحوظة الصلون نظيف جداً بس عاوز اغير الارضية بجلد تعمل كام وشكرا مقدماً