مزيل الخدوش F1 Scartch Out بلاش تشتريه !!!
من كام يوم كنت فى كارفور الصحراوى وعديت على القسم بتاع العربيات قلت ادور على حاجه مزيله للخدوش بدل البوليش
واشتريت المنتج ده ب 33 جنيه ودى صورته
http://img27.imageshack.us/img27/1318/19042009337g.jpg
Made In China
المهم جربته بعد ما غسلت العربيه ونشفتها كويس
طريقة الاستعمال انك بتجيب منه شويه على قطعة قماش ناشفه وناعمه
وبتمسح بيها الخرابيش يمين وشمال وفوق وتحت مش بحركه دائريه
وبعدين تنضف اللى باقى بقماشه نضيفه
هو طبعا بيجيب نتيجه احسن من البوليش بس مش بكتير يعنى احسن منه بنسبة 10 او 20%
ومقارنة بالبويش اللى تمنه 5 جنيه وده ب 33 يبقى ملوش لازمه
وفى الاخر اللى اكتشفته ان مفيش حاجه اسمها مزيييييييييل خدوش
كله بيدارى الخدوش بس مش اكتر وبنسبه بسيطه جدا انما الخدوش بتفضل موجوده
انا نفسى افهم بقى الكار كير بيستمعلوا انهى منتج وهل فعلا بيزيلوا الخدوش ؟
ولا الواحد هيدفع 100 ولا 200 جنيه على الفاضى ؟
