نور ال Abs منور على طول فى المازدا 3 اللى عندى وهى موديل 2008 خليجى بس الفرامل كويسة الحمد لله بس هل دا طبيعى ولا المفروض ينور لما ادوس دواسة الفرامل بس برجاء الإفادة و شكرا
عرض للطباعة
نور ال Abs منور على طول فى المازدا 3 اللى عندى وهى موديل 2008 خليجى بس الفرامل كويسة الحمد لله بس هل دا طبيعى ولا المفروض ينور لما ادوس دواسة الفرامل بس برجاء الإفادة و شكرا
لا طبعا مش طبيعى
ده كده بيديك تحذير ان نظام ال abs فيه حاجة غلط
الافضل انك تروح لمركز خدمة كويس ويكشف على العربية بالكومبيوتر
ممكن نحصر العيب فى سببين
الاول ان الدائرة الكهربائية فيها عطل ( يعنى فيه فيوز عاوز يتغير)
التانى ان فيه سنسور فيه عطل وبرده عاوز يتغير
مش هتقدر تحكم على العطل اللى لما تعمل اسكان لسيستم العربيه
او زى ما بيقولو تكشف على العربيه بالكومبيوتر وساعتها تشوف ايه الخطا اللى قاريه الكومبيوتر
ابقى طمنا عملت ايه
ممكن أعرف أكشف فين علشان انا لسة جيبها مستعملة من فضلكم مع العلم انها من الإمارات(مواصفات خليجية) و لا يوجد بها ضمان فى مصر
ممكن تشوف اللينك دهاقتباس:
ممكن أعرف أكشف فين علشان انا لسة جيبها مستعملة من فضلكم مع العلم انها من الإمارات(مواصفات خليجية) و لا يوجد بها ضمان فى مصر
http://www.carsdir.com/services.asp?p=1&cid=4
فيه مراكز خدمة وصيانة العربيات فى مصر وارقام تليفوناتهعم
اتصل بيهم واسئلهم
وابقى قولنا عملت ايه
غير كده ممكن تنزل منطقة الحرفيين واسئل
ممكن تكشف بنفسك الأول على الفيوزات هتلاقي فيه فيوز مسئول عن نظام ال Abs ممكن يكون ضارب ومجرد ما يتغير هتلاقي اللمبة طفت ومتحتاجش لصيانة ولا غيره ، واحتمال كبير يكون ده السبب ، شوف وابقى طمنا
انا اتصلت بسونستا و قالولى ان احتمال كبير يبقى فيوز خصوصا ان مفيش لمبة(check) منورة بس مش هينفع اروح علشان موصفات خليجى
و ان شاء الله هعمل عضوية فى سمارت كار و هصلحها قريب بإذن الله.
شكرا لكل واحد ساعدنى و رد عليا و كل واحد حاول يساعدنى
ان شاء الله لو فى جديد هبلغكم
لا دى تقريباً مشكله فيوزات مادام بتقول ان الفرامل شغاله كويس
انا كانت نورت بس طفت تانى لما كنت كبست جامد و شغلت ال abs اكتر من مرة
مشكله ان انت عربيتك خليجى مش فارقه لو روحت اى مركز صيانه هيشتغل فيها عادى
اذا كان فيوز مش محتاجة صلحها بنفسك علبة الفيوزات تلاقى واحدة مع جنب الموتور وواحدة تحت الدريكسيون افتح الغطاء ودور على كلمة abs شوف الرقم على غطاء العلبة بتاع الفيوز جيب بنزة بانف طويل واخلع الفيوز دة وروح لاى محل قطع غيار واشترى نفس الفيوز يوجد رقم على الفيوز 10 او 20 ممكن 30 المهم نفس المقاومة واذا لايوجد روح للاقل وبس ركبة وانتهت المشكلة عزيزى