الموضوع: ما معني ان لمبة الدينامو منورة في التابلوه

المشاركة الأصلية كتبت بواسطة samirayad

من وجهة نظرى مش غريبه ولا حاجه ....والدينامو بيشحن علشان شدة الأضاءه بتزيد ....بس معرفش شحنه زياده ولا عادى......وواضح أن الطرف الأرضى بتاع القاطع الآلى (زى كتاوت ) فى دايرة أنذار الشحن هو اللى مش موصل كويس......ولو وصلتله......اللمبه حتطفى لما العربيه تدور ويشتغل الشحن

قصد حضرتك ان الدينامو سليم بس المشكلة في الكتاوت اللي بتفصل اللمبة

كتاوت الشحن كده فيها مشكلة الحق غيرها قبل ما البطارية تبوظ

انا قيست شحن الدينامو و كان كويس 14 الراجل قالي دة كدا كويس جدااا اصل دة دينامو شاهين

قالي احتمال تكون سيليكونات الدينامو تالفة و بتتكلف 70 ج


السؤال بقى
ما هي السيليكونات ؟؟؟
و ما هي فائدتها ؟

لمبة الدينامو لما تنور معناها ان الدينامو مبيشحنش، وده له سبب من 2، لو خرجنا انقطاع السير من حساباتنا

1- اما ان كتاوت الدينامو و/او قاعدة السيليكونات بايظة(حسب تصميم الدينامو )

2- ان الدينامو نفسه فقد قدرته على الشحن وده بسبب ان احد مكوناته الأساسية باظت وهى البوبينة والمخدات والشربونات

المطلوب انك تاخد الديانمو وتروح لكهربائى ديناموهات، هيجرب عليه كتاوت وقاعدة سليكونات من عنده، لو واحد منهم حل المشكلة يبقى هتغير القطعة المعطوبة، لو متحلتش يبقى هيكشف على البوبينة والمخدات والشربونات ويشوف ايها بايظ ويغيره، وفى احيان كتيرة بيكون من الأسهل انك تاخد دينامو استيراد لأن تمنه مش بيقرق كتير عن مجموع اصلاحات دينامو فيه اكتر من مشكلة

المشاركة الأصلية كتبت بواسطة samirayad

طيب تفسر بأيه يا خالد باشا ....أنه قاس الشحن ولقى الدينامو بيطلع 14 فولت

الراجل قالي ان الشحن كويس

بس انا كنت حاسس قبل كدا ان الدينامو بيطلع تيار متردد و ليس مستمر بدليل ان الكاسيت و ال fm modulator كانوا بيخرفوا بدون سبب و عملت كل حاجة

اول ما الدينامو فصل التخريف دة و قف

على العموم هروح يوم الجمعة ان شاء الله للكهربائي و اوف الموضوع اية و ارد عليكم


و شكرااا على الاهتمام