عرض للطباعة
معايا 128
فجأة لمبة الدينامو في التابلوة نورت جامد بس النور بيزيد اوي لما ازود بنزين
و الغريب ان الاضاءات و الكلاكسات كلها طبيعية جدااا
يعني شحن الدينامو تمام
و شوفت السير بتاع الدينامو عشان الطرمبة لقيتة سليم و مفيش اي صفارة او صرخ في الدينامو
يا ترى اية المشكلة كدا
و اللمبة بتنور اول ما ادور العربية و تفضل زي ما هي
اكشف على سلك الا وصل لدنيامو ممكن تكون اللمبة معلقة ولو كانت سليمة فك الدنيامو وشوف العطل فين
المشكلة عندك فى كتاوت الدينامو غيرها قبل متتلف البطارية
انا فصلت السيلك اللي جاي من الدينامو للبطارية و العربية ما بطلتش ؟؟؟؟؟اقتباس:
المشاركة الأصلية كتبت بواسطة ahmedsrs
ممكن يكون الشحن ضعيف بس
طيب واللمبه طفت لما فصلت السلك اللى رايح للبطاريه من الدينامو.....اقتباس:
المشاركة الأصلية كتبت بواسطة dr_abooody
[quote=dr_abooody;798661]معايا 128
و الغريب ان الاضاءات و الكلاكسات كلها طبيعية جدااا
يعني شحن الدينامو تمام
=======
مش معنى ان الاضاءه والكلاسكات انها شغاله ان مافيش مشكله فى الدينامو!!
البطاريه والدينامو واى احمال فى السياره الثلاثه متوصلين على التوازى وهو ما يعرف باسم: parallel Operation
يعن لما الدينامو يبقى فى مشكله البطاريه بتغذى الاحمال ولما الدينامو يشتغل يغذى الاحمال + شحن البطاريه
أخدت بالك من الحته دى........اقتباس:
فجأة لمبة الدينامو في التابلوة نورت جامد بس النور بيزيد اوي لما ازود بنزين
طبعا الكلام ده عشره على عشرهاقتباس:
البطاريه والدينامو واى احمال فى السياره الثلاثه متوصلين على التوازى وهو ما يعرف باسم: parallel Operation
دا كده حضرتك بتفترض أن الدينامو عطل.....والبطاريه هى اللى بتغذى الأحمال.....وده كان يبقى مقبول فنيا لو لم تكن شدة أضاءة اللمبه بتزداد مع ضغطة الأكسراتير ......على فكره أن بأتناقش معاك للأفاده لى شخصيا على الأقل.......مش ملاحظ أنها غريبه........اقتباس:
يعن لما الدينامو يبقى فى مشكله البطاريه بتغذى الاحمال ولما الدينامو يشتغل يغذى الاحمال + شحن البطاريه
_على أساس كان المفروض تكون شدة الأضاءه بتاعة اللمبه ثابته....على أساس الحمل من البطاريه مش من الدينامو.....
اللمبة طفت لما شيلت الكابل اللي رايح من الدينامو على البطاريةاقتباس:
المشاركة الأصلية كتبت بواسطة samirayad
المفروض بيكون فيه كتاوت فى علبة الفيوزات بين الدينامو والبطاريه ......وملناش دعوه بكتاوت الدينامو ....ده حاجه تانيه......_ ركب السلك تانى وأفتح علبة الفيوزات مثلا وشوف الكناوت ده فيها .....وأنت شغال واللمبه منوره .....هز كابلات الكتاوت أو الكتاوت نفسه وجرب لأن المفروض بتتوصل كهربه للمبه من البطاريه أول ماتفتح الكونتاكت......ولما العربيه تدور والدينامو يطلع كهرباء ...الشحن بيكون رايح للبطاريه ....ومعمول قصر كهربى على اللمبه .....ومفيش كهربى بتروح للمبه وكده بتنطفى اللمبه......والوسيط فى الحاتين هو الكتاوت أو الريليه ده_ وبرضه ياريت تطمن على شحن الدينامو بالمره ....كناحيه وقائيه (أمانا للبطاريه )
هو مرة قبل كدا دينامو اتحرق منى خالص و اللمبة دة فضلت منورة علطول و ما كنتش بتزيد او بتقل ما البنزين
لكن دلوقتي الغريب ان كل حاجة كويسة و اول ما ادوس بنزين النور بتاع اللمبة دة بيزيد مش بيقل او ينطفي زي ما هو المفروض بيحصل
حاجة غريبة فعلا
من وجهة نظرى مش غريبه ولا حاجه ....والدينامو بيشحن علشان شدة الأضاءه بتزيد ....بس معرفش شحنه زياده ولا عادى......وواضح أن الطرف الأرضى بتاع القاطع الآلى (زى كتاوت ) فى دايرة أنذار الشحن هو اللى مش موصل كويس......ولو وصلتله......اللمبه حتطفى لما العربيه تدور ويشتغل الشحناقتباس:
لكن دلوقتي الغريب ان كل حاجة كويسة و اول ما ادوس بنزين النور بتاع اللمبة دة بيزيد مش بيقل او ينطفي زي ما هو المفروض بيحصل
قصد حضرتك ان الدينامو سليم بس المشكلة في الكتاوت اللي بتفصل اللمبةاقتباس:
المشاركة الأصلية كتبت بواسطة samirayad
تمام ....هو ده اللى أقصده......وحمدا لله على سلامة أخيك الفاضل.......وكله يتصلح أن شاء اللهاقتباس:
المشاركة الأصلية كتبت بواسطة dr_abooody
كتاوت الشحن كده فيها مشكلة الحق غيرها قبل ما البطارية تبوظ
انا قيست شحن الدينامو و كان كويس 14 الراجل قالي دة كدا كويس جدااا اصل دة دينامو شاهين
قالي احتمال تكون سيليكونات الدينامو تالفة و بتتكلف 70 ج
السؤال بقى
ما هي السيليكونات ؟؟؟
و ما هي فائدتها ؟
دى أسمها موحدات التيار (لأن الدينامو بيطلع تيار متغير ...ودى اللى بتوحد التيار وتحوله لتيار مستمر ....اللى أحنا عاوزينه لدايرة كهرباء السياره )اقتباس:
ما هي السيليكونات ؟؟؟
دول بيبقوا تسعة موحدات (سيلكونات بلغة السوق )وراكبين على قاعدة السيلكونات (حاجه كده شبه حرف u أو الهلاله ).......ثلاثه لأثاره الدينامو كهربيا (علشان يطلع تيار متغير )......وسته لتوحيد التيار المتغير الى مستمر قبل تسليمه للAVR (منظم الفولت الأوتوماتيكى ) اللى هو كتاوت الدينامو بلغة السوق برضهاقتباس:
و ما هي فائدتها ؟
لمبة الدينامو لما تنور معناها ان الدينامو مبيشحنش، وده له سبب من 2، لو خرجنا انقطاع السير من حساباتنا
1- اما ان كتاوت الدينامو و/او قاعدة السيليكونات بايظة(حسب تصميم الدينامو )
2- ان الدينامو نفسه فقد قدرته على الشحن وده بسبب ان احد مكوناته الأساسية باظت وهى البوبينة والمخدات والشربونات
المطلوب انك تاخد الديانمو وتروح لكهربائى ديناموهات، هيجرب عليه كتاوت وقاعدة سليكونات من عنده، لو واحد منهم حل المشكلة يبقى هتغير القطعة المعطوبة، لو متحلتش يبقى هيكشف على البوبينة والمخدات والشربونات ويشوف ايها بايظ ويغيره، وفى احيان كتيرة بيكون من الأسهل انك تاخد دينامو استيراد لأن تمنه مش بيقرق كتير عن مجموع اصلاحات دينامو فيه اكتر من مشكلة
اقتباس:
انا قيست شحن الدينامو و كان كويس 14 الراجل قالي دة كدا كويس جدااا اصل دة دينامو شاهين
طيب تفسر بأيه يا خالد باشا ....أنه قاس الشحن ولقى الدينامو بيطلع 14 فولتاقتباس:
لمبة الدينامو لما تنور معناها ان الدينامو مبيشحنش، وده له سبب من 2، لو خرجنا انقطاع السير من حساباتنا
الراجل قالي ان الشحن كويساقتباس:
المشاركة الأصلية كتبت بواسطة samirayad
بس انا كنت حاسس قبل كدا ان الدينامو بيطلع تيار متردد و ليس مستمر بدليل ان الكاسيت و ال fm modulator كانوا بيخرفوا بدون سبب و عملت كل حاجة
اول ما الدينامو فصل التخريف دة و قف
على العموم هروح يوم الجمعة ان شاء الله للكهربائي و اوف الموضوع اية و ارد عليكم
و شكرااا على الاهتمام
انا فعلا مشفتش الجملة دى واضح انى قريت بسرعةاقتباس:
المشاركة الأصلية كتبت بواسطة samirayad
من قواعد الاصلاح وتشخيص الاعطال انك تبدأ الاول بالتفكيرفى الاسباب البسيطه اللى ما فيش فيها تعب كبير وفى حالتنا دى ممكن تكون:
1-إختبار شد سير الدينامو؟
2- عدم تثبيت الكابلات البطاريه - الدينامو - الارضى او ان فى سلك مش واصل؟
3- ان يكون فى تراب او حاجه فى الشربون بتاع تغذية الدينامو وبالتالى الدينامو مابيشحنشى؟ او ممكن يكون الشربون نفسه متاكل؟
4- لو فى رائحة شياط او ماشابه ذلك تبدأ تشك ان فيه حاجه اكبر
بعد كده وزى ما قالو الاخوه تبدا فى قياس خارج الدينامو. بس فى حالة الدينامو ان مابحكمش عليه سلامة عمله من خلال الجهد الكهربى فقط. لازم احمل عليه واقيس الامبير كمان.
لو الكلام ده ماجبش معالك نتيجه تبدا تفكر فى فك الدينامووتنظيف اجزاءه واعادة اختباره بورشة كهرباء السيارات وعادة اول ما الناس بتفكر فيه هو قاعدة السليكونات (Diodes) زى مالناس بتقول وعلى فكره التسميه دى فيها شى من الصحه لان الدايود بيصنع من اشباه الموصلات Semi-conductors اللى بيستخدم السليكون فى تصنيعها. وده اختبار سهل جدا بيتاكد فيه ان التيار بيمر فى اتجاه واحد فقط مش اتجاهين يعنى ON فى اتجاه و Off فى الاتجاه الثانى
اما بالنسبه لكتاوت شحن الدينامو: ففى معظم الديناموهات الحديثه AC بيتم تنظيم شحن الدينامو عن طريق دائر ترانزستور يعتنى ما فيش كتاوت بمعناه الحقيقى والهدف منها تنظيم سحب التيار من الدينامو Current limitter
من الحاجات المهمه كمان ان اى دينامو بيكون لهmaximum Amper يعنى ياريت ناخد بالنا ومانحملش باحمال كهربيه فى العربيه اكتر من اللى منصوص عليه فى كتالوج العربيه
احب اسمع منكم لو فى حاجه غلط فى كلامى
فعلا فيه دايره فى خلف الدينامو وأسمها integrated circuit regulator (اللى الصنايعيه بيقولوا عليها الكتاوت ) ووظيفتها تنظيم الفولت والتيار اللى رايح لشحن البطاريه .....بعمل قصر كهربى على لمبة أنذار الشحن وبكده اللمبه بتطفى........وتوجيه خرج الدينامو الى البطاريه لتعويض الفاقد من قدرتها وقت الدواره وأمداد المكونات الكهربيه بالكهرباء اللازمه........اقتباس:
اما بالنسبه لكتاوت شحن الدينامو: ففى معظم الديناموهات الحديثه AC بيتم تنظيم شحن الدينامو عن طريق دائر ترانزستور يعتنى ما فيش كتاوت بمعناه الحقيقى والهدف منها تنظيم سحب التيار من الدينامو Current limitter
_ وأكيد الكتاوت ده هو اللى بايظ (بيخرج فولت كويس والأمبير تعبان ) وعلشان كده اللمبه منوره على طول ....علشان رايحلها الأمبير من البطاريه مش من الدينامو.......وكده كده اللى كان بيغذى الدايره هو البطاريه فى الحاله دى علشان أمبير الدينامو مش كويس بسبب تلف الدايره الألكترونيه (أو الكتاوت ده )......_ والكهربائى تقريبا كان أطمن على الفولت ولكن الأمبير تعبان بتاع الدينامو.....وكده البطاريه حتنام..........وده فعلا النظام فى الدوائر الحديثه للدينامو........_ أما قديما ...كان بيبقى فيه قاطع تيار (زى كتاوت وأسمه CUT OUT) اللى كان بيقوم بدور الدايره المتكامله الحاليه .......وكده توقعات أخونا الفاضل : المهندس خالد (كانت تمام )......والدينامو فعلا بيطلع فولت (وده اللى الكهربائى قاسه )......بس أمبير الدينامو مش كويس ............هذا والله أعلم (ونحن فى أنتظار النتيجه من صاحب الموضوع ).............
روحت للكهربائي و الحمد لله غير سيليكونات الدينامو و دة بتعمل حوالي 65 ج و الحمد لله الدنيا تمام
فعلا كما ذكرتاقتباس:
المشاركة الأصلية كتبت بواسطة dr_abooody