.:(حصرى)-(عدل عربيتك بنفسك )(حلقة 1 ) تعديل كشافات إمبريزا 2005 الأمامية ( بالصور) #:

عرض للطباعة

20-04-2009, 12:35 PM
ahmad7610

.:(حصرى)-(عدل عربيتك بنفسك )(حلقة 1 ) تعديل كشافات إمبريزا 2005 الأمامية ( بالصور) #:

النهاردة لقيت لكم موضوع على النت عن تعديل كشافات إمبريزا 2005 بنفسك .. (( أى حد حيعمل الكلام ده هو المسئول أنا ماليش دعوة ):36_7_4[1]:
-------------( الصور منقولة من موقع أجنبى )---------------
-
الهدف من التعديل :::
( جعل إشارات الكشاف الأمامى شفافة )
قبل-----------------
http://www.skivvies.com/WRX/images/h.../01-before.jpg
-
-
بعد-------------------
http://www.skivvies.com/WRX/images/h...s/16-after.jpg
--------------
-
الخطوات :::::::::::::::::::::::::::
----------------------------------
1- حنحتاج الأدوات دى :
مفك عادى مش صليبة ومفك 10 مم
مفك philips لفك الصواميل اللى ماسكة الكشاف
http://www.harmonicasessions.com/dec03/H-Workbench1.jpg
-
http://www.shinny.co.uk/ky2/p6100046.cropped.jpg
-
http://www.wpclipart.com/tools/hand_...crewdriver.png
-
صانية للفرن ( ايوه صانية )
http://s7v1.scene7.com/is/image/John...0810?$product$
--------------------------
2- نبدأ على بركة الله ::::::
-
حنفك الشبكة الأمامية كما فى الصور
http://www.skivvies.com/WRX/images/h.../02-grille.jpg
4 كليبسات ( السهم الأحمر ) تفك باليد
السهم الأزرق يشير لمسمارين لازم نفكهم ...
-
3- استخدم المفك ال 10 مم لفك المسمارين أعلى الكشاف
http://www.skivvies.com/WRX/images/h...op_bolts_s.jpg
-
4- فى مسمار ثالث فى مكان غبى كده تحت مكان ما شيلنا الشبكة وحتلاقيه فى جنب الكشاف لازم تفكه
http://www.skivvies.com/WRX/images/h...third_bolt.jpg
-
-
يتبع<<<<<<<<<<<<<<<<<<<<<<
20-04-2009, 12:37 PM
ahmad7610

>>>>>>>>>>>>>>>

-
تابع >>>>>>>>>>>>>>>>>>>>
-
بكده يبقى حررنا الكشاف .. لكن ممكن تلاقى شويه حاجات كده تعاكس خروجه فممكن تفك المسامير اللى فى الصورة بس متفكهاش كاملة ..
http://www.skivvies.com/WRX/images/h...pop_tabs_s.jpg
-
http://www.skivvies.com/WRX/images/h...ner_clip_s.jpg
-
فى كليبس أخير كده افتحه بإيدك وانت بتخرج الكشاف ..
http://www.skivvies.com/WRX/images/h...ner_clip_s.jpg
-
5- على الناحية اللى جنب السواق ( الكشاف الشمال وانت واقف أمام العربية ) الكشاف ده ماسك بذراعين فى الكشاف نفسه لونهم ذهبى حاول تحركهم كما فى الصورة ( لأعلى وشمال) وانت بتشد الكشاف لحد ما يخرج معاك
http://www.skivvies.com/WRX/images/h...ner_pegs_s.jpg
-
6- فك وصلات الكشاف الثلاثة من وراء ( احفظ ترتيبهم جيدا )
----
7-دلوقتى معاك الكشافين مفكوكين من العربية تماما
http://www.skivvies.com/WRX/images/h...yeless_rex.jpg
-
احذر من تجريح الكشافات لأنها حساسة جدا للخدوش
-
7- باستخدام المفك ال philips
http://www.wpclipart.com/tools/hand_...crewdriver.png
-
حنفك ظهر الكشاف
كما فى الصورة هما مسمارين مستخبيين
http://www.skivvies.com/WRX/images/h...-unscrew_s.jpg
-----------------------

يتبع :k31:
>>>>>>>>>>>>>>>>>>>>>>>>>>>>>>
20-04-2009, 12:39 PM
ahmad7610

>>>>>>>>>>>>>>>>

الخطوة اللى جايه ممكن ماتعملهاش ::
8- فك وصلات اللمض ... واللمض نفسها
( ملهاش لازمة الخطوة دى لأننا مش حنغير حاجة فى اللمض
------------------
9- جه الوقت علشان نفك الوش الزجاجى للكشاف
-
اللى عمل الموضوع ده حط الكشاف كله فى الفرن على الصانية فى درجة 200 F
بس أنا شايف انك ممكن تستخدم أى طريقة أخرى زى البخار على البوتاجاز صحيح عملية بطيئة لكن أضمن من أنك تحط كشاف العربية فى فرن البوتاجاز خاصة لو حد معاك فى البيت حيقول عليك ***:beatdeadhorse5:
-
http://www.skivvies.com/WRX/images/h.../11-bake_s.jpg
-
10- بفك flat أو مفك رفيع أبدأ فك وش الكشاف من ظهر الكشاف
http://www.skivvies.com/WRX/images/h...seperate_s.jpg
الخطوة محتاجة صبر علشان مش تكسر حاجة من وش الكشاف
(( أوعى تلمس اى منطقة من داخل الكشاف علشان ما تعملش بصمات داخل الكشاف وتلجأ لتنظيفها بعد كده ))
11-فى شريط من الكروم مغطى على مكان الإشارة حتلاقى له مسمارين فكهم
لحد ماتوصل للشكل ده
http://www.skivvies.com/WRX/images/h...al_cover_s.jpg
فك البلاستيكة البرتقالى .. لها كليبسين كما فى الصورة فكهم مع بعض
http://www.skivvies.com/WRX/images/h...al_cover_s.jpg
-
http://www.skivvies.com/WRX/images/h...eflector_s.jpg
-
لو عايز تبدل اللمبة بتاعة الإشارة للون الأبيض فك اللمبة وبدلها بواحدة فى نوع كويس اسمه Phillips SilverVision وهو transparent
http://www.skivvies.com/WRX/images/h...ht_cover_s.jpg
-

-
12-
صاحب الموضوع شال البلاستيكة البرتقالى واكتفى بكده لكن ممكن تحط مكانها أى بلاستيكه شفافة بنفس الحجم من عندك علشان تدارى على اللمبة ويبقى شكلها حلو برضه
-
13-دلوقتى عايزين نرجع الكشاف ونلزقه
المفروض يكون فى أثار للزق لسه موجودة مكانها
رجع الوش ودوس جامد على الظهر لحد ما تلاقيهم مسكوا كويس .. لو اللرزق نشف ممكن تسخن تانى وتخليك ماسكهم فى بعض تانى 10-15 دقيقة
-
أو ممكن تستخدم اللزق اللى بوشين علشان تلزق الوش فى الظهر أو أى نوع لزق تانى تلاقيه فى محلات الاكسسوار .. فى نوع على النت مش عارف موجود فى مصر ولا لأ ...
http://autobodystore.net/Merchant2/g...001/3m8578.jpg
-
-
14-رجع الكشافات مكانها بنفس الخطوات اللى فاتت بس معكوسة
-
وصل الكابلات قبل ما تثبت الكشافات أفضل
-

15-
النتيجة :::::::::::::::::::::::::::::
http://www.skivvies.com/WRX/images/h...16-after_s.jpg
-
http://www.skivvies.com/WRX/images/h...-after_2_s.jpg
-
-

أى حد حيعمل الكلام ده ومينجحش هو المسئول عن كده .. أنا شخصيا مجربتش الحكاية دى وحاولت أنقل الموضوع واترجمه بدقة متناهية وأتمنى الموضوع يعجبكم ..
-
وانتظرو حلقات أخرى
20-04-2009, 04:30 PM
Hesham_91

موضوع جاااااامد جدا...احلى حاجة انك تشتغل في عربيتك بنفسك :3mla:
20-04-2009, 10:08 PM
Ahmed Hassan

فعلا ممتع ان الواحد يشتغل في عربيته بنفسه... بس الموضوع ده بالذات انا شايف انه خلى شكل العربيه مش حلو (الكشافات بقى ملهاش شخصيه)

شكرا يا احمد على الموضوع المفصل و الشرح الوافي
20-04-2009, 10:41 PM
ahmad7610

اقتباس:

المشاركة الأصلية كتبت بواسطة Ahmed Hassan

فعلا ممتع ان الواحد يشتغل في عربيته بنفسه... بس الموضوع ده بالذات انا شايف انه خلى شكل العربيه مش حلو (الكشافات بقى ملهاش شخصيه)

شكرا يا احمد على الموضوع المفصل و الشرح الوافي

-
العفو ..
-
+100
أنا معاك فى إنه خلى شكل العربية مش حلو
-
أنا كنت دايما بأعمل التعديل ده لما أعدل العربية فوتوشوب .. لكن بجد لما شوفته بيتعمل فى الموضوع ده واقعى معجبنيش خالص .. ::majd(2):
والأفضل إن الإشارة دى تفضل شغالة على طول وتبقى قريبة من الفئة الخامسة :w6266d
-
والهدف من الموضوع ده إنه ممكن يفيد أى واحد حابب يعدل بطريقته يعنى مش شرط تعمل اللى هو عمله ممكن تضيف حاجات من عندك زى عدسات وليدات وكده
20-04-2009, 10:44 PM
ahmad7610

اقتباس:

المشاركة الأصلية كتبت بواسطة Hesham_91

موضوع جاااااامد جدا...احلى حاجة انك تشتغل في عربيتك بنفسك :3mla:

-
ألف شكر على ردك الجميل .. وانتظر المزيد من الأفكار اللى بجد ساعات بلاقيها مبالغ فيها لكن فى ناس بجد لاسعة وبتعمل حاجات مش ممكن أفكر أعملها فى العربية .. انتظر مواضيع تصل لحد شرح عمل عمرة بنفسك لمحرك امبريزا قديم و فك المحرك بالكامل :36_7_4[1]:
21-04-2009, 12:54 AM
khalid_adel

تسلم يا احمد على المجهود ده وعلى الترجمه الحلوه دي
احب اضيف ان 200 فهرنهيت = 93 درجه مئويه العاديه (سلسيوس)
معلش ليا عندك انا عندي فوانيس الفوجات (امبريزا 2006) اتوسخو اوي من كتر اللمض اللي اتحرقت جوه فهل ينفع افك الفوانيس دي وانضفها من جوه واركبها تاني
في التوكيل قالولي مينفعش ودول بيتغيرو وبس وطبعا انا مستحرم اغيرهم عشان مجرد تنضيف داخلي
يارب ينفع وتقولي كده ازاي ولو بصور تبقى تماااااااااام
21-04-2009, 01:54 AM
ouba2

الف شكر يا احمد باشا علي الموضوع المفيد
بس انا شايف ان كدة الفوانيس بقي شكلها مش حلو
علي فكرة احنا جبنا نيسان صني 2009 اوتو الشكل الجديد و هانستني فترة عشان نجيب الامبريزا
و انا هاعمل موضوع قريب اوريكو فية الليوني بعد التظبيط و اعزروني علي قلة التواجد بس انا فعلا مشغول
والله واحشني كلكو
21-04-2009, 03:03 AM
Mosso

شكرا لتعبك و مجهودك في انلقل مع اني مع باقي الاراء ان الشكل الاصلي احلى,
يا ريت بقه تعديلات زيادة الاداء
استاذ احمد حسن حضرتك عامل تعديلات ممكن تقولنا ايه هي عشان عايز اعلي اداء العربيه شويه عن كده,
و هو لو جبت فلتر K&n هيركب عادي ولا لازم حاجه معينه؟
انا عايز اركب فلتر و بوجيهات و سلوك و ان شاء الله هعمل شكمان و اشيل الاصلي اخليه عندي
حد عنده افاده في المواضيع دي؟
و شكرا,,,
21-04-2009, 04:08 AM
khalid_adel

ال K&n هيركب عادي وهيبقى زي الفل كمان المهم شيل البوكس القديم وركب الفلتر وهتجيب ماسوره ليه تكفى مكان العربيه
والبوجيهات والسلوك اسأل احمد هيفيدك اكتر لان دول لازم يبقو نفس كود العربيه وبالمقاس وهو جابهم من بره تقريبا
اما الشكمان حتقابلك مشكله علبة البيئه لما تشيلها لمبه عطل الموتور حتنور في التابلوه بس تقريبا في حل ان شاء الله ليها
21-04-2009, 10:20 AM
ahmad7610

اقتباس:

المشاركة الأصلية كتبت بواسطة khalid_adel

تسلم يا احمد على المجهود ده وعلى الترجمه الحلوه دي
احب اضيف ان 200 فهرنهيت = 93 درجه مئويه العاديه (سلسيوس)
معلش ليا عندك انا عندي فوانيس الفوجات (امبريزا 2006) اتوسخو اوي من كتر اللمض اللي اتحرقت جوه فهل ينفع افك الفوانيس دي وانضفها من جوه واركبها تاني
في التوكيل قالولي مينفعش ودول بيتغيرو وبس وطبعا انا مستحرم اغيرهم عشان مجرد تنضيف داخلي
يارب ينفع وتقولي كده ازاي ولو بصور تبقى تماااااااااام

العفو يا خالد .. وان شاء الله ألقى موضوع عن فك فوانيس 2007 ..
-
وأكيد طبعا فى التوكيل حيقولك غير الفانوس كله .. لكن حصلت مع أخويا فى خبطة فى فانوس 2005 خلفى وقالوله كده
-
لكنه راح عند واحد فى الحرفيين فك الوش الشفاف للكشاف الخلفى ( اللى كان مكسور ) و نظف الكشاف من جوه بمياه وحاجات تانية كده ممكن تكون جاز أو بنزين الله أعلم . وعمله وش شفاف تانى للكشاف بقى قريب جدا من الأصلى بنسبة 90% ( ما تقدرش تفرق بين الأصلى غير لما تقرب ) وأهم حاجة إن الكشاف رجعت له لمعته تانى ....واتكلف 75 جنيه:satelite:( الكلام ده من 3 سنين تقريبا )
---------------
فأعتقد إنك تتطلع على الحرفيين و فى ناس كتير بتعمل حوار الكشافات ده .. وخليه يفك الكشاف وينظف ( عملية سهلة جدا - لكن عايزة حرص فى نفس الوقت ) ولو عندك الوش مكسور ممكن يعملك واحد ( لكن خد بالك لأن الكشاف الأمامى شفاف جدا فلازم الخامة اللى يعملها تكون نظيفة )
-
وإن شاء الله ألاقى لك موضوع عن فك كشاف 2007 لو غاوى تعمله بنفسك
21-04-2009, 10:23 AM
ahmad7610

اقتباس:

المشاركة الأصلية كتبت بواسطة ouba2

الف شكر يا احمد باشا علي الموضوع المفيد
بس انا شايف ان كدة الفوانيس بقي شكلها مش حلو
علي فكرة احنا جبنا نيسان صني 2009 اوتو الشكل الجديد و هانستني فترة عشان نجيب الامبريزا
و انا هاعمل موضوع قريب اوريكو فية الليوني بعد التظبيط و اعزروني علي قلة التواجد بس انا فعلا مشغول
والله واحشني كلكو

-
الف مبروك .. ومستنيين صور عربيتك الليون:w6266d
21-04-2009, 02:29 PM
ahmad7610

khalid_adel
-
الموضوع بتاع الفوج ده للاسف مش لاقى له صور حتى الأن .. لكن .. الصور دى ممكن تساعدك
-
لان مش باين هل وش الفوج ممكن يتفك بسهولة ولا لأ .. عموما انت ممكن بالراحة تفك الوش البلاستيك ده
http://istargazer.ca/sti/sti-fog-trim.jpg

ده ماسك فى الاكصدام بحوالى 6 كليبسات .. ممكن تفكهم من الأمام بمفك مفلطح ( بس حاسب علشان مش تجرح الاكصدام ) وممكن تفكهم من وراء ( من تحت العربية )
-
ده المنظر بعد الفك
http://istargazer.ca/sti/sti-foglight1.jpg
-
لاحظ أماكن الكليبسات
-
( بص فى دليل المالك اللى معاك بتاع العربية ) أكيد حتلاقى طريقة فك الوش البلاستيك ده و طريقة تركيب لمبات الفوج ..
-
دى للاسف الصور اللى لاقيتها على النت .. وأعتقد انت كده ممكن تفك لمبة الفوج وتنظف على قد ما تقدر .. ولو لقيت لك طريقة فك وش الفوج حاكتبها هنا ..
21-04-2009, 10:40 PM
khalid_adel

تسلم يا باشا على الرد السريع ده والمجهود الجامد ده
بص هو فك الكليبسات والفانوس نفسه من الامصدام سهل (عملته لما ركبت زينون في الفوج)
لكن المشكله ان فانوس الفوج مقفول يدوبك تدخل اللمبه بالعافيه وانا كنت عايز افكه وانضفه من جوه
زي موضوع الفرن كده فهل ده ينفع معاه يتفك الوش بتاع فانوس الفوج بالطريقه دي ولا ميستحملش ؟؟؟؟؟
والف شكر ليك مره تانيه
22-04-2009, 02:50 AM
Mosso

طيب يا خالد هو لو شيلت اللمبه و فكيت الفانوس ينفع تجيب اي سبراي منظف من الي بيتبخر بحيث تنضفه بالبوز الي بيكون فيه؟
اسأل الاول لو مش هتأثر على الفانوس ولا على مكوناته جرب الطريقه دي
لو Wd-40 مثلا
22-04-2009, 10:46 AM
ahmad7610

اقتباس:

المشاركة الأصلية كتبت بواسطة Mosso

طيب يا خالد هو لو شيلت اللمبه و فكيت الفانوس ينفع تجيب اي سبراي منظف من الي بيتبخر بحيث تنضفه بالبوز الي بيكون فيه؟
اسأل الاول لو مش هتأثر على الفانوس ولا على مكوناته جرب الطريقه دي
لو Wd-40 مثلا

-
هى فكرة حلوة .. ممكن فعلا تربط أى قطنة فى الذراع اللى مع wd-40 أو أى حاجة طويلة تقدر تعدى فى مكان لمبة الفوج ... وتحاول تنظف الأول على الناشف وتشوف النتيجة
---------
عموما يا خالد أنا قريت إن حكاية الفرن دى ممكن كمان مع الفوج وعلى نفس درجة الحرارة لمدة 10 دقايق ...لكن لسه مش لاقى صور للعملية دى
-
انت لو عرفت تفك الفوج من العربية حاول كده تصوره لنا علشان نقدر نساعدك أكتر .. وأعتقد حيبان لو كان الوش ملزوق وممكن يتفك ولا كله صب واحد
22-04-2009, 10:54 PM
khalid_adel

الصراحه مش انا اللي فكيته اللي فك الفانوس كان بتاع الزينون وهو بيركبه والصراحه كان صعب ورخم معاه اوي
فانا لو كده ممكن لو تقولولي على حد محترم في الفك والكلام ده وانا ابقى اعمل معاه بالسبراي ال 40 وهو فكره حلوه مش عارف ليه مجاش في دماغي
وتسلم يا باشا على الرد ده
23-04-2009, 12:30 AM
ahmad7610

اقتباس:

المشاركة الأصلية كتبت بواسطة khalid_adel

الصراحه مش انا اللي فكيته اللي فك الفانوس كان بتاع الزينون وهو بيركبه والصراحه كان صعب ورخم معاه اوي
فانا لو كده ممكن لو تقولولي على حد محترم في الفك والكلام ده وانا ابقى اعمل معاه بالسبراي ال 40 وهو فكره حلوه مش عارف ليه مجاش في دماغي
وتسلم يا باشا على الرد ده

-
بص أنا شبه متأكد بنسبة 99% إن الفوج بتاع 2006-2007 عبارة عن وش وظهر برضه وحيتفك بالحرارة زيه زى معظم الفوجات لان 2004 و 2005 و 2008 و2009 كده ... المشكلة دايما إن الوش مش بيتباع لوحده .... عموما لو إنت عندك استعداد تعمله لوحدك ارفع واجهة العربية و فك الفوج واللمض وسخنه باستيشوار شعر ... لكن رأيى أعمله عند حد فى الحرفيين .. فى ناس هناك معديه فى موضوع وش الكشافات والفوجات ده .. وحسألك برضه لو فى حد معين
-
أتمنى حد من اللى عندهم خبرة كويسة فى الحرفيين او أى مكان تانى يفيدك عن مكان كويس لأنى مش ساكن فى القاهرة للاسف ..
31-05-2009, 02:43 PM
H_Shaker

مساء الفل يا Mosso, إنت كنت بتسأل على انك عايز تغير ال air intake system و تركب system K&N. في 3 filters K&N ينفعو lel subaru el Impreza 2005,6,7. في واحد اسمو (57i Kit) ال Part number بتاعو 570646 و في واحد تاني ال part number beta3o 332154 Stock replacement و واحد تالت اسمو (Typhoon Kit) ال part number بتاعو 698001TWR
التلاتة ليهم كذا طريقة تركبهم بيها:
ال-stock replacement دة مش محتاج وجع دماغ خالص، دة بس بيركب مكان الاوريجنال فلتر فا بتشيل الأديم و تركب دة مكانو. التاني والتلت دول وجع دماغ شوية فالتركيب بس إنت مش محتاج تغير حاجة فالانجن أو أي حاجة. بس خلي بالك إن هيبئة لزم تشيل واحد من الfog lights إلي عندك. في طريقة تانية باءة جامدة أوي لو إنت مش عايز تشيل fog وال طريقة دي هي انك تركب hood scoop. دي مش غالية و في نفس ال وأت بتدي منظر حلو أوي ل عربيتك (طبعاً أنا أصدي hood scoop بجد مش لذء و خلص) و هتعمل ال filter piping ياخد هوى من ال hood scoop. و ربنا معك إن شاء الله.
و بخصوص ال-exhaust pipe إلي كنت عايز تغير لزم تخلي بالك انك تفك الأديم بعد ال-catalytic converter (يعني تخلي ال converter) و تركب ال جديد من بعدو عشان ميعملكش مشاكل فال عربية بعدين. ال catalytic converter دة هتلئيهة بوكس كدة تحت مكان ال فتيس علطول. أي خدمة يا عم Mosso. لو حبيت تسأل على أي حاجة تاني ألي علطول.
31-05-2009, 05:03 PM
Mosso

اقتباس:

المشاركة الأصلية كتبت بواسطة h_shaker

.

الف شكر يا باشا
02-06-2009, 02:30 AM
H_Shaker

لا شكر على واجب يا باشا
يارب بس تكون المعلومة افادتك.
السلام عليكم