الموضوع: عاوز احجز 4 ايام في الغردقة

المشاركة الأصلية كتبت بواسطة abdelaziz-waleed

الف شكر على المعلومات يا سيادة اللواء

معلش يا اسامة على موضوع تغيير الميعاد لأن السبت كان مناسب للاغلبية بس ملحوقة ان شاء الله
المقابلة الجاية مش هانسيبك حتى لو كان عندك ايه
اما بالنسبة للطريق
انا عارف الطريق من الوصف بتاع اللواء حسام حسن في موضوع الدليل السياحي
بس مشعارف بقى ازاي اوصل لقرية ذهبية

لا بسيطه جدا أول لما توصل الغردقه اسأل علي طريق القري او امسك الكورنيش وخليك ماشي عليه فالشمال لحد اما تعدي علي الهيلتون وحتعدي علي ارابيلا حتلاقيها عاليمين جنب ارابيلا علطول بس ركز عشان ممكن متاخدش بالك منها وتفوتها

المشاركة الأصلية كتبت بواسطة samoevil911

هي الغردقة حلوة؟؟؟؟

الغردقه تحفه مش حلوه بس

================

بص بقي يا ول عشان تستمتع بالرحله في كذا حاجه لازم تعملها هناك

اولا لازم تركب ال Glass Boat وتعمل جوله يوم كامل في البحر والحاجتين دول موجودين ففندق اسمو سيجر فشارع الشيراتون،، الـ Glass Boat دا اللي بتشوف منه الشعب المرجانيه والرحله البحريه دي بتبدأ الساعه 9 الصبح بتاخدو يخت انتو وشوية ناس اجانب وتطلعوا عالبحر بتنزلو فجزيره فنص البحر كدا وفيها صيد وغطس وحاجات حلوه تانيه وبتنتهي عالساعه 5 كدا يعني 8 ساعات عاليخت جوا الميه وبيقدمولك وجبه كمان

بالنسبه لسعرهم انا معرفوش والله عشان انا لما رحت انا وصحابي كنت عارف قائد حرس الحدود هناك فهوا اللي ظبطلي كل الحاجات دي ببلاش

اه ومتنساش تاكل سمك من شارع السقاله او تروح تجيبو من المينا علطول في كذا واحد بتوع سمك هناك جامدين

ورحلة سعيده يباشا وخد بالك من الرادار

المشاركة الأصلية كتبت بواسطة abdelaziz-waleed

ياسلام عليك يا اس لما بتبدع. تسلم كيبوردك على المعلومات الجميلة
ايوة كدة افتكر انت عملت ايه هناك واعتف علشان نستفيد.
انا علشان موضوع الاكل ده كنت عاوز اخد الفندق بالفطار بس او حتى اقامة فقط
علشان يبقى فيه فرصة استمتع بأكل الغردقة
انا امبارح كلمت مكتب قرية ذهبية في القاهرة. ردت عليا موظفة اسمها مدام هالة
شخصية محترمة جدا. وقالتلي فعلا ان اسعار شهر مايو 125 جنيه للفرد في الغرفة
المزدوجة وانها ممكن تعملي تخفيض 10% وبالفطار والعشاء
اما بالنسبة بقى للسرعة. انا من هواة المشي القانوني جدا وعلشان اعقدك
لك ان تتخيل اني سافرت من القاهرة لمرسى مطروح على سرعة 95 ك/س ولم اتعدي 100 ك/س حتى على طريق العلمين
اللي خايف منه بس ال 70 كيلو مابين السخنة والزعفرانة وربنا يستر

ههههههههههههههههههههههه يا راجل يا ظالم دنا جبت 180 علي طريق الغردقه ده محنا اوبل زي بعض بقي والثبات عندنا حاجه مشتركه

بالنسبه للطريق ال 70 كيلو بين الزعفرانه والسخنه هي فعلا دي اصعب حته في الطريق كله انا علي قد ما كنت بجري طول الطريق علي 180 و 160 ومبنزلش عنهم جيت فالمنطقه دي بقيت ماشي 60 ومهما اللي ورايا يعمل فرح هوا اخري 70... وخد بالك لازم تاخد الحته دي رايح او جاي بالنهار

وحتلاقي عليها كذا رست كويسين وفيها جامع كمان وحاجات تانيه كتير بس هام حاجه خد بالك من المنحنيات ولما توصل عند بورتو السخنه متبحلقش عليها كتير لان الحته دي حوادث بالهبل عشان كلو بيسيب السواقه ويتفرج علي بورتو سخنه فاحسنلك اركن العربيه وانزل اتفرج علي بورتو سخنه براحتك وبعد كدا ابقي امشي

وبنبهك تاني برده علي المنحنيات لانها شديده جداااا

وتوصل بالسلامه ان شاء الله :10D5C8~1107:

المشاركة الأصلية كتبت بواسطة abdelaziz-waleed

ههههههههههههه. لا يا عم 90 - 95 حلو قوي حتى بيوفر في البنزين. العربية بتعمل معايا 315 كيلو في الصفيحة
بالنسبة للوصلة الخطرة ديه بقى عندي سؤال
هي بتبدأ منين بالظبط وبتنتهي فين. معلش اصل انا اول مرة هامشي على الطريق ده
بجد تسلم يا اسامة والف شكر على تعبك ومعلوماتك الجميلة

الوصله دي بتبدأ بعد ما تمسك طريق القطاميه السخنه الجديده بحوالي 120 كيلو متر، وهوا اصلا طول الطريق الجديد دا 120 والسرعه عليه 120 برده،، يعني مع اخر الطريق ده حتلاقي الطريق بقي فردي وحتستمر كدا ال 70 كيلو دول وبعدين حينتهو برست اسمو صحاري وخد بالك كويس من صحاري ده لان عنده حتخش يمين عشان تمسك الطريق المجوز تاني ولو كملت طوالي حتعتبر سير عكس اتجاه وربنا يسترها معاك بقي

المشاركة الأصلية كتبت بواسطة abdelaziz-waleed

يا خبر ابيض معقولة الكلام ده يا اسامة. مافيش اي حاجة تدلني او اي ارشادات
فجأة كدة الاقيني داخل في المقابل

اه فعلا، وانا دخلتها عكس اتجاه لحد اما لمحت بالصدفه علامة الاستوب ( - ) حسيت اني ماشي غلط فركنت العربيه بعد ما عدلت وشها ونزلت سألت الناس وفعلا طلعت ماشي غلط.... خد بالك عند صحاري هوا حتلاقيه فوشك وانت ماشي قاطع عليك الطريق كدا وباين جدا وحتلاقي قبله دوران يمين باينه جدا برده وعليها سهم بس انا اللي مخدتش بالي منها اوي